Filíbi 4:6 - Fayam Midhab Yiesu Kiristoká He Hol Af Iđiny Kaanaká

⁶ Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Filíbi 4:6 ပူးပေါင်းရင်းမြစ်များ

Matááyo 10:19

Aaléka, gaalí ˈgiiliˈgayka, hé hí hogotoká tawunyle haí ˈgar aayáˈginy. Waag af kinaallá hé hí hogotoká a gerkícho haí ká fafiyya.

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 6:34

Hé berikaká gerle haí gaa ˈdeđénen, beríka hí tákámle hol ˈdú aayaˈgiyya. Kulich lulle hé ilshle ˈgayyo, Yíésu hí gáál yie.

Matááyo 6:8

Haí hát gaal íín chéen, ˈJaakícho hé hí ki ˈgierˈgereká hátlé hí ma ruogóninyká hé óg.

Lúka 10:41

Aalé Máá Guđoká mú ˈdéé hol ˈdú nie, kieye, Márta, Márta, kúún hé burnay tág nanniyyóóllá ko ˈgorosie, ko geer gaa ˈdeew.

Lúka 12:22

Aalé Yíésu lalille geey, kieye, Hé kinaallá ˈdugaka in yú hí geđia, ˈGuom hí kokonyo-, hí sidh met gaa kokoyyoká gerle haí gaa ˈdeenêny. Đafaraam hí higisataká úba haí neesîny.

Lúka 12:29

Héétí hé hí kokonyoká ubaa hé hí igiannoká haí ˈgar aayáˈginy, ubaa haí ger mare ˈgíiny.

Lúka 18:1

Yíésu lalille hát hibietká geey, giri gaal Waag aadh lulle vivisat-, ma giinanyká.

Lúka 18:7

Waag íín hé gállé waarate-, hí chúúre ubaa kúlíchle ki bebeenká hé ˈdéé hát ˈdabaanká ma ki iđiminy? Mu hé gáál geer hí ma ˈdú guguan?

Korínto Erká 7:21

Af giri Waag ko ká veveenneká har gedech onnoyyeka, ha geer mare ˈgíiny. Tá kálmareka, ˈgíérích gaalí ko mé ki fufuroká ˈgayyoka, af kinaalka ˈgíérích kinaallá nú.

Korínto Erká 7:32

Hát yú hí ki fedoká he giri tawunykícho hí hé lesalloká ma gaa iđiminy-, hí hé lesalloká ger ˈdeentle mánká. Máá ma éenká tawunyle Máá kúnnaa Guđoká gaa iđimuo-, mú geer gaa memesuoká hé uro.

Korínto ki Naamaká 1:11

Itín ˈdaa giri hí nyí Waag kí vivisatóóllá Waag af haí maalla, Waag ha nyí ˈdú ˈjeenne, tá hé kinaal ˈdaalleka gál burnayká Waag gielmít hollo hol ˈdú nannaa.

Eféso 5:20

He lúl ˈdugaka, Máá kúnnaa Guđo Yiesu Kirísto meenyle ˈdaalle ˈJaa kúnnaa Waag ki vivitíe, mú aadh lúl gielmít hol ˈdú naannáa.

Eféso 6:18

Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Kolosááya 3:15

ˈDaa giri hí gon tikiˈde-, Waag hí naanná kí viiyyeká, Kirísto naannalle hí gaa yíéđiyyo, hí he gaa muumuˈdo, Waag gielmít hol ˈdú naannáa.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Tímote Erká 2:1

Aaléka, hé erkobká, gillo yú ko ki efe, giri gálaat lulle ˈdaalleka, kuun Waag gil ki egefiyyo-, gáál Waag ki vivisato-, hé gáál ki ˈgierˈgereká Waag rogonon-, tá Waag gielmít hol ˈdú nanniyyoká.

Tímote Erká 5:5

Min hiyesidhe-, gál hí wawayo-, mán-, ˈdúwaká Waago he bala ˈdú niiyye, kulich ubaa chúúrélle Waago gil ki egefiyya, vivisata.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Bétiro Erká 5:7

ˈDaa giri Waag hí ki taal-, hí ˈdeˈdeennoká, hé kíchia hí ger gaa ˈdeewká Waag ˈdú hayyíe.