Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Filíbi 2:25 - Fayam Midhab Yiesu Kiristoká He Hol Af Iđiny Kaanaká

25 Tá yú tawueká Ebafuroˈdíto yú hí hol ˈdu gáá nannaa. Mu he nyár chia-, nyí hol hujich ˈgar nanniyya-, áwúlle nyí Fayam Midhaballá hol ˈgar lađaannaká. Mu íín úba he máá kíchia ˈgasiet-, hí ye ali ˈdu gáá kaayye-, hé ye ki ˈgeeˈgerneyká ye yiir kí chichiˈdeká.

အခန်းကိုကြည့်ပါ။ ကော်ပီ




Filíbi 2:25
19 ပူးပေါင်းရင်းမြစ်များ  

Yú hí hé ˈdúwaká geeye, gedech hé máállé hí hoteká ma ˈdú ˈduwanany, héétí máá ˈgassoká hé máállé hí ali gaa kakawká ma ˈdú ˈduwanany.


Hát ye les ali ˈdu gáá kaayyééllá, yú úba yáá gáál alb fie.


Biríska ubaa Akúla giri nyí hújích Yiesu Kiristo hol ˈgar nanniyyeká ye naa kí yiedhíe.


Urbános giri ke hújích Kiristo hol ˈgar nannúóllá, ubaa shééléch chia ˈdúwa-, Sitákus lééllá ye naa kí yeedhíe.


Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.


Tá af giri ál kinaal yú nyár chia Títo ma gaa árginyká mú geerle đo ye gaa ˈdeenedhe. Aalé gál nyaaram kúnnaa Kiristo-, ál kinaal gaa ijoká nyí hol Waag ki viiyye, yú đo lés Makeˈdoníállá mé ká nie.


Mu hé tág lulkícho hí fiirie, giri hí hol aargiˈdaká, tá mú kúllalle hí maalleká mú hé geer hí gaa ˈdeenedhe.


Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.


Iiy-hí, kó ˈdúwa chia-, hújíchalka, ke hol ˈdú famééllo, ha yú ko ruogone, ˈdaa giri ˈdegééllá Fayam Midhaballáka nyí hol ˈgar laađaanneká, ˈdég ˈdú ˈjeeˈjémo. ˈDegééllá ubaa Keleménto tá gál éíy taaka-, meetle warˈgat luolmitiká gaa ijóóllá hujicho nyí hol ˈgar nanniyye.


It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.


Yíésu giri gaalí Yóstos yegetká úba hé hí naa ká yie. A meeny gál nyí hol hújích Guch Waaˈgiet ˈgar nanniyyóóllá, gál seđééllá tákáma gál chia Yuuˈdi. Gálallá hé tág ye gogofsuo.


in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,


Mú Márko, Arístakos, ˈDémas, tá Lúka nyí hol hújích Kiristo ˈgar nanniyyáállá hé úba ko naa ká yie.


Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