Filíbi 2:8 - Fayam Midhab Yiesu Kiristoká He Hol Af Iđiny Kaanaká

⁸ Aalé mu yaalmit máádhat kaadhdheká in hol ˈdúúw rie. Mu har úba ˈgíérích Waag hí ki feˈdeká hí kúfach mé ki koyka, mu hé ˈgíérích kinaallá nadhe, kúfách ˈdeewká ˈgór đarám yaalká ˈdú kufe.

Filíbi 2:8 ပူးပေါင်းရင်းမြစ်များ

Matááyo 17:2

Ál kinaal Yíésu gáál metle bis hí hol gaa suoy, mú innum hí édh chie, hát aadho, mú đafaraamle súm édh yie, ˈjiimiˈde.

Matááyo 26:39

Aalé mu biiy met á níínni mare ki sedhe, abúún ˈdíínie, Waag vite, kieye, Baabá, har tagle kátaka, kulu manyjasinyallá ye gaa éeb. Tá he hát yú fedoká hai yéen, hí hát kuuní feˈdoká yeet, yie.

Matááyo 26:42

Aalé Yíésu geđi hol nadhe, Waag vite, kieye, Baabá, har kulu manyjasinyallá ye gaa egeyyoká tagle muuniny-, yú he gaa igianká feˈdoka, he hí hát kuun hí ye ki feˈdoká yeet, yie.

Lúka 9:29

Mu Waag viviteká, mú innum bis hí hol gaa suoy, mú đafaraamle súm édh yie, ˈjiimiˈde.

Yuána 10:18

Sídhchú hé máá níínní hí ye gaa silmuoká mán, yáállé tákáma hí silmia. Yáá fargogint sídhchú ki silmuo-, tá geđi yáálle hí hol ka nannasatká ˈguo. Hemuritééllá ˈJaa chia yú gaa arge, muí gáál yie.

Yuána 14:31

tá hééllá yú hurt higilóóllá he giri les gálle yú hát ˈJaachú giel-, hé ˈJaachú hí ye kí mureká lulle el gaa igiroká kiimisatká. Ka kée, kí siet, Yíésu hí lalille yie.

Yuána 15:10

Hát yú hemuumurit ˈJaachú ki yaal-, mú gielmitle gaa ijóóllá, itín har hí hemuumuritchú ki taalka, gielmitchú haí gaa yíéđianna.

Yuána 4:34

Yíésu kieye, Hújích Máá ye ali gáá kaayká hí ye gaa fedo-, yú nannuo-, yú beđisatká in ˈguomchú.

He Ekeny Gál Alb Fimiká 8:33

Gál arraká mú ˈdúúw rie, hé mú ˈdeenyle hát ˈdabaanká eiy ma níiny. Gál mú ˈbíl ílle hol geđuoká in gálya? Mú in gaalí les gaa yies háluke! he yie.

Róóma 5:19

ˈDaa giri máá tikiˈde Áˈdamlééllá Waag af đuˈduseká in gálaat lulle ađaabano hile. Héétí, ˈdaa giri máá tikiˈde Kirísto lééllá Waag af ˈduuwayká in gál gúúđo Waag hí gál ˈdúwaká hođicha.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Galátia 3:13

Múúni ke hemuumurít lulle hát ˈdabaanká el ma gaa igíriny-, ke ˈdór ˈgieká Kirísto hé gáál ˈdór kinaallá gaa eey. Mú gaalí ˈgór đarám yaalká ˈdú ˈdoyká mu hé ˈdór kúnnaa kinaallá luut kaadhdhe. Warˈgat Waaˈgiet hát chieká kieye, A meeny máá gaalí ˈgór ˈdú ˈdoyká ˈdórro he ˈgaa, he chie.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 12:4

Har káána gál ađaabano ubaa nyuogim hílléká hí maanyjasuoka, laatééllá it fás hí gaa okodicheká mán.

Bétiro Erká 2:24

Hé múún ki Waag ki ˈdeeđeneyká ˈdeentle mu ííni hí luut kaadhdhe, hí ˈgór đarám yaalká ˈdú eedhdhe, giri múún ki ađaabanokúnno ma gaa iđiny-, ke hát Waag hí feˈdoká yíéđianká. Aaléka, mú lilolle hé hí fayansie.

Bétiro Erká 3:18

Gálaat héllé ˈdeđewká ađaabanolle lulle ˈdugaka, Kirísto af tikiˈde hí ˈdú kufe. Máá saas níínní-, ˈguo-, mán kinaallá gál saas ˈguoká he ˈdú kufe, giri gáál Waag ˈdú egewká. Mú gonno gaalí gáá yies, tá Hím Naasan Waaˈgiet hé mú loolnoyche.