Filíbi 4:8 - Fayam Midhab Yiesu Kiristoká He Hol Af Iđiny Kaanaká

⁸ Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Filíbi 4:8 ပူးပေါင်းရင်းမြစ်များ

Matááyo 22:16

Gaal gállé láliká ubaa Heróˈde gállé hí ˈdú ijoká Yíésu ali ˈdú fie, gaal Yíésu geey, kieye, Máá gáál he oonisúóllo! Kuun hát máá hé ˈdúwaká hogodhoká tág nyáá nyí óg, ˈgierim Waaˈgiet hát ˈduwantiká kuuní ˈdiyeenne, kuun kó ˈdeeny gálaat el ma gaa igiriny, gálaat hol eiy ma gaa nanniny.

Márko 6:20

Heróˈde af kinaal hé Yuána kikiadhe. Hé kinaallá he ˈdaa giri Yuána he máá ˈdúwa-, Waaˈgietká. Aalé mú in gaa yíéđie. Heróˈde ˈdeeny Yuana nee kokoyká fede, har úba káána Yuána ˈdeeny he hodheká mú neesieka.

Lúka 16:15

Aaléka Yíésu gáál geey, kieye, Itín innum gálaato hí gál ˈdúwaká hol gaa hođicha, tá Waag íín hé hé ger geđi kíchiaká óg. Tá hé gálaat hí hé súm ˈdúwaká ka dhaˈgasanká, íín hé Waag hí néb.

Lúka 2:25

Aalé mú tikiˈd máá Yerúsalem gaa ije mare meenyle Símion. Máá kinaallá máá Waaˈgiet. Mu ˈgíérích ˈdúwa-, saas mánká he gaa igire. Mu máá gál Yisirayel imiro gaa shugudmuoká he met egese. Símion Hím Naasan Waaˈgieto hí gaa iđe.

Lúka 23:50

Aalé máá arra gaalí Yúósef yegie-, hodhin midhabká ˈgie-, ˈdúwa-,

Yuána 7:18

Máá hélle dhúrle hogodhoká ˈdúuw he hol ki ˈgeˈgedhe, tá máá máá hí ali gáá kaayká ˈduuwle laatle lađaanká he máá ˈdúúw hogodho-, af ka hódho mánká.

He Ekeny Gál Alb Fimiká 10:22

Aalé gaal mú geey, kieye, Nyíín máá yuoy kúˈd tikiˈd mé ki yaal-, gaalí Kornélios yeget mare nyí ali ká fie. Máá kinaallá he máá ˈdúwa-, Waag kikiat-, gál Yuuˈdi lulle hí memeyoká. Máá ˈgasso-, urru-, Waaˈgieto mú geey, giri mu ko ká kekero-, hé hogotoká muí mamaloká, gaalí mú yie.

He Ekeny Gál Alb Fimiká 22:12

Aalé máá gaalí Ananías yegie-, hemuumurit Waag hí Móshe ka shiicheká hát ˈdabaanká ki yiel-, gál Yuuˈdi al kinaalloká hí súm memey mare ye ˈdu gáá yimie,

He Ekeny Gál Alb Fimiká 6:3

Nyaaramkúnno, gál ˈdúwa-, tiiya Hím Naasan Waaˈgiet hí koch chie-, ˈdaallellé-, hí ógká hol gáá shuunáa, gáál nyí hújíchallá mé ki koyyo.

Róóma 13:13

Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Róóma 13:3

Gál hé ˈdúwaká ekemeyoká hé kansimano hí sierm ma fafiny, gál hé ˈdeđewká ekemeyoká in kansimano siermle ˈgaa. Kúún máá kansimano siermle mánká chegetoká féˈde? Af kinaalka, hé ˈdúwaká eekémesh. Hát kinaallá in gál kansimano ˈgúóllá ko memeye.

Róóma 14:18

Máá hújích Kiristo hatallá nannuoká Waago geer gaa memeye, héétí gálaat ˈdúúw haí shigia.

Róóma 2:29

He Waag geer ubaa mé ki sinno in máádhat máá Waaˈgiet hođia. Hermisan ˈdúwaká hé kinaallá. Hermisan ˈdúwáállá hé hemuumurít el gaa igiritle yé ma gáá ˈdeˈdeminy, Hím Naasan Waaˈgiet af maalíti he yé gáá ˈdeˈdeenne. Hermisanééllá gál hí hermisatká gálaat hí memeyoká hé ma fediny, Waag hí memeychoká he fede.

Korínto Erká 4:5

Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto ki Naamaká 13:7

Hé ke hí Waag kí vivisat, giri itín hí hé ˈdeđewká ma gaa seseminyká. Hatallá nyí Waag vivisatóóllá, he giri gálaat nyí gál tagano ˈgiiyyaká ka dhaˈgasanká muuniny, he giri itín hí hé midhabká ekemeychoká. Hé kinaallá har káána úba gáál ˈbaal nyí gál tagano ma ˈgiinyká ká dhaˈgasanka.

Korínto ki Naamaká 6:8

Gálaat aadhká gál ˈdúwaká hai nyí ká dhaay, aadhká hai nyí eeshey, aadhká hai nyí fichile, aadhká hai nyí meey. Nyiin gál hé ˈdúwaká hogodhoká, kor gáál ˈbaal gál gálaat nyiimisatká he nyí ká dhaˈgama.

Korínto ki Naamaká 8:18

Nyár kúnnaa Fayam Midhab Kiristóóllá hújíchle ˈdugaka gál Kiristo lúl lésallá gaa ijóóllá hí memeyóóllá úba mú ha nyí gáá kakayya.

