Galátia 2:2 - Fayam Midhab Yiesu Kiristoká He Hol Af Iđiny Kaanaká

² Sienyééllá Waago hí ye mé gaa kaayye. Yú ál kinaal ki ˈjieká gál Kirísto iiy yieká gállé gaalí gál méte ka dhaˈgasanká yú tól eedhdhe, yú Fayam Midhab Kiristóóllá hát yú gál gál Yuuˈdi muuninyká ki ˈdiiyimeká fayamle shie. Hééllá yú ekeyallá he ˈdaa giri hújích yú nie-, laatle hátle yú gaa ijo-, yú lađaanallá ma ˈdeđenen-, gaal hújích chiallá hát tagléká iiy yegetká.

Galátia 2:2 ပူးပေါင်းရင်းမြစ်များ

Matááyo 10:16

Bá dhaayyíe, yú albo hí fafaa, hát wala đányar hursam gaa seseenká haí cheedhe. Aaléka, hát chárka ˈdaaliledhíe, hát hóleka sáa yiedhíe.

He Ekeny Gál Alb Fimiká 15:12

Aalé nyesebich lulle shab yie, Báulo ubaa Barnábas af nee koy. Báulo ubaa Barnábas Waag hát hí hujich ki naasate-, hé gáál af ˈdaˈdabsuo-, kidh hí il ki argeká Waag hí kidh hurt gaa eekemeycheká gáál geey.

He Ekeny Gál Alb Fimiká 15:2

Aalé Báulo ubaa Barnábas gáál hol ˈdéé súm ˈdú naannie, gáál hol ki falme. Gál nyaaram al kinaalloká Báulo ubaa Barnábas tá gál éíy taaka nyaaramká bie, giri gaal Yerúsalem seseen-, gál alb fimiká ubaa gál Kiristo gállé hí met ki ˈgieká ˈdéé umutéél ka hegesetká.

He Ekeny Gál Alb Fimiká 15:4

Aalé gaal he Yerúsalem kí ˈdieká gaal gál Kiristo al kinaalloká ubaa gállé hí met ki ˈgieká, tá gál alb fimiká hí shuunne, hí gállé dheeˈgo hote. Aalé mú Báulo hát Waag hol ˈgie-, Waag hí hujich ki nannasateká fayamle lulle gáál shie.

He Ekeny Gál Alb Fimiká 18:9

Aalé chuure tikiˈd Máá Guđo Yíésu Báulo hát amadhyoká geey, kieye, Ha biiy gaa kían, ˈdeenychú taalle ˈdiiyímo, ha shab chéen.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.

He Ekeny Gál Alb Fimiká 5:34

Aalé máá Farisaay-, gáál nyatalaam oonisuo-, gaalí Gamáliel yegie-, ˈdúwa gaal hí óg mare gál giri arraká hurtle les gaa kie, ˈdéé hodhe, giri gáál gaalí á níínni mare baaˈd yé ki ˈdeđuoká.

Róóma 9:16

Aaléka, har Waag geer guuralle máádhat aargisichoka, hé kinaallá hé máádhat hí fedoká ubaa hí ekemeyoká ˈdaalle ma ki yaaliny, hé Waag hí feˈdoká ˈdaallé ki yaalla.

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Korínto Erká 2:2

Yáá hééllá lulle gíl sug ki hay. Yiesu Kirísto gaalí ˈgór đarám yaalká ˈdú yieská tákáma yú hí ki ˈdiyime.

Korínto Erká 9:24

Af giri gálaat hol ˈdam ki ekemesetká, gál burnayká hát hol ki kirmisat-, tá mú tikiˈd tákámle gáál lulle in ká ˈdeen-, gaalí hé shiicho shiguoká it múog? Aaléka, hát ˈdabaanká kiritíe, giri hí hé shiicho aargiˈdoká.

Korínto Erká 9:26

Yú đuláállá gaa igiróóllá, ál nyonyoronká hát ˈdabaanká ˈdú kirmita. Laat yú lađaanallá yáá gil ma gaa reresiny.

Korínto ki Naamaká 12:1

Har káána hol meeny úba ˈdúúw manítaka, bá yú geđi ˈdéé hol ˈdú hoogodho. Yú hé Máá kúnnaa Guđoká hí ye argisie-, tá hí ye kí edhesieká ˈdeenyle ha yú hí ká geđia.

Galátia 1:12

Fayamééllá hé máádhat hí ye ma ka shíiny, hí ye ma onisíiny. Fayam Midhaballá Yiesu Kirísto hí ye kí edhesie.

Galátia 1:16

in Waag ye Inyle kí edhesiche, giri yú mú fayamle gál gál Yuuˈdi muuninyká ki ˈdiyeenká. Waag ye Inyle kí edhesicheká, yáá máá níínní ˈdú sedhe-, heete-, ye he af gáá koyká mán.

Galátia 1:6

ˈDaa giri tíkíˈdéél Waag hí ˈdaa ˈdúˈjím Kiristo kí viiyyééllá hí ká haađicha-, hí fayam éíy taaka-, Fayam Midhaballá muuninyká bala ˈdú nanniyyáállá, yáá tág hé kinaallá ye birgisie, he af ˈdabe.

Galátia 2:6

Gál Kiristo gállé gaalí gál méte ka dhaˈgame kinaallá hé ˈdéé hót níínní ˈdéé hót chiallá af ˈdú kaayká mán. ˈDaachúka, gálaat kansím ˈgaa yíekaʼ, kansím mán yíekaʼ, yúka hé kátaká mán, ˈdaa giri Waag gálaat ˈdug ma gáá dhaˈgaminyká.

Galátia 2:9

Yákob, Kéfas, ubaa Yuána giri gál Kiristo hí gállé méte ka dhaˈgasanká Waag hát ye ˈdúˈjímle ka shiicheká kimiteká, đo yú ubaa Barnábas nyí gil ger gaa ˈgiiliˈgay, giri nyiin nyí gál gál Yuuˈdi muuninyká ki ˈdiyeenne-, gaal íín gál Yuuˈdi ki ˈdiyeenká.

Galátia 5:7

Itín érléká hát ˈdabaanká hí lađaanne. Tá mááya hí af ˈdú naate, hí fayam ˈdúwa-, hí el gaa igiˈdeká met gaa kímle ká ridhdhe?

Filíbi 2:16

gálaat fayam luolmitiká haí shigicha. Aaléka hééllá hí ekemeychoka, kúlích Yiesu Kirísto hol ká nannaatká yú geer hai ye gaa meedhe, giri hújích yú nieká yú hállééllá ma níinyká.

Filíbi 2:29

ˈDaa giri Máá Guđokáka hí mú hol nyaaraká, mú geer gaa meen guđoká mé guđáan ki yeedhíe. Gál hát mu ííniká kiikiadhíe,

Dhesaloníke Erká 3:5

In aaléka hééllá hát níínní yú hol gaa tuo-, mánká, in yú hí Tímote ali ˈdú gáá kaay, giri iiy yeenkícho yaalmitle muí ká aargiroká. Yú kieye, Sátan taalle gáál má ki egesen, laat ˈdaa kíchoka nyí laađaanneká laat halleelloká má cheen? yú yie.

Tímote ki Naamaká 4:7

Yáá laat ˈdúwaká laađame, đuulchú beete, iiy yeen chia Kirísto ka ˈgúóllá ki yaal.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.