Filíbi 2:11 - Fayam Midhab Yiesu Kiristoká He Hol Af Iđiny Kaanaká

¹¹ Tá erb gálaat lulle Yiesu Kirísto Máá Guđo he met lulle ˈdú guđoká hai yeedhe. Tá hé kinaallá ˈdugaka, ˈJaa kúnnaa Waag íín ˈdúúw hai egedhdhe.

Filíbi 2:11 ပူးပေါင်းရင်းမြစ်များ

Matááyo 10:32

Máá gálaat metle yú ye mááchú gaa yeetká, ˈJaa chia úr ijoká metle úba mááchú ha yú gaa yeedhe.

Lúka 2:11

Kúlíchallá ény ˈDawuˈd hé máá gáál ririanká hí ki ˈdalidhe. Máá kinaallá he Máá Guđo Kirísto.

Yuána 12:42

Har héél úba hatal kátaka, gál guguđoká gál burnayká mú iiy yie, kor gaal ˈdaa giri gál Farisaay hí ˈbíl ˈdiiyiminyká gaa aruanká kikiatká, hé iiy yeenle ma húógon.

Yuána 13:13

Itín Máá gáál he oonisuoká ubaa Máá Guđo, hí ye chegedhééllá, hé kinaallá taglé. Yú he máá kinaallá.

Yuána 13:14

Aalé ˈdaa giri yáá Máá kíchia Guđóól ubaa Máá kíchia hí he oonisúól hí ˈgas ˈjieká, itín úba hol ˈgas ˈjiiˈjía.

Yuána 14:13

Aalé hé hí meenychú ˈdaalle ki hegesetoká roogle met ha yú hí gaa egedhdhe, giri yáá Ínyííllá ˈJaachú ˈdúúw egeetká.

Yuána 14:23

Yíésu mú ˈdéé hol ˈdú nie, kieye, Máádhát ye geelnedheka, he onisinychú el hai gaa verene. ˈJaachú mú hai geelnedhe, mú ha nyí ˈdu gáá chiimedhe, afo nyí hol yíéđianna.

Yuána 17:1

Aalé Yíésu ˈdeeny kinaal beeteká đo úr gaa dhaay, kieye, Baabá, aadh ˈgas hé ali kí ˈdiiyye. Inykú ˈduwásish, Iny íín hí ko ˈduwayo.

Yuána 20:28

Aalé Tómas kieye, Máá chia Guđo! Waagchú! muí Yíésu yie.

Yuána 5:23

giri gálaat lulle hát tikiˈde Íny ˈJaalle kikiatallá, úba Íny kikiatká. Máá Íny ma kikianká hé Íny ˈJaallé hí ali gáá kaayká úba ma kikian.

Yuána 9:22

Gál mú ˈdaloká hatallá yíéllá, gaal gál guguđo-, Yuuˈdiká he kiadhe. Hééllá he ˈdaa giri gál Yuuˈdi kis ˈdéé muˈde-, kieye, Máá kieye, Yíésu he Messíya, yeetká, ˈbíl ˈdiiyiminyká ha gaalí gaa aruma, yieká.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 2:36

Aalé Bétiro geđi kieye, Aalé it Yisirayelallá, lulkícho hééllá hát ˈdabaanká onnóo, Yíésu giri hí ˈgór đarám yaalká ˈdú chies kinaallá hé Waag hí Máá Guđoká ubaa Messíya hoyche, muí yie.

Róóma 14:11

Hát Warˈgat Waaˈgiet hí hote-, kieye, Máá Guđo Waag kieye, Taalle yú biiy gaa ijóóllá, bar ali hai kí ˈdeenne, gálaat lulle met kurram hai ye gaa ˈdarama, tá erb lulle yú hát Waagká hai hogodho, Máá Guđo Waag hí yieká, Warˈgát hí chieká.

Róóma 14:9

Kirísto kufe-, tá geđi loolnodhééllá, in gál kufeká ubaa gál luogolká Máállé Guđoká yie.

Korínto Erká 12:3

Aaléka, hééllá yú hí geeye, hé máá níínní Hím Naasan Waaˈgiet ˈdéé ki hogodho-, Yíésu he máá ˈdór ˈguoká yegetká mán. Máádhat har kieye, Yíésu he Máá Guđo he lulle mé ki yaalká, yieka, máá kinaallá Hím Naasan Waaˈgieto he ˈdéé ki hogodho.

Korínto Erká 15:47

Máá erkob-, Áˈdamlééllá, hé máá Waag hí eeˈd lesalloká tág gaa niiyyeká. Tá Máá ki naama-, Kirísto lééllá úrro he gáá yimie.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Yuána Erká 4:15

Ameeny máá Yíésu hát Iny Waaˈgietká ˈdúúw hođisatká, máá kinaallá íín Waago hí gaa iđa, íín úba Waago he gaa ija.

Yuána Erká 4:2

Gaal har gál Hím Naasan Waaˈgiet ˈdéé ki hogodhoká kátaka, hát ke eiy naasatká hééllá: Ameeny máá hééllá ˈdúúw hođisat-, kieye, Yiesu Kirísto hé gon kaadhdhe, lésallá gaa ˈdalidhe, yegetká, máá kinaallá Hím Naasan Waaˈgieto he ˈdéé ki hogodho.

Yuána ki Naamaká 1:7

Yú hí hatallá geđúóllá he ˈdaa giri gál burnay-, gálaat baađisuo-, Yiesu Kirísto hát gon kaadhdhe-, ka ˈdalidheká iiy ma yegenká les gaa seseenká. Gál hatallóóllá máálle he máá gálaat baađisuo-, Kirísto ka kidhichká.

Kí Edhesiny 3:5

Máá hé lesalloká ká adhatká hát gaal ííníílláka đafaraam eegedhká hai faadhdha. Yáá máállá meenyle warˈgat luolmitiká ma gaa hogoliny, ˈJaachú ubaa gállé ˈgasso-, urruká metle mu hát mááchúká ha yú gaa hogodho.