Filíbi 2:7 - Fayam Midhab Yiesu Kiristoká He Hol Af Iđiny Kaanaká

⁷ Mu hé hol ˈduuwlé guchiká rie, yaalmit máádhat kaadhdhe, hol gedech hoy.

Filíbi 2:7 ပူးပေါင်းရင်းမြစ်များ

Matááyo 12:18

giri Waag kieye, Máá chia yú ká sillie-, hújíchchú nannuoká dhaayyíe! Máállá he máá yú giel-, ye geer gaa memeyoká. Hím Naasanchú mú ha yú ˈdú kokoo, mu ˈdéé ki iđiny ˈdúwaká kidh hai ki ˈdiyime.

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Márko 9:12

Aalé Yíésu gáál ˈdéé hol ˈdú nie, kieye, Taglé, Elíya he máá erkob ká yimet-, he lulle tág kokuoká. Tá háteka Iny Máádhat ˈdugaka Warˈgat Waaˈgiet gaalí gaa veere-, mu súmo maanyjaa, tá ha gaalí điidhma, gaalí yíel?

Lúka 22:27

Máá guđoká he mááya? He máá gaalí he ki nannuo-, gaalí ká golmuoká guđóo? Ebá máá mú he ki nannuo-, mú ka golmuoká guđo? Hé máá gaalí he ki nannuo-, gaalí ká golmuoká muuniny? Tá yú hí hurt gaa ijóóllá, hát máá hí he ki nannuoká.

Yuána 1:14

Aaléka, Máá gaalí ˈDéé yegetallá máádhat yie, múún gáál hurt gáá yíéđie. Mú guchlé ˈdúˈjím ubaa ˈduuw guđoká ˈgayyóóllá íl kínyaa nyí ki argiyye. Guch muí ˈgúóllá he ˈdaa giri mu íín he Iny ali ka takach-, ˈJaalle Waagká.

Róóma 1:3

Fayam Midhaballá Waag Inyle ˈdaallé he ki taalla. Inyáállá he máá gón gálaat kaadhdhe-, ˈbíl íl ˈDawuˈd yé gáá ˈdieká.

Róóma 15:3

Kirísto íín hé geyyiny ma ˈdú gáá yímen. Mú hé gálaat hí chaachare, hát káána Warˈgat Waaˈgiet hí hote-, kieye, E Waag, chaarim gaalí ko chaachareká hé gaalí ye chaachare, chieká.

Róóma 15:8

Yú hí geeye, Yíésu ka yimíéllá, gál Yuuˈdi-, ubaa gál gál Yuuˈdi muuninyallá met hullaallé he ˈdu gáá riebe. Mu hé Waag hí héle gál Yuuˈdi eshim eshimle af iđicheká he ˈduuwasia. Tá mu gál gál Yuuˈdi muuninyallá ˈdu gáá riebééllá he giri geer guura Waag hí gáál argisichééllá ˈdaalleka gaal Waag memeyoká. Hát Warˈgat Waaˈgiet hí hote-, kieye, Yú kidh hurt ha ko gaa meeye, gáál hurtle arram yú ko ki memeyoká ha yú gaa ˈdarama, chieká.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Korínto ki Naamaká 13:4

Mu af giri gaalí ˈgór đarám yaalká ˈdú yegieská, mú gónlé muí ˈgie kinaallá hé đalím ˈgayye, tá mu káána hé fargogint Waaˈgiet ki ijo. Aaléka, nyiin hát mu íín hí đalit onnoyká nyiin úba nyáá nyí đáális, tá nyiin nyáá nyí mú hol ˈgayya-, fargogint Waaˈgiet af ha ke hí ki tataa.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Galátia 4:4

Tá Waag aleđuđugullé feˈdeká ali kí ˈdiiyyeká, in Waag Inyle ali gáá kaayye, ini hí ˈdalle, hemuumurít gim gáá ˈdalidhe,

Filíbi 2:6

Mu íín tuuˈdle har úba hát lullé Waaˈgietká yielka, hé ˈduuwlé kinaallá ma ki ˈgaađáminy.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Héberew 13:3

Gál hiigin gaa ijoká táb ˈduoˈdodhíe, ˈdú reerebée. Gáál hiiginle hát hiiginkícho ka eedhdhíe. Héétí gáál manyjanylé gaalí maanyjasúóllá hát manyjanykícho ka eedhdhíe.

Héberew 4:15

Muun hé ke máá méte suoryo-, đalimkúnno geer kurshamle mánká mán, tá Máá ki ˈguoká he Máá hát múúnka Sátan hí hát lulle ki ekesete-, kor íín dhúrle ađááb ma hílinyká.