Galátia 5:3 - Fayam Midhab Yiesu Kiristoká He Hol Af Iđiny Kaanaká

³ Ebá geđi yú hí il mé geeye, máádhat har gaalí hermisan mé ki tie-, iiy yie-, tawuny leka kieye, hermisanno ye innum Waaˈgiet máá ˈdúwaká gaa hođicha, yieka, af kinaalka mu hemuumurit Moshe lullé gim gaa ija.

Galátia 5:3 ပူးပေါင်းရင်းမြစ်များ

Matááyo 23:16

It gálaat met ki ˈgiiyya-, in maamanal, he ebá hí ki ˈdéen! It gálaat geđicha-, kieye, Máádhat ˈBíl Waaˈgiet ˈdodhdheka, ˈdoon kinaal hé káta mán, hí cheget-, kor máádhat hórkí ˈBíl Waaˈgiet ˈdodhdheka, ˈdoon kinaal hí ki ˈdúwáal!

Matááyo 23:18

Héétí hí kieye, máádhat he kúb suoryoká ˈdodhdheka, ˈdoon kinaallá hé kátaká mán, hí chegedhe, kor hé shiicho gálaat hí Waag shie-, kúb suoryoká ˈdú ijoká, máádhat hí ˈdodhdheka, ˈdoon kinaal hí hé ˈdúwaká chegetóol!

Lúka 16:28

Yú yáá nyaaram chen ˈguo. Mu hí gáál il gíl gaa helio, gaal hai ál manyjany yú gaa ijóóllá ka yímen, yie.

He Ekeny Gál Alb Fimiká 15:1

Gál yááb lés Yuuˈdia gáá yimie mare Ántiok kí fame, gál nyaaramká ˈdeenyéél onisie, kieye, Heermitíe, hát giri hemuumurit Waag hí Móshe ka shiicheká hí gáál oonisicheká. ˈDaab hí ma heermísanká, it rubach Waag ma gaa aargiriny, gaalí yie.

He Ekeny Gál Alb Fimiká 2:40

ˈDeem burnay hatalloká Bétiro hí gáál geey, muí gáál net gaa kaay, mu kieye, Gál barallo-, ˈgierim hí kuongʼodóóllá hol ka ridhdhíe, muí gáál yie.

He Ekeny Gál Alb Fimiká 20:21

Yú yáá gál Yuuˈdi ubaa gál Hellen ki ˈdiiyime, giri gaal ađaabano ubaa nyuogim le haađuo-, Waag makan fafaan-, Máá kúnnaa Guđo Yíésu iiy yegetká.

Róóma 2:25

It gál Yuuˈdííllá, har hí hemuumurit Waaˈgiet ki ˈgiiyyaka, af kinaalka hermisankícho hé ˈdúúw ˈgayyo. Tá har hí hemuumurit Waaˈgiet ma ki ˈgiinyka, af kinaalka hermisankícho hé hermisan kátaká mán.

Galátia 3:10

Gál kieye, Hemuumurít el gaa igiritle he ˈgíérích muun innum Waaˈgietka ke ki gál ˈdúwaká hol yegetká, ˈdórro he ˈgaa, ˈdaa giri hé Warˈgat Waaˈgiet hí hote-, kieye, A meeny máádhat he lullé Warˈgat Hemuumuritiká gaa ijoká el ma gaa igirinyká ˈdórro he ˈgaa, chieká.

Galátia 5:2

Bá dhaayyíe, yáá Báulo lééllá hí geeye, itín har hí gál hí hermisan mé ki tatúóllá af iiy chie-, tawunykíchoka hí kieye, hermisanno nyí innum Waaˈgiet gál ˈdúwaká gaa hođicha, hí chieka, af kinaalka Kirísto kúfáchle hé níínní hí gaa aargiˈdaká mán.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 4:17

Aaléka, ˈdaa Máá kúnnaa Guđokáka, yú hí hééllá geeye, hí mé gaa kaa: Gál Waag ˈduuwle muog-, tawuny hí ˈdúúw mánnallá yaalmisanollé gaa seseen kinaallá haí geđi gaa íđiny.

Dhesaloníke Erká 4:6

Máádhat hai nyárlé Kiristoká hé hat kinaallóóllá ki ekêny, ki ˈdeenêny, ˈdaa giri hát ke hí il gíl gaa heliekáka Waag íín yaalmisano hatallóóllá lulle hala hollo hol gáá nanniyya.

Yuána Erká 4:14

Hát ˈJaakúnno gáál Inyle ali ˈdu gáá kaay-, mu les Máállé Rubachietká yíéllá nyáá nyí ˈduuwle argiyye, nyí hogoto.