Filíbi 1:6 - Fayam Midhab Yiesu Kiristoká He Hol Af Iđiny Kaanaká

⁶ Hé yú él ki mánká hééllá: Máá hí hújích midhaballá gerkícho mé kí kodhdhééllá hát hí ki fedoká hújíchle taalle hai nannaa, ˈjíig kúlích Yiesu Kirísto hí hol gáá nannaatká đig.

Filíbi 1:6 ပူးပေါင်းရင်းမြစ်များ

Yuána 6:29

Yíésu gáál ˈdéé hol ˈdú nie, kieye, Hújích Waag hí gaa feˈdoká hééllá: Máá Waag hí ali gáá kaayyééllá iiy yiedhíe, muí gáál yie.

He Ekeny Gál Alb Fimiká 11:18

Aalé gaal ˈdeenyéél maaleká hol ki fálaam hay, Waag meey, kieye, Taglé, Waag úba hé kidh kár he héllé ˈdeđewká ki haađuo-, gaalí makan ki fafaanká shiiche, giri gaal luolmít aargiroká.

He Ekeny Gál Alb Fimiká 16:14

ˈDeg kinaallá hé min Waag iiy chie-, gaalí Líˈdia yeget-, ˈjien Dhiatira gáá chimie-, đafaraam ˈdabaan-, bis hí kóórbiská hol gaa mamadicho mare hé hí gaa iđe. Min kinaal úba nyí af nee koyye. Máá Guđoká min kás shie, min ˈdeeny Báulo hí huogodheká iiy chie.

Korínto Erká 1:8

Kirísto úba tág haí chiiˈda, ˈjíig biiy el ˈdaˈd đig, giri kúlích hí Máá kúnnaa Guđo Yiesu Kirísto met ki ˈdeenneká hí ˈdeensen ˈdaabiyyoká.

Korínto ki Naamaká 1:15

ˈDaa giri yú hí ˈduuw heelloká ka ˈguoká, yáá erkob hí af kí ˈdeˈdemeká fede, giri yú hí onnônyka a naam gáá nannaat-, hí ye ˈdúˈjím a naam gaa aargiˈdaká.

Korínto ki Naamaká 2:3

Warˈgat toomééllá yú hí ˈdu gáá veereká, af kinaallá hé yú tawueká, yú álkícho ka yímenka, gál onnônyka ye geer gaa memeyká geer hai ye gaa ˈdeđeney, yú yie. ˈDaa kinaallá in yú ma kí yímen. Hé yú ógká, he yú geer ye gaa meedheka, itín úba ger haí gaa meedhe.

Korínto ki Naamaká 7:16

ˈDaa giri he lulle ˈdaalleka ˈduuwkícho yú ógká, yáá tág geer ye gaa meedhe.

Korínto ki Naamaká 9:4

Tá af giri yú ka yiimetká, gál Makeˈdonia ˈbaal nyí hol ká eete-, gaal itín hát hé kíchia shiicho kinaal tagano ma ˈgiinyká argeka, nyíín kern ha nyí ˈgiidha, itín úba kern haí ˈgiidha.

Galátia 5:10

ˈDaa giri hí Máá Guđoká hol ˈdú faanneká, hát hí ˈdéé hót chiallá iiy cheget-, hí ˈdéé hót eiy iiy ma chegenká gon yáá óg. Máá hí mé guuđanayoká Waag he il haí ká aargisicha.

Eféso 4:12

Mu hééllá ekeyallá he giri gálallá gál Kirísto iiy yieká hol tág ki kokuo-, gaal Waag hujich ki nannuo-, gón Kiristo higirayyoká.

Filíbi 1:10

hí hé midhabká ubaa hé ˈdeewká hol eiy gaa nannasato-, hí ˈdeensen ubaa saas ˈdaabiyya-, ˈjíig kúlích Kirísto hí hol gáá naatká đigká.

Filíbi 1:29

Itín ˈdaa Kiristoka, Waag hé hí iiy yeen tákámle ma shíiny, hé úba hí kár midhaballá af kí fuˈde, giri Kirísto ˈdaalle ˈdugaka hí maanyjayyaká.

Filíbi 2:12

Aaléka, sheel chia yú gielallo, af giri ki hol af ijeká it Fayam Midhaballá met gaa kekeenne, tá káána ke hol af gaa láálláka, Fayam Midhaballá súm met gaa keekemíe. Rúbách káána hí ˈgayyáállá, laatle laađamíe, yé ˈdú ˈdée, Waag kian ka ˈgáa.

Filíbi 2:13

Waag ííni hí gerkícho hujich gaa nanniyya, he urít ubaa fargogint hé mú geer gaa memeyoká hí ki nanniyyoká ha muí shigia.

Filíbi 2:16

gálaat fayam luolmitiká haí shigicha. Aaléka hééllá hí ekemeychoka, kúlích Yiesu Kirísto hol ká nannaatká yú geer hai ye gaa meedhe, giri hújích yú nieká yú hállééllá ma níinyká.

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke ki Naamaká 1:11

ˈDaa kinaallá ˈdugaka in ke hí aadh lulle Waagkúnno kí vivita, giri iđiny kíchia muí kí víéllá mu hí gál ˈdúwa-, iđiny kinaal ki ijoká ka tuoyo-, héétí mú fargogintle ˈdaalleka muí he feditkíchía midhabká ubaa he ekeny kíchia iiy yeenkícho yé gáá ˈdeˈdeenká lulle muí đuusuoká.

Dhesaloníke ki Naamaká 3:4

Máá kúnnaa Guđóóllá ˈdaalleka nyáá nyí óg, giri atim ke hí atieká hí el gaa igiˈda-, taalle hí ekemeychoká.

Fílemon 1:21

Warˈgatééllá yú ko ˈdu gáá veerééllá, hát hé yú ko rogononallá ye met gaa egeeto-, hé éíy taaka midhab-, hé yú ko ruogonééllá a mé gíriká úba mú ki ekemeychoká yáá óg.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 12:2

Máá iiy yeenkúnno mé gáá kodhdhe-, iiy yeenkúnno ˈduuwasuo-, Yíésu lééllá kí taalle in gaa kuokuo. Geer gaa meen ka chiimet-, muí onnoy kinaallá ˈdaalle ˈdugaka in mu ˈgór đarám yaalká kúfáchle gaa nadhe, manyjany il hí argiyyeká ubaa eesheny gaalí egesheyká ma đíin. Mú kúfáchlé kinaallá el ˈdaal in mu kara guchi-, Waaˈgietká ˈdaa naaniet yíéđie.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.

Bétiro ki Naamaká 3:10

Máá kúnnaa Guđoká kúlíchlé gáá ˈjeˈjeenká hát kúlích ki met muog-, máá buraalléká hí gáá ˈjeˈjeenká. Ur hai yaarma, mán hai yeedhe. Les ubaa héllé hí gaa ijoká lulle ˈjiet haí ˈjeenne, ˈjiet af haí ki shugunata.