Filíbi 2:2 - Fayam Midhab Yiesu Kiristoká He Hol Af Iđiny Kaanaká

² Aaléka, geer gaa meenchú múúg hoyyíe, kaskícho hí tikiˈd cheet, gielmit tikiˈdeká hol ka ˈgáa, ger hí hol ˈdú faan, hé hí ki ˈdúwaká tawunyle hí tikiˈd cheet.

Filíbi 2:2 ပူးပေါင်းရင်းမြစ်များ

Yuána 3:29

Máádhat ini egeetka, shééléchlé hí met egesse, hí af nee kokodhdho. Máá egeetká shééléchle hí af maaleka, shééléchle đo geer súm haí gaa meedhe. Yú úba yáá tág geer ye gaa meedhe.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.

He Ekeny Gál Alb Fimiká 2:1

Kúlích ˈjila Bentekos ali kí ˈdiiyyeká gál alb fimi kinaal lulle ˈbíllo he gaa ije.

He Ekeny Gál Alb Fimiká 2:46

Gaal aadh lulle ˈBíl Waaˈgiet nyáláárle geerle hol ˈdú gáá yiimie. Gaal lúl hol af yíéđie, ˈjienle hát gielmitiká hol ˈgar gaa golmote, ger hí gaa memeedhe.

He Ekeny Gál Alb Fimiká 5:12

Gál alb fimiká hé gaalí il ki aargiro-, gáál af ˈdaˈdabsuoká gálaat met gaa eekemey. Aalé gál Yíésu iiy yieká lulle gách Solomon álle hol ˈdú gáá yiimie.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 2:3

Warˈgat toomééllá yú hí ˈdu gáá veereká, af kinaallá hé yú tawueká, yú álkícho ka yímenka, gál onnônyka ye geer gaa memeyká geer hai ye gaa ˈdeđeney, yú yie. ˈDaa kinaallá in yú ma kí yímen. Hé yú ógká, he yú geer ye gaa meedheka, itín úba ger haí gaa meedhe.

Korínto ki Naamaká 7:7

Títo ˈjímle hé tákámle úba nyí ma guofsîny, fayam ˈdaakíchoka muí nyí ˈdu gáá sidhe-, giri itle hí mú guofsicheká hé úba nyí guofsiche. It fiirit giri hí ye aargiˈdeká ˈgayya-, héétí it úba ger hí gaa ˈdeđenet-, tá hát úba hí ˈdaachú ki ˈgiiyyaká hé muí nyí geey. Fayamééllá hé ye tág geer gaa meeyche.

Filíbi 1:4

Waag visan chia lulle yú hí lulkícho kí vivisatká aadh lúl geer gaa meenno gaa iđa.

Filíbi 2:16

gálaat fayam luolmitiká haí shigicha. Aaléka hééllá hí ekemeychoka, kúlích Yiesu Kirísto hol ká nannaatká yú geer hai ye gaa meedhe, giri hújích yú nieká yú hállééllá ma níinyká.

Filíbi 2:20

Yáá máá éíy taaka-, yaalmitkícho mé ká ˈguo-, hát mu ííniká mán.

Filíbi 4:2

Yáá Ewúóˈdia ubaa Sintíke gil ki efe-, giri gaal ííni Máá Guđoká iiy yíéllá hol af maaloká.

Kolosááya 2:5

Har úba káána yú ke hol af gaa líítaka, ˈdaa Hím Naasan Waaˈgietka hé ke hol af ijo. Yaalmit kíchia itle hí hát ˈdabaanká hol gíl ka ˈgayya-, iiy yeen kíchia hí Kirísto ka ˈgayyaká hí ki taalká geerle hé tág ye gaa memeet.

Dhesaloníke ki Naamaká 2:13

It nyaaram kínyaa Máá kúnnaa Guđoká hí gielallo, ˈdaakíchoka aadh lulle Waag gielmít nyí hol ˈdú nanniyyoká taglé. Hééllá he ˈdaa giri itín he gál Waag hí waarate-, hí er rubach shiicheká ˈbáálká. Rúbách hí argiyyééllá, he Waag Hím Naasanle hí itín gál Waag gielká hoyche-, héétí hí hé ˈdúwaká iiy chieká in hí rúbáchallá argiyye.

Tímote ki Naamaká 1:4

Imiro kua ˈgayyeká yáá mé ká ˈguo. Yáá tág ko fiirie, ko aargiroká fedo, giri geer súm ye gaa memeetká.

Fílemon 1:20

Iiy-hí, nyárchú, ˈdaa Máá kúnnaa Guđo Kiristokáka yé ˈdú ˈjé, ye geer gaa méesh.

Yuána ki Naamaká 1:4

Yáá tág geer ye gaa meedhe, giri um kua yú argeká ˈdeeny ˈdúwáállá ki ijoká. Hééllá he hát ˈJaa kúnnaa Waag hí muun gáál kí mureká.

Yuána ki Seđeká 1:4

Yú umchú ˈGierich ˈDúwáállá ki ijoká maaleka, geer gaa meen yú aargiroká hé tág súm guđo.