Filíbi 3:10 - Fayam Midhab Yiesu Kiristoká He Hol Af Iđiny Kaanaká

¹⁰ Yú Kirísto nyí hol liilet-, fargogint máálle uushich yé gáá ˈdieká ye gaa iđo-, hát mú manyjany il hí argiyyeká yú mú ˈdú maanyjaw-, har kúfách muí kufeká úba kufunanká kátaka, fede,

Filíbi 3:10 ပူးပေါင်းရင်းမြစ်များ

Matááyo 20:23

Yíésu gáál geey, kieye, Hé ˈduwa, kulu chiallá úba haí igianna, tá gíl ˈdaa chia naanietká ubaa gíl ˈdaa chia ˈjíbachká yíéđinyle, hé yú ma ká mumuriny. Alb kinaallá hé gállé ˈJaachú hí tág ki nieká ˈgayyo, Yíésu hí gáál yie.

Yuána 10:18

Sídhchú hé máá níínní hí ye gaa silmuoká mán, yáállé tákáma hí silmia. Yáá fargogint sídhchú ki silmuo-, tá geđi yáálle hí hol ka nannasatká ˈguo. Hemuritééllá ˈJaa chia yú gaa arge, muí gáál yie.

Yuána 17:3

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Róóma 8:17

Aalé káána ke Waag umle yíéllá, Waag hé umle af iđicheká úba ha ke aargira. Héétí har muun hát Kirísto manyjayallá ke úba Kirísto ˈdaalle ki manyjayka, Waag múún Kirísto ˈgarro gáál hol ˈduuwasicha.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Róóma 8:36

Hát Warˈgat Waaˈgiet hí hote-, kieye, ˈDaakícho ˈdugaka, nyíín aadh lullé gaal nyí yegese, nyiin hát wala gaalí yegeská gaalí nyí ká dhaˈgama, chieká.

Korínto ki Naamaká 1:10

Waag hé tág kúfách nyí ki ˈgierˈgerneyká nyí gaa riiyye, tá Waag geđi ha nyí rianna. Nyíín nyáá nyí mú iiy chie, nyí mú sidhamkínyo gíl geer fiiyye, tá mu taalle ha nyí ririma.

Korínto ki Naamaká 1:5

Hát káána Kirísto ˈdaalleka he il súm hí gáál aargiˈdóóllá, Waag íín súmo ˈdaa Kiristoka nyí gogofsicha.

Korínto ki Naamaká 13:4

Mu af giri gaalí ˈgór đarám yaalká ˈdú yegieská, mú gónlé muí ˈgie kinaallá hé đalím ˈgayye, tá mu káána hé fargogint Waaˈgiet ki ijo. Aaléka, nyiin hát mu íín hí đalit onnoyká nyiin úba nyáá nyí đáális, tá nyiin nyáá nyí mú hol ˈgayya-, fargogint Waaˈgiet af ha ke hí ki tataa.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Galátia 6:17

Aalé, ˈdaa giri fayam Yiesu yú ˈdiiyime-, gadyamle yú ˈgúólláka, máádhat geđi ha ye shalal fíiny.

Eféso 4:13

Yaalmitééllá in lulkúnno iiy yeenkúnno ubaa kas kúnnaa ki Iny Waaˈgiet ki ógká tikiˈd cheedhe, muun ke higiraa, ke hát Kirísto yeedhe.

Filíbi 3:8

Iiy-hí, hééllá lulle yú Kirísto ˈdaalle ki dhaayka, hé ˈdúúw mánká yú ká dhaˈgama. Máá chia Guđo Kirísto onnonlé yú onodheká hé he lulle af mé ˈdú gíri. Mú ˈdaalle ˈdugaka hééllá yáá hay, hééllá hát ége yú ká dhaˈgama, giri Kirísto mááchú yeget-,

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Kolosááya 2:13

Itín hátlé hí ađaabanokícho ˈgayye-, Kirísto hí ađaabano kíchia kinaal ma gaa ˈgidhíiny-, hí gál kufachiet onnoyyeká, in Waag hí Kirísto hol ˈgar loolnoyche. Mu ađaabanokúnno ubaa nyuogimkúnno lulle gáál gaa eey.

Kolosááya 3:1

Aalé ˈdaa giri itín Waag hí Kirísto hol ˈgar uushich yé ká ˈdeeycheká, hé urati-, urle Kirísto hí Waag gíl ˈdaa naaniet ijoká eebitíe.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.

Bétiro ki Naamaká 1:13

ˈDaab yú les ˈdug ˈdú ijóóllá, hééllá yú hí táb kí gagadhokáka taglé.

Yuána Erká 2:3

Har ke mú hemuumuritle el gaa igiroka, af kinaalka hát ke mú ógká hé ke óg.

Yuána Erká 2:5

Tá máá Kirísto ˈdeenyle el gaa igiroká, máá kinaallá gon gielmitlé Waag ka ˈguoká kisso he hidh ki arie. Yaalmitééllá in hát ke mú gaa ijoká ke og.

Kí Edhesiny 1:18

Máá bííyyo ali ijoká. Yáá kufe, tá bá dháash, yáá káána luol. Yú taalle bííyyo ali ha ija. Yú yáá kúfach ubaa ál gál kufeká hí mé nannuoká kúlfílle ˈguo.