Filíbi 2:29 - Fayam Midhab Yiesu Kiristoká He Hol Af Iđiny Kaanaká

²⁹ ˈDaa giri Máá Guđokáka hí mú hol nyaaraká, mú geer gaa meen guđoká mé guđáan ki yeedhíe. Gál hát mu ííniká kiikiadhíe,

Filíbi 2:29 ပူးပေါင်းရင်းမြစ်များ

Lúka 9:5

Gaal har hí rokoˈd ki gogoloká điidheka, ény kinaallá hí gaa kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Yuána 13:20

Yú hí hé ˈdúwaká geeye, máá yú ali gáá kaawká máá hí ˈdeenyle iiy yeetká yaa ye iiy yie, tá máá ye iiy yeetká Máá ye ali gáá kaayká he iiy yie, Yíésu hí gáál yie.

He Ekeny Gál Alb Fimiká 2:46

Gaal aadh lulle ˈBíl Waaˈgiet nyáláárle geerle hol ˈdú gáá yiimie. Gaal lúl hol af yíéđie, ˈjienle hát gielmitiká hol ˈgar gaa golmote, ger hí gaa memeedhe.

He Ekeny Gál Alb Fimiká 28:10

Koro kinaal gálléká nyí hát lulle les gaa eedhdhe. Aalé he nyí síé yieká shokodaam nyí mannayyeká nyí ká shie.

He Ekeny Gál Alb Fimiká 8:8

Aalé ˈjien kinaal gálle ger hí gaa meedhe.

Róóma 10:15

Tá gál gálaat ki ˈdiyeenká ˈdaab gaalí alb ma fíinyká háteeye gáál fayamééllá ki ˈdiyime? Hát Warˈgat Waaˈgiet hí hote-, kieye, Gál fayam midhabká hol gaa sisidhoká ebá ˈgas met hí mídhab! chieká.

Róóma 16:2

Aaléka, ˈdaa giri minnééllá úba he Máá kúnnaa Guđoká máálléká, hát ˈduwantiká mé guđáan yiedhíe, hé hí ki ˈgierˈgereká ˈdú chiichiˈdíe. Minnééllá yú ubaa gál burnayká hé tág nyí yiir gaa chirate.

Korínto Erká 16:10

Tímote har hí ˈdu gáá yimieka, hai el tól ki íđiny, mú mé guđáan yiedhíe. Hát yú hújích Máá kúnnaa Guđóóllá nannúóllá, mu íín úba Máá kúnnaa Guđóóllá hújíchlé he nannaa.

Korínto Erká 16:18

Gaal hát hí guofsíéllá hé tág úba ye guofsie. Gál hatallóóllá ˈdúúw shía.

Korínto ki Naamaká 10:18

Máá innum Waaˈgietka ˈdúwaká hé máá íín ˈduuwle ma hogon-, Waag hí ˈduuwle hogotoká.

Korínto ki Naamaká 7:2

Aaléka, ˈdaakínyoka ger furáa. Nyiin nyáá nyí máá níínní he ki ˈdeeneycheká mán, muuninyka, nyí he ki ekeycheká mán, héétí nyí ki kiiyyeká mán.

Filíbi 2:28

Aaléka mú yú hí ali ˈdú gáá kakawká yáá tág fedo, giri hí mú geđi argiyyeka, ger hí gaa memeet-, héétí geer giri ye gaa ˈdeenedheká ye fuuranká.

Kolosááya 4:10

Máá chia nyí hol ˈbíl hiiginallá af iđa-, Aristákos, ubaa Márko giri Barnábas iny awléká hé hí naa ká yie. It Márko fayamlé kieye, mu har ká yimieka, mú mé guđáan yeedhíe, chieká, maalle.

Dhesaloníke Erká 5:12

Nyaaramkínyo, gillo ki hí ki efe, gál hurtkícho hújích Waaˈgiet hát ˈdabaanká gaa nannuo-, ˈdaa Máá kúnnaa Guđóólláka hí met ki ˈgie-, hí af tatúóllá kiikiadhíe.

Tímote Erká 5:17

Karu Kiristo-, gál Kiristo hát ˈdabaanká met ki ˈgie-, tá súm gál ˈdeeny Waaˈgiet ˈdiiyiminyle ubaa he onisinyle hol ˈdú bieká, gaalí súm gielmít hol ˈdú naannuo, gaalí hújíchle símísle shiiguo.

Héberew 13:17

Gál hí met ki ˈgíéllá he gál sidhamkícho ˈdaalle ˈdugaka hí ˈdeˈdeen-, aadh ˈdaatika hújích lééllá ˈdeenyle Waag met gaa hogodhoká. Gáál met gaa keekemíe, gáál atimle el gaa veerée, giri gaal hújích lééllá nannuo-, gaal ma giinany-, gáál ger hí gaa memeetká. Har itín hí gáál ger gaa ˈdeeneycheka, hé kinaallá hé hí ma ki midhanany.

Yuána ki Seđeká 1:10

Aaléka, yú ká yimieka, mu yaalmitlé gaa seseen-, máálle nyí hát nebitiká fiichilóóllá metkícho ha yú gaa hogodho. Hé kinaallá úba kí hayo, mu gál nyaaram-, álkícho gáá nannaatká mé guđáan yegetká điđidhma. Mu hé gál onnônyka gáál mé guđáan yegetká úba hé kinaal ká ririat, héétí gáál gálatí gaa aruan.