Galátia 2:9 - Fayam Midhab Yiesu Kiristoká He Hol Af Iđiny Kaanaká

⁹ Yákob, Kéfas, ubaa Yuána giri gál Kiristo hí gállé méte ka dhaˈgasanká Waag hát ye ˈdúˈjímle ka shiicheká kimiteká, đo yú ubaa Barnábas nyí gil ger gaa ˈgiiliˈgay, giri nyiin nyí gál gál Yuuˈdi muuninyká ki ˈdiyeenne-, gaal íín gál Yuuˈdi ki ˈdiyeenká.

Galátia 2:9 ပူးပေါင်းရင်းမြစ်များ

Matááyo 16:18

Aaléka, yáá ko meeny Bétiro léká shie. Wárallá in ˈdugle gál ye iiy yeetká lulle yú gaa ˈdiisa, tá gál chiallá hé kúfach fargogintle hí a mé ma kí ˈjeeminy.

Lúka 22:8

Aalé Yíésu Bétiro ubaa Yuána ali fie, kieye, Sedhíe, ˈjila máá ˈgasso-, urru-, Waaˈgietká hí gáál ˈdug gaa nadheká gólólle tág ka naatíe, yie.

Yuána 1:42

Mu đo Símon Yíésu ˈdú eey. Yíésu Símon ki fuˈjie, kieye, Kúún he Símon, iny Yuanaká. Kúún aaléka Kéfasso gaalí ko yegedhe, muí mú yie. (Meeny Kéfaslééllá hélle kieye, Nyátáábá, af Hellenka Bétiro.)

He Ekeny Gál Alb Fimiká 12:17

Bétiro gáál gíl ki geey, giri gaal shab yegetká. Mu hát Máá Guđoká hí ˈbíl hiiginká yé gáá ˈdeeyká gáál geey. Aalé mu kieye, Yákob ubaa gál nyaaramká ˈdeenyééllá geeyyíe, yie. Mu đo ál kinaal gaa kie, ál éíy taaka mé nie.

He Ekeny Gál Alb Fimiká 15:13

Aalé gaal he ˈdeem beeteká Yákob les gaa kie, kieye, Nyaaramchú, ye af nee kóo.

He Ekeny Gál Alb Fimiká 15:7

Aalé gaal he hol súm geeyká, Bétiro les gaa kie, kieye, Nyaaramchú, ití óg, hát giri kíssóótí Waag hí ye hurt gáá viiyye-, giri kidh Fayam Midhaballá afchú gaa maalo-, fayám iiy yegetká.

He Ekeny Gál Alb Fimiká 4:36

Yúósef giri máá Levi, tá máá lés Kuburos, giri gál alb fimiká hí meeny Barnábas léká shieká léslé he lilayká úba bíre hidhdhe, bíre kinaal gál alb fimiká met ká sidhe. (Barnábas hélle kieye, Máá gáál gogofsuoká.)

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 15:15

Tá ˈdeem yú hí ˈdu gáá vereno-, yú ma ka kaanallá, he giri yú hí ˈdeem um ˈbaal tabano kí gagadhoká. Hééllá he ˈdaa giri Waag ye ˈdúˈjímle ká shiiche-,

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto ki Naamaká 11:5

Gál hol gál ˈdúwa-, alb fimiká hol ka hoyallá, tawunychúka, hé ye ma ˈdú ˈduwanany.

Korínto ki Naamaká 12:11

Yú hát máá đeechká ˈdéé ká hogodhe. ˈDaa giri hí ye ˈdéé ma ˈdú húógonká, hééllá itíni hí ye mé ki koyye. Hár úba káána yú máá káta mánká kátaka, gál hol gál ˈdúwa-, alb fimiká ka hoyallá hé íín ye ma ˈdú ˈduwanany.

Korínto ki Naamaká 8:4

Gaal súm nyí gil ki efe, giri hé shiicho muun ke gál Kiristo Yerúsalem gaa ijoká ali ˈdú fafuoká úba ká shiguoká.

Galátia 1:16

in Waag ye Inyle kí edhesiche, giri yú mú fayamle gál gál Yuuˈdi muuninyká ki ˈdiyeenká. Waag ye Inyle kí edhesicheká, yáá máá níínní ˈdú sedhe-, heete-, ye he af gáá koyká mán.

Galátia 1:18

Aalé warram seđ beeyyeká yú Yerúsalem sedhe, giri Kéfas nyí hol oonootoká. Ál kinaallá kulich tomon tikiˈde a chenno nyí mú hol af yíéđiyye.

Galátia 2:1

Aalé warram tomon tikiˈde a afur beeyyeká yú geđi Yerúsalem mé nie, Barnábas nyí hol eete, Títos úba yú eedhdhe.

Galátia 2:2

Sienyééllá Waago hí ye mé gaa kaayye. Yú ál kinaal ki ˈjieká gál Kirísto iiy yieká gállé gaalí gál méte ka dhaˈgasanká yú tól eedhdhe, yú Fayam Midhab Kiristóóllá hát yú gál gál Yuuˈdi muuninyká ki ˈdiiyimeká fayamle shie. Hééllá yú ekeyallá he ˈdaa giri hújích yú nie-, laatle hátle yú gaa ijo-, yú lađaanallá ma ˈdeđenen-, gaal hújích chiallá hát tagléká iiy yegetká.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Eféso 2:20

ˈBíl geer Waaˈgietallá gál Waag hí ˈdéé ká shigicheká ubaa gál alb fimiká Waag hí ˈdug gaa ˈdite, Yiesu Kirísto íín he ˈbíl áár.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Tímote Erká 3:15

giri gál ˈbíl geer Waaˈgiet húgúmlé ki ijoká kuuní ógká. Gál ˈbíl geer Waaˈgietallá he Waag bííyyo ali iđoká gállé. Gálallá hát ˈbíl áár, gaal hé ˈdúwa-, Waaˈgietká he úr ki chichiˈda.

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Kí Edhesiny 3:12

Máá hé lesalloká ká adhatká Waagchú ˈbílle aarlé hí guogoyoká áár tikiˈd ha yú hođia. Mu hé geđi ˈbíl kinaallá yé ma gaa ˈdeeminy. Tá mú Waagchú meenyle ubaa Waagchú ˈjienle meenyle ha yú gaa verene. ˈJienééllá he Yerúsalem kaana-, Waagchú gáá chiimet-, úr gáá leletoká. Héétí meeny chia kaanaká úba ha yú mú gaa verene.