Filíbi 3:16 - Fayam Midhab Yiesu Kiristoká He Hol Af Iđiny Kaanaká

¹⁶ Tá hé súm ˈdúwaká hééllá: Hé ki onodhe-, ki álle nyuoreká kí húgúmkúnno hosot.

Filíbi 3:16 ပူးပေါင်းရင်းမြစ်များ

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 15:5

Aaléka, Waag múún gáál mé ki chirsan fargogintle ubaa gúóf shigichóóllá, hátlé taalle hí Yiesu Kirísto el gaa igiˈdóóllá hí kas tikiˈdeká shiigicho,

Galátia 5:7

Itín érléká hát ˈdabaanká hí lađaanne. Tá mááya hí af ˈdú naate, hí fayam ˈdúwa-, hí el gaa igiˈdeká met gaa kímle ká ridhdhe?

Galátia 6:16

Aalé gál he onisinyééllá el gaa igiroká ubaa gál Yisirayel Waaˈgietká Waag hí naanná shiigicho, hí geer guurá aargisicho.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 2:2

Aaléka, geer gaa meenchú múúg hoyyíe, kaskícho hí tikiˈd cheet, gielmit tikiˈdeká hol ka ˈgáa, ger hí hol ˈdú faan, hé hí ki ˈdúwaká tawunyle hí tikiˈd cheet.

Filíbi 4:2

Yáá Ewúóˈdia ubaa Sintíke gil ki efe-, giri gaal ííni Máá Guđoká iiy yíéllá hol af maaloká.

Kolosááya 2:6

Aaléka, hát hí Yiesu Kirísto iiy chie-, hí mú Máá kíchia Guđoká hosotééllá taalle mú gaa yíéđía.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Kí Edhesiny 3:3

Aaléka, hé hí maalle-, hí iiy chieká táb ˈdodhdhíe, hé kinaallá ki kuongʼoˈdíe. Hé kíchia ˈdeđewallá gíl sug ki hayyíe, Waag makan famíe. Tá har hí in eiy ma ˈdeđinyka, onnóo, yú hát máá buraa léká ká yiimedhe, it aadh ˈgás yú gáá yiimetká muog.