Filíbi 1:5 - Fayam Midhab Yiesu Kiristoká He Hol Af Iđiny Kaanaká

⁵ Hééllá he ˈdaa giri kúlích kíchia erkob hí Kirísto iiy chie-, tá ˈjíig káána đigallá, hátle hí ye Fayam Midhaballá yiir kí chichiratáállá.

Filíbi 1:5 ပူးပေါင်းရင်းမြစ်များ

He Ekeny Gál Alb Fimiká 2:42

Gál Yíésu iiy yie kinaallá aalé đo gál alb fimiká hol af yíéđie, gáál he onisinyle nee kuokoy, gáál balashá hol ˈgar goolmote, tá hol Waag ˈgar viivite.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Róóma 15:26

Hé shiichóóllá, gál Kiristo lés Makeˈdonia ubaa lés Akaya gaa ijoká hí hol ˈdu gáá shuune, hí gál Kiristo-, he maaman-, Yerúsalem gaa ijóóllá ká shie.

Korínto Erká 1:9

Waag ííni hí ká viiyye-, giri itín hí Inylé Máá kúnnaa Guđo Yiesu Kirísto hol ˈdú faannééllá, dhúrle hé ˈdúwa, hát ˈdabaanká haí chiirata.

Korínto ki Naamaká 8:1

Nyaaramchú, nyiin gál Kiristo Makeˈdónia gaa ijóóllá hé midhab-, ˈdúˈjím Waaˈgiet hí yé gáá ˈdeeycheká ke hí geđuoká nyí feˈde.

Eféso 3:6

Hé geer geđi-, Waaˈgietallá hééllá: ˈDaa Fayam Midhab Kiristóólláka, gál gál Yuuˈdi muuninyká hát gál Yuuˈdi hí aˈjibaat Waaˈgiet aargiróóllá íín úba hai aargira. Gálallá met hullaalle he gon tikiˈde, ˈdaa Kiristoka, he af iđiny Waaˈgiet úba ˈgarro hol aargira.

Filíbi 1:12

Nyaaramchú, hééllá onnóo, hé il hí ye argiyyeká hé Fayam Midhaballá bash hoy.

Filíbi 1:16

Gál hát ˈduwantiká ˈdiyeenallá Waag hát ye Fayam Midhaballá eiy nímle mé ki koyyeká hé óg, in gaal gielmít ki ˈdiyime.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 1:7

ˈDaa giri yú hí mé ká ˈguoká, hééllá ˈdaa kíchoka tawunyle yú taawuokáka taglé. Har káána úba yú nyarugano hiiginká ye ki ˈgíéllákaʼ, Fayam Midhaballá eiy nannuo-, ˈduuwle hogodhóóllákaʼ, it lulkícho ˈdúˈjím Waaˈgiet ki hol ˈgar aargiro.

Filíbi 2:12

Aaléka, sheel chia yú gielallo, af giri ki hol af ijeká it Fayam Midhaballá met gaa kekeenne, tá káána ke hol af gaa láálláka, Fayam Midhaballá súm met gaa keekemíe. Rúbách káána hí ˈgayyáállá, laatle laađamíe, yé ˈdú ˈdée, Waag kian ka ˈgáa.

Filíbi 2:22

Tímote hát tág yaalká it óg. Mu hát iny ubaa ˈjaalle hol ˈguokáka, hé tág nyí Fayam Midhaballá hújíchle hol ˈgar niiyye.

Filíbi 4:3

Iiy-hí, kó ˈdúwa chia-, hújíchalka, ke hol ˈdú famééllo, ha yú ko ruogone, ˈdaa giri ˈdegééllá Fayam Midhaballáka nyí hol ˈgar laađaanneká, ˈdég ˈdú ˈjeeˈjémo. ˈDegééllá ubaa Keleménto tá gál éíy taaka-, meetle warˈgat luolmitiká gaa ijóóllá hujicho nyí hol ˈgar nanniyye.

Fílemon 1:17

Aaléka, kuun har ye máá hí hol ki ˈgiiyyaká ká dhaˈgasanka, hát onnônyka ye mé guđáan chegieká, mú mé guđáan áat.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.

Yuána Erká 1:7

Tá har hát mu íín édhum gaa ijóóllá muun úba ki édhum gaa seseenka, af kinaalka hé ke mú hol ˈdú fame, ke tikiˈd yie, tá mú Inylé Yíésu fásle nyuogimkúnno ubaa ađaabanokúnno lulle hai gáál gaa dhiira.