Galátia 4:3 - Fayam Midhab Yiesu Kiristoká He Hol Af Iđiny Kaanaká

³ Múún úba hát tikiˈdééllá ke ije, af giri ke Kirísto moonnoyká muun hát ke um nigini-, nyatalaam lesalloká hí gedelle hoteká.

Galátia 4:3 ပူးပေါင်းရင်းမြစ်များ

Matááyo 11:28

Yíésu gáál geey, kieye, It aayaˈgiyya-, ilsh lesalloká hí chiesallá ye ˈdu gáá yimedhíe, hí héf ˈgidhia.

Yuána 8:31

Yíésu gál Yuuˈdi hí iiy yieká geey, kieye, Har hí he onisinychú tág chirateka, itín af kinaalka gon hí lalichú,

He Ekeny Gál Alb Fimiká 15:10

Aalé káána háteka hí Waag ki ekemesete-, hí gál láli kidhdho-, Yíésu iiy yieká ilsh eshim eshimkúnno ubaa muun gáál ka adhdheká hí ˈdú iđimicháal?

Róóma 7:14

Hemuumuritééllá hát Waag yé gáá ˈdiiyyeká hé ki óg. Tá kálmaréélka yú yaalmit chia héle kissoká hátle ki íđinyka, af kinaalka yaalmitchú hééllá: yú he ađááb gédéchlé.

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Korínto ki Naamaká 11:20

Máádhat har káána úba hí hemuumuritle mé gim nannaa yíekaʼ, hí nyiimita yíekaʼ, hé kíchia hí ˈgayyaká hí af ki riridha yíekaʼ, hol máá ˈdúwaká hođia yíekaʼ, héétí hí nee ger gaa tutuna yíekaʼ, it hí mú héllé kinaallá uˈda, hí mú a nee kokoyyoká feˈde.

Galátia 2:4

Tá gál mu hermisatká fedeká he gál điđám ka ˈdie-, muun gáál hurt ká hile-, gáál ka ˈdeey-, mé furit kúnnaa Yiesu Kiristo ki gaa ijóóllá ˈgas egew-, muun gáál nyatalaam Yuuˈdiká mé ki tatuoká.

Galátia 3:19

Tá af kinaalka, hemuumurít hélle meete? Gálaat ˈdaa giri hé ˈdeđewká gaa seseenká in Waag gálaat hemuumurít kí muˈde, ˈdaab umut Waag hí Abirááyam af iđicheká ma ka ˈdaláanká. Hemuumurit Waag hí gálaat ka shigicheká Waag gállé ˈgasso-, urruká hí ká sisidhe, hí máá Waag ubaa gálaat toom gaa sesemeká shigie.

Galátia 4:2

Hééllá he ˈdaa giri iny hátle gál ˈjaalle hí ki kieˈde-, hí ˈdeˈdeenká ubaa hí aany ki chichiratká gil ger gaa ijoká. Iny hé aany ma higiliny, ˈdaab aleđuđugul ˈjaalle hí mureká ali ma kí ˈdíinyká.

Galátia 4:24

ˈDeg naamáállá he hol ki ekeny ˈdaallé ke ki egedhdhe. ˈDegééllá hát he hol af iđiny naama-, Waag hí gálaat af iđicheká. Hágar giri gededhe-, géde ˈdaˈdalleká he hát he hol af iđiny hemuumuriti-, Waag hí gál Yisirayel Gúm Sanai gáá shiicheká.

Galátia 4:25

Hágar úba he hát Gúm Sanai giri lés Arabia gaa yaalká. Hágar ubaa umlé géde-, gálaat hí he ki mumureká he hát ˈjien Yerusalem-, gálle hemuumurít gim gaa ijóóllá.

Galátia 4:31

Aaléka, nyaaramchú, muun hé ke um min gededheká muuniny, muun ke min gededhe-, muuninyká umlé.

Galátia 4:8

Itín af giri hí Waag moonnoyyeká hé gálaat hí waagam yegetká hí gedelle onnoyye.

Galátia 4:9

Aalé káána it Waag óg. Hé kinaallá a mé ˈdaatí Waag hé hí óg. Tá háteka geđi nyatalaam ˈdúúw mán-, hí ađaabanokícho ma gaa egenyallá hí bala ˈdú niiyyéel? Nyatalaaméél geđi hí gedelle chegetoká hí féˈde?

Kolosááya 2:20

Itín in hí húgúm lesalloká gíl sug ki hayche, hí Kirísto hol ˈgar kuyye háluke, tá háteka hátle hí gál nyatalaam lesalloká gim gaa ijoká ka iđáal?

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Héberew 5:12

Itín onnônyka aféél it gál gálaat ˈdeeny Waaˈgiet oonisuoká chie, kor káána hátle geđi máá hí ˈdeeny Waaˈgiet onisinyle mé kí kokootká hí hegesete. Itín hát hí um nigini-, een tákámle igian-, ˈguom gogiyyoká kóony aleđuđugulle ma ka ˈdônyká.

Héberew 7:16

Máá kúnnaa Guđo-, máá suoryo yíéllá hé ˈdaa hemurit giri kieye, máá suoryoká hí émeeny Levi yé gáá ˈdie, chieká ma kí yímen, mu fargogint luolmit biiyoká ˈdaallé he máá suoryo ki yie.