Filíbi 3:9 - Fayam Midhab Yiesu Kiristoká He Hol Af Iđiny Kaanaká

⁹ mú nyí hol liiletká. ˈDuuw yú ˈguoká hai ˈduuw máálle nyatalaam el gaa igiroká onnôny, hí ˈduuw Waag hí máá Kirísto iiy yegetká shigichoká onnoyyo. ˈDuuw hatallóóllá Waago yé gáá ˈdeˈdeme, máá hí ˈguoká he máá Kirísto iiy yieká.

Filíbi 3:9 ပူးပေါင်းရင်းမြစ်များ

Matááyo 9:13

Aaléka, sedhíe, Waag ˈdeenylé kieye, Yú itín hí gálaat geer guurá ka ˈgayyaká hí gaa fede, yáá suor hí ma gaa fediny, chieká, hélle eiy naatíe. Yú ka yimíéllá, yáá gál ađaabano mánká ma ka ˈgíen, yú gál ađaabano ˈguoká ká ˈgiedhe, muí gáál yie.

Róóma 1:17

Fayam Midhaballá héllé gáál geđichoká he ˈgíérích Waag hí gálaat ki ˈduuwaychoká. ˈGíérích kinaallá he iiy yeen kúnnaa er ke Kirísto iiy yie-, tá taalle ke mú iiy yegetallá tákáma, hát giri káána Warˈgat Waaˈgiet hí hote-, kieye, He ˈdaa iiy yeen máádhat hí Waag iiy yie-, hí ˈgúóllá in Waag mú máá ˈdúwaká chie, mú luolmít shiiche, chieká.

Róóma 10:10

Aalé máá Yiesu Kirísto geerle iiy ki yeget-, afle he ki hogodho-, kieye, Yiesu Kirísto he Máá chia Guđoká, yegetká in Waag hí máá ˈdúwaká chegedhe, máá kinaallá rubach hai aargira.

Róóma 16:7

Andoroníkos ubaa Yóóniya giri nyaaram chia Yuuˈdi-, gaalí nyí hol ˈgar hiigidheká ye naa kí yiedhíe. Gálallá he gál ye met Kirísto iiy yie-, gál alb fimiká hí súm ógká.

Róóma 5:21

Gálaat lulle érléká ađaabano ubaa nyuogimmo he gim gaa ije. Tá káána, gál Máá kúnnaa Guđo Yiesu Kirísto iiy yegetká, in Waag hí gál ˈdúwaká chegedhe, Waag hí ˈdúˈjímle gim gaa iđimicha, gaal luolmit biiyoká aargira.

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Korínto ki Naamaká 5:21

Kirísto ađááb mánnallá in Waag hí ađaabanokúnno ˈdú iđiche, giri mú ˈdaalleka Waag muun gáál gál ˈdúwa-, ađááb mánká innumle gaa chegetoká.

Galátia 2:16

hé ki onnodheká hééllá: Máádhat hemuumurít el gaa igiritle hé mú innum Waaˈgiet mú máá ˈdúwaká ma gaa hođiny. Máádhat Yiesu Kirísto iiy yieka in tákáma innum Waaˈgiet máá ˈdúwaká gaa yegedhe. Muun úba hé ke Yiesu Kirísto iiy yie, giri Waag innumle ˈdaa iiy yeen kúnnaa ke Kirísto iiy ki yiekáka ke gál ˈdúwaká gaa yegetká. Hemuumurít el gaa igiritle hé muun gáál gál ˈdúwaká ma hođiny. Hééllá he ˈdaa giri hemuumurít el gaa igiritle ˈdaalleka Waag máá níínní máá ˈdúwaká chegetoká mánká.

Filíbi 3:6

Nyátál ˈdaalleka yáá súm ˈgađame, gál Yiesu Kirísto iiy yieká maanyjasie. Nyátál hemuumuritle ˈdaalleka, hé máá níínní ye ˈdeđente-, Kó nyátál ˈdeeneyche, ye yegieká mán.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Títo 3:5

Rúbáchallá hé hé kúnnaa midhab-, ki eekemeyká ke ˈdaalle ma ki árginy. Rúbáchallá mú geer guurallé ke ki arge, in mú Hím Naasanle gáál ˈdalmaat kaanaká shiiche, gáál dhiiˈde, ke luolmit kaanaká arge.

Héberew 6:18

Aalé ˈdaa giri Waag hát níínní hódho hoto-, mánká, in he af iđinyle ubaa hol ˈdoonle hol ma gaa laaminy. Hé naamáállá múúni ke Waag makan famééllá gáál góf guđoká shigia. Múúnííllá he gál rúbách biiyo-, Waag hí gáál af iđichééllá ki yaal-, met egesoká.

Yákob 3:2

Múún lulkúnno hát burnayká ki he ˈdeđeneye. Máá kálta af ma koˈdosîny-, erelle aadh lulle mé raraatká, he máá súm hiray-, gónle lulle mé ki yaalká.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 3:4

Ameeny máá hé ˈdeđewká ekemeyoká úba hemuumurit Waaˈgieto he ˈdeđeneye. Hé ˈdeđewká eekemeny, he hemuumurit Waaˈgiet ˈdeeneny.