Korínto ki Naamaká 8:21

Nyiin hé innum Máá kúnnaa Guđoká gaa midhabká tákámle nyí ma ekemeny, hé midhab kinaal gálaat innumle úba nyí gaa ekemeychoká nyí feˈde.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Eféso 4:25

Aaléka, ˈdaa giri múún ki gon tikiˈdeká lulkícho ˈdeem hódhoká hayyíe, hol hé ˈdúwaká geeđía.

Eféso 5:9

Édhum saanolle he midhánti, saas mánti, tá ˈduwánti.

Eféso 6:14

Aaléka, tág ˈdée! ˈDeeny ˈdúwa-, Waaˈgietká hát ˈdabaanká chiˈdíe, ki kuongʼoˈdíe. Hí hát kinaallá ˈdiiyyeka, in hí hát yuoy saawle seg hisate-, tagonolle ˈgiiyyoká cheedhe. Hé ˈdúwaká eekemeyyíe. Hát káána yuoy héllé balo gaa higisatoká hí ririannallá in he ekeny ˈdúwa kinaallá úba hí ririanna.

Filíbi 3:1

Nyaaramchú, hé eiy taaka-, úba yú hí ka geđuoká hééllá: ˈDaa giri hí Máá Guđoká hol ˈdú faanneká ger hí gaa meet! ˈDeeny giri tikiˈde yú hí ˈdu gáá veereká geđi yú hí ˈdu gáá verenoká hé ye ma ˈgormony. ˈDeenyééllá he ˈdeeny hí in ki ˈdeˈdeen-, hí ˈboy ma ˈdeeminyká.

Kolosááya 4:5

Gál Kirísto muogká húgúm midhab-, ˈdaalimoká ki sedhíe. Hát kinaallá in gálaat aadh lulle húgúmkícho Kirísto gaa aargira.

Dhesaloníke Erká 4:12

giri itín hí gál gál Kiristo muuninyká innumleka hí hát ˈdabaanká gaa seseen-, hé hí ma ki ˈgeerˈgernenyká.

Tímote Erká 2:2

Waag visan hatallóóllá úba gál les met ki ˈgieká ubaa gállé kaansúoká lúl ki viivíso, giri múún ki yíéđiny taglé-, naanná ˈgayyo-, Waag kian ˈgayyo-, ˈdúwaká ke ki yíéđianká.

Tímote Erká 3:11

Hát tikiˈdééllá ˈdég íín hí ˈdeg siríg ˈgayyoká onnoyyo, hai ˈdeg gálaat heengʼeetoká onnôny, hí ˈdeg hol tatiyyo-, he lulle hát ˈduwantiká ekemeychoká onnoyyo.

Tímote Erká 3:4

Mu hí ˈbíl geerle tág chirat, umle hí met gaa keekeen, um hí húgúm midhabká ˈguo.

Tímote Erká 4:12

Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 5:2

ˈDeg káruká hát eekú ki sí, gál ˈdiet rúóreká nyaaramkú ka dháash, gáál hát saas mantiká hol hursam gaa yíéđía, guogófsish.

Títo 1:8

Mu hí máá gelmeshich-, hé ˈdabaanká gaa fedo-, kás ˈguo-, hugum hí midhab-, saas mán-, hol tatuoká onnow.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Títo 2:2

Karu yaabká af táátaʼ, giri gaal hol momoyo-, kás ˈguo-, hol tatuoká, héétí iiy yeenlé Kirísto iiy yíéllá tág chiirat-, gielmít gálaat ká ˈguo-, he lulle ˈdú fafaatká.

Títo 2:7

He lullé ekemeycho-, ubaa hogotoká húgúm midhabká gaa ˈgab, gáál hí ko ká ennuo. Gálaat he oonisichoká, gálaat he onisiny tagléká hát ˈduwantiká oonísish.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Héberew 11:2

Gál kúnnaa heleká iiy yeenle ˈdaalle ˈdugaka in gaal Waag geer gaa meey.

Héberew 13:18

Nyí Waag kí viivitíe. Nyiin hát hé ˈdúwaká nyí ekemeychoká nyáá nyí óg. He lulle hát ˈduwantiká nyí gaa iđaká nyí feˈde.

Yákob 1:27

ˈGíérích ˈdúwa-, Waaˈgiet-, saas mán-, ˈJaa kúnnaa Waag hí fedoká hééllá: um híyeská ubaa ˈdeg híyeská héllé hí ki ˈgierˈgereká ke ˈdú chichirat-, ubaa yaalmit lesallo-, gaa nyakaridheká ke hol gáá faaganayoká.

Yákob 3:17

ˈDaalim úr yé gáá ˈdeˈdeennoká héllé erká saas mánti, ubaa naanná, tá nog sien, ííni gálaat he ki chiran, ííni met gaa kími, ííni geer guurá ubaa húgúm midhabká, ííni gálaat hol eiy gaa ním mánti, ííni hé leđuđugulleká wuogon.

Bétiro Erká 1:22

Aalé ˈdaa giri ˈdeeny ˈdúwa-, Waaˈgietallá hí el gaa veeˈdeká, in hí hol saas ká riate, in káána nyaaramkícho hí gielmit ˈdúwaká hol ká ˈgayya. Gielmit geer geđiká hol ki geelnedhíe.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Bétiro ki Naamaká 3:1

Sheel chia yú gielallo, hééllá he warˈgat chia ki naama-, yú hí ˈdú gáá veereká. Warˈgasamééllá yú hí ˈdu ˈgáá veerééllá yú haí gogofsia, giri kas ˈdúwa-, Waaˈgiet hí ˈgayyaká yú hí táb kí gagadhoká.

Yuána Erká 3:18

Umééllo, ha ki gálaat af tákámle ki geelnêny, gálaat kí hát ˈduwantiká geelnew, gálaat kí ˈdú ˈjeeˈjeen.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.