Filíbi 2:15 - Fayam Midhab Yiesu Kiristoká He Hol Af Iđiny Kaanaká

¹⁵ Hí hát kinaallá ˈdiiyyeka, itín um Waaˈgiet ˈdeensen ubaa saas mán-, ˈdúwaká haí cheedhe. Taalle hí gál súm ˈdeew-, gaa nyakarichallá hí hurt gaa iđaká, hát hidhino urietkáka haí ká eedhdheye,

Filíbi 2:15 ပူးပေါင်းရင်းမြစ်များ

Matááyo 10:16

Bá dhaayyíe, yú albo hí fafaa, hát wala đányar hursam gaa seseenká haí cheedhe. Aaléka, hát chárka ˈdaaliledhíe, hát hóleka sáa yiedhíe.

Matááyo 17:17

Aalé Yíésu kieye, It hí iiy yeen mán-, hí tág ma ˈgiinyal! Yú in ˈdáb aake ke hol af yíéđima, tá yú hol gaa tataa? Ebá véel állá kí ée, yie.

Matááyo 5:45

giri ˈJaa kíchia úr ijoká hí umle chegetoká. Hééllá he ˈdaa giri mu aadh gál ˈdeđewká ubaa gál ˈduuˈdúwaká ˈdú koy-, ir gál saas mánká ubaa gál saas ˈguoká ˈdú gáá haađuoká.

Matááyo 5:48

Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.

Lúka 1:6

Gaal hullaalle gál ˈdúwa-, Waag kikiatká. Gaal hé Máá Guđo Waag hemuumuritle ubaa atimle tikiˈd úba ma hâny, gáál úba hé gaalí ˈdú ˈdeensetká mán.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Yuána 5:35

Yuána he nyátáá boloonne-, biiy gaa eedhesicheká. Itín ramanóótíá it mú édhúmlé kinaallá ki geyeenne.

He Ekeny Gál Alb Fimiká 2:40

ˈDeem burnay hatalloká Bétiro hí gáál geey, muí gáál net gaa kaay, mu kieye, Gál barallo-, ˈgierim hí kuongʼodóóllá hol ka ridhdhíe, muí gáál yie.

He Ekeny Gál Alb Fimiká 20:30

Itín hurtkícho úba gál gálaat baađisuo-, gál Yíésu iiy yieká ˈbaal laatká yé haí gáá ˈdeeme.

Róóma 16:19

Hát hí Kirísto hát ˈdabaanká el gaa igiˈdóóllá hé gálaat lulle hí maale. Yaalmit kíchiallá hé tág ye geer gaa meeyche. Hát yú hí gaa fedoká he giri itín hé ˈdúwa-, hí ekemeychoká ˈdaalimle hí ˈgayya-, hí hé ˈdeđewká hol gáá faaganaychoká.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Korínto ki Naamaká 6:17

Héétí Máá Guđo Waag úba kieye, Gál ye iiy ma yéenká hurt yé gaa ˈdée, gáál gaa fagandhíe. Ameeny hé gaa nyakarichká hol ka ridhdhíe, yú mé guđáan haí yeedhe.

Eféso 5:27

Héétí mu gálle saas ubaa ˈdeensen-, tá he lullé hat kinaalloká ˈdaabo-, gaal ˈduuwaw-, mu gáál egeetká.

Filíbi 1:10

hí hé midhabká ubaa hé ˈdeewká hol eiy gaa nannasato-, hí ˈdeensen ubaa saas ˈdaabiyya-, ˈjíig kúlích Kirísto hí hol gáá naatká đigká.

Filíbi 3:6

Nyátál ˈdaalleka yáá súm ˈgađame, gál Yiesu Kirísto iiy yieká maanyjasie. Nyátál hemuumuritle ˈdaalleka, hé máá níínní ye ˈdeđente-, Kó nyátál ˈdeeneyche, ye yegieká mán.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Tímote Erká 3:10

Aaléka gáál erkob gál Kiristo hí hát ˈdabaanká dhaayo, hí eiy naasat, tá gaal har gál ˈdeensen mánká kátaka, gáál gaalí gede ˈbíl geer Waaˈgiet hoyo.

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 5:14

Aaléka, hát yú fedoká, ˈdeg híyes-, rúóreká hí shuunat, hí umle kuol kaayo, hí é gerle tág ki ˈgiiyyo, giri kídhích kúnnaa Sátanléká kar ma aargiriny-, muun gáál ma eeshenyká.

Tímote Erká 5:20

Tá gál atím điidhe-, ađááb gaa seseenká, ˈdeentle gálaat met gaa gééđish, giri gálatí sierm hí fafaan-, ađááb ma higilinyká.

Tímote Erká 5:7

Atimééllá gáál af ki táátaʼ, giri gáál gaalí ma ˈdeđensenká.

Títo 1:6

Kársích gál Kiristo mé ki yaalká hí máá gaalí ma ˈdeđensen-, ˈdúwa-, min hí tikiˈde-, umle hí um húgúm midhabká ˈguoká onnow. Mú umle hai um gálaat met ma gaa kekeminy-, kóóros-, gálaat hí ˈdeđensetká onnôny.

Títo 2:10

Héétí gaal hai konf ˈgíiny, gaal hí hújíchle hát ˈduwantiká naannuo, giri Waag Rúbách kúnnaallá he onisinyle gálaat hí geelnetká.

Títo 2:15

Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Héberew 7:26

Mu he Máá méte suoryo-, muun ke hegesetká. Mu íín he máá Waag geer gaa memesuoká. Mu hé hé ˈdeeđeneyká mán, héétí mu hé ađaab níínní úba hileká mán. Waag hé lés gál ađaabano ˈgúóllá hí gaa ijóóllá mú gaa eete, mu hé he met lullé uratiká máállé hí mé ki yaalká yie.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Kí Edhesiny 2:5

Ebá gielmit kinaal hát hí ˈdabiyyeká táb ˈdodhdhíe, Waag bala ˈdú náa, hé erkob hí nanniyyeká geđi naannáa. Har hát kinaal muuninyka, ˈdaab itín hí Waag bala ma ˈdú níinyká yú ha hí ˈdú gáá yiimedhe, hé kíchia horki-, nyátáá hí ˈdú iđoká ali ha yú gaa egee.

Kí Edhesiny 3:9

Bá dhaayyíe, gál ˈbíl ˈdiiyiminy Satanká hođomlé-, hol gál Waaˈgiet yeget-, kor gál Waaˈgiet muuninyallá héllé yú ki ekemeyoká onnóo. Gáál ha yú ká egee, gaal metkícho les kurram hai gaa ˈdarama, gaal hát yú hí gielká hai kiimita.