Filíbi 4:22 - Fayam Midhab Yiesu Kiristoká He Hol Af Iđiny Kaanaká

²² Gál Kiristo-, lullé állá gaa ijóóllá, tá súm gál ˈbíl geer Kaisar, hé hí naa ká yie.

Filíbi 4:22 ပူးပေါင်းရင်းမြစ်များ

Matááyo 5:47

Har gálkícho tákámle hí naa chegetoka, hé kinaallá hé hát aađa-, galaatká muunîny? Gál Waag muogká úba hé hát kinaallá ekemesetká muunîny?

He Ekeny Gál Alb Fimiká 20:38

Hé súm gáál geer gaa ˈdeeneyká he ˈdeeny giri Báulo hí hodhe-, mu kieye, It geđ ye ma aargiriny, muí yieká. Aaléka gaal kie, mú eey, ˈjíig mú kadich álle đig hoy.

He Ekeny Gál Alb Fimiká 9:13

Aalé Ananías mú ˈdéé hol ˈdú nie, kieye, Máá Guđo, gál burnayká máá kinaallá hé ˈdeđew-, muí gál kua Yerúsalem gaa ijoká ki eekemeyká he ye fayamle shie.

Róóma 16:16

Hol naa gielmitiká hol naa ki yiegedhíe. Ameeny gál Kiristo lesalloká gaa ijoká hé hí naa ká yie.

Korínto ki Naamaká 13:13

Lulkícho, Máá kúnnaa Guđo Yiesu Kirísto hí ˈdú ˈjeeˈjeen, Waag hí gielmitle aargisicho, Hím Naasan Waaˈgiet lilmach hí hol ka ˈgayyaká hí shiigicho.

Filíbi 1:13

Hééllá ˈdugaka, yuoy lullé ˈbíl máá kansich ˈdeˈdeenallá ubaa gál innumééllá gaa ijoká lulle yú hát ˈdaa Kiristoka nyarugano hiiginká ye ki ˈgíéllá hé óg.

Héberew 13:24

Gál kíchia hí met ki ˈgíéllá ubaa gál Waaˈgiet al kinaalloká lulle ye naa kí yeedhíe. Gál Talyanallá hé hí naa ká yie.

Bétiro Erká 5:13

Gál Kiristo-, Waag hí itín hol ˈgar waarate-, Bábilon gaa ijóóllá hé hí naa ká yie. Iny chia Márko úba hé hí naa ká yie.

Yuána ki Seđeká 1:14

Yú onnônyka ál ˈjob gáá yiimet-, ke hol af ká yíéđian-, ke hol geđuoká fede.