Filíbi 2:3 - Fayam Midhab Yiesu Kiristoká He Hol Af Iđiny Kaanaká

³ He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Filíbi 2:3 ပူးပေါင်းရင်းမြစ်များ

Lúka 18:14

Aaléka Yíésu geđi gáál geey, kieye, Yú hí geeye, hé máá Farisaayatíá muuniny, máá gibíre gugusatallá ííni ˈdúˈjím Waaˈgiet ki gale. Máá hol máá ˈdúwaká ka dhaˈgasanká, Waag ˈdúúw haí rianna. Máá hol máá ˈdúwaká ma ka dhaˈgaminyká, Waag haí ˈduuwaycha, Yíésu hí gáál yie.

Róóma 12:10

Gielmit gálle hol ki ˈdalidheká hol ka ˈgáa, hol súm kiikiadhíe.

Róóma 13:13

Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Korínto Erká 15:9

Yú Kirísto gállé alb fimiká máállé biiy el ˈdaˈdká. ˈDaa giri yú kis gál Kiristo manyjasieká, yú onnônyka, gaal hé ye mú máállé ali gaa kaanyká ma yégen.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Galátia 5:15

Har hí hol ˈdéé verenne-, hí hol ˈdeđenseteka, hol ˈdeeˈdemíe, hát hí hol eiy fufumichoká onnóo.

Galátia 5:26

Ha ke hol gál ˈdúwaká ka dhaˈgáminy, ke hol ídho yé gáá ˈdeđîny, ke gajált ˈgíiny.

Eféso 4:2

He met lulle hol ˈdúúw gaa ría, sáa yiedhíe, hol táa, he ˈdú faafadhdhíe, hát gielmitiká hol ˈdú ˈjeeˈjemíe.

Eféso 5:21

ˈDaa giri Kirísto he Máá kíchia kíátoká hol met gaa keekemíe.

Filíbi 2:14

Hujich lullé hí nanniyyoká haí yiirsam gaa fafáan, héétí haí hol ki fafálminy.

Kolosááya 3:12

Aaléka, it Waag hí waarate-, muí gálle hote-, muí súm gielallá, geer shâw ubaa geer guurá ˈgáa, hol ˈdúúw ría, sáa yeedhíe, he ˈdú faafadhíe.

Kolosááya 3:8

Aaléka, yaalmisano hát káána ídho ˈgany ubaa idho hol gáá mony mánká ˈgany, điđám ˈgany, gálaat méé ˈdeeneny, ubaa af ka húrt mánt, lulle hol ka ridhdhíe.

Tímote Erká 6:4

máá kinaallá máá súm ˈdúwaká hol ká dhaˈgama, kor hé hé níínní ogká mán. Mu ˈdeem met ˈdaraan ubaa ˈdéé hót fálaam gaa iđimuoká taalle he fede. Hééllá hé hí yé gáá ˈdeˈdeenká he hinááf, shalal, ˈdeemano ˈdeđewká, tá hodhin ˈdeew-, gálaat ki nannaatká.

Bétiro Erká 3:8

Aaléka, lulkícho kas tikiˈde-, naannaká ki yíéđía. Ger kurshám ubaa gielmit gál hol nyaaramká hí hol ka ˈguoká ˈgáa. Héétí ger guurá ˈgany ubaa hol ˈdúúw rím ˈgáa.

Bétiro Erká 5:5

Tá it rúórééllo, itín úba karukícho met gaa keekemíe. ˈDaa giri Waag gál hol gál ˈdúwaká ka dhaˈgasanká điđidhan-, tá gál hol ˈdúúw ririanká ˈdú ˈjeˈjeenallá, itín lulkícho, haí hol ˈdúúw ˈdeˈdéminy.