Filíbi 2:13 - Fayam Midhab Yiesu Kiristoká He Hol Af Iđiny Kaanaká

¹³ Waag ííni hí gerkícho hujich gaa nanniyya, he urít ubaa fargogint hé mú geer gaa memeyoká hí ki nanniyyoká ha muí shigia.

Filíbi 2:13 ပူးပေါင်းရင်းမြစ်များ

Lúka 12:32

Wala iraam mánnallo, haí biiy gaa kikían! ˈJaakícho hí Guch Waaˈgiet shiguoká hé tág fedo.

Lúka 2:14

Waag Úr Iđoká gaalí meeyo, gál lesallo-, muí ˈdú iifoká hí naanná yíéđuo, gaalí yie.

Yuána 3:27

Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.

Yuána 6:45

Warˈgasam gál Waag hí ˈdeem ká shigicheká ali tikiˈd kieye, Gálaat lulle Waag he haí oonisicha, he chie. Máá ˈJaachú af maale-, mú he gaa onnodheká hai ye ˈdú gáá yiimedhe.

Yuána 6:65

Aalé mu geđi gáál geey, kieye, ˈDaa kinaallá ˈdugaka in yú hí geey, yú kieye, Máádhat ˈdaab ˈJaachú hí ye ma ˈdu gáá éenyká, hé ye ma ˈdu gáá yiimen, yú hí yie.

He Ekeny Gál Alb Fimiká 11:21

Aalé Waag gáál kúól gaa chirate, gál burnayká ˈdéé iiy yie, gaal Máá Guđo Yíésu gálle yie.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 9:11

Umééllá hátlé ma ka ˈdaláan-, hé midhabká ubaa hé ˈdeđewká ma ekênyká, gáál ˈjiellé Rebéka Waag hí geeyche, kieye, Um kuallá máá guđoká máá ninniká gédéchle hai yeedhe, chie. Hééllá hé kieye, máádhat héllé ekeyká ˈdaalle in Waag hí kí veveenne muuniny, Waag hátlé he feˈdoká in máádhat kí veveenne.

Róóma 9:16

Aaléka, har Waag geer guuralle máádhat aargisichoka, hé kinaallá hé máádhat hí fedoká ubaa hí ekemeyoká ˈdaalle ma ki yaaliny, hé Waag hí feˈdoká ˈdaallé ki yaalla.

Korínto Erká 12:6

He urit gálaat hí Waag he ki nannuoká hé hol ká burnayyeká, tá he urit eiy eiyyééllá Waag tikiˈdééllá hí gáál ká shigicha.

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto ki Naamaká 3:5

Nyiin nyáá nyí kieye, hééllá he uritle nyííni nyí yé gáá ˈdeˈdeenne, nyí ma chegen. He uritkínyo lulle Waago yé gáá ˈdeˈdeenne.

Eféso 1:11

Waag ˈdaa giri kíssóótí ˈdéé murateká, in Kirísto ˈdaalleka, múún gáál gálle hosote. Hát tikiˈde kinaallá in ˈdeeny Waag hí feˈdo-, hí muˈdoká lulle hát kinaal ˈdeˈdeme.

Eféso 1:5

Gáláám kíssóótí Waag hí muun gáál ka ˈgayyeká in Waag ˈdéé murate, ˈdaa Yiesu Kiristoka, muun gáál umle hosote. Hééllá Waago hí gaa feˈde, in Waag hí ekeyche,

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 2:8

Itín meka ˈdúˈjím Waaˈgieto hí ki biiyye. ˈDúˈjím hí argiyyééllá he ˈdaa giri hí Yiesu Kirísto iiy chieká. Hééllá hé ˈdaakícho yé ma gáá ˈdíiny, Waago hí ká shiiche,

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Tímote ki Naamaká 1:9

Waagééllá in muun gáál rubach shiiche, gáál yíéđiny hí geer gaa memesichoká kí viiyye. Hééllá Waag hí muun gáál ki ekeychééllá he hé kieye, muun hé mákárta-, midhabká ki ekey, muuniny. Waag hátlé les ma ka kúóninyká hé hééllá mé ka ˈgayye, giri ˈdúˈjímle ˈdaa Yiesu Kiristoka muun gáál ka shigichoká.

Bétiro Erká 1:3

Máá kúnnaa guđo Yiesu Kirísto ˈjaallé Waag gaalí meeyo. Mú geer guurallé guđoká ˈdaalleka, mu hé muun gáál ˈdalmaat kaanaká ká shie. ˈDaa giri Yiesu Kirísto uushich yé gáá ˈdieká, in káána hát ke luolmit biiyoká ˈguoká ke og.