Filíbi 1:30 - Fayam Midhab Yiesu Kiristoká He Hol Af Iđiny Kaanaká

³⁰ Laat hí gaa iđáállá he laat yú ke hol ˈgieká hí ye gaa argiyyeká, in káána úba hátle yú gaa ija, hí mamalla.

Filíbi 1:30 ပူးပေါင်းရင်းမြစ်များ

Yuána 16:33

Yú hí hééllá geeyallá, he giri ˈdaachúka, hí naanná aargiˈdaká. Lésallá he il haí gaa aargiˈda, tá haí ger mare ˈgíiny, yáá les ká adhdhe, muí gáál yie.

Filíbi 1:13

Hééllá ˈdugaka, yuoy lullé ˈbíl máá kansich ˈdeˈdeenallá ubaa gál innumééllá gaa ijoká lulle yú hát ˈdaa Kiristoka nyarugano hiiginká ye ki ˈgíéllá hé óg.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Kolosááya 2:1

Aaléka, itín ubaa gál nyaaram ˈjien Lauˈdikew gaa ijoká, tá gál nyaaram kálta innumchú ma árginyká, laat chia yáálle ˈdaakíchoka hí hát ˈdabaanká ˈdú lađaanallá hí kiimisatoká yú fede.

Dhesaloníke Erká 2:2

Af giri hátle ke hí ma ˈdú gáá yímen-, nyí Filíbi gaa iđe-, gaal nyí hát ˈdeđewká ki sedhe-, nyí manyjayyeká it óg. Har káána úba he il hí nyí argiyyeka, Waag nyí nyaalím shiiche, Fayam Midhab Waaˈgietallá ke hí ki ˈdiiyime.

Tímote Erká 6:12

Iiy yeen Kirísto ka ˈgayyóóllá laatlé ˈdúwáállá laađámo. Luolmit biiyo-, Waag hí ko kí viiyye-, kuuní iiy chie-, kuuní gál burnayká hát ˈdabaanká met gaa huogoteká tág chíro.

Tímote ki Naamaká 4:7

Yáá laat ˈdúwaká laađame, đuulchú beete, iiy yeen chia Kirísto ka ˈgúóllá ki yaal.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Héberew 12:4

Har káána gál ađaabano ubaa nyuogim hílléká hí maanyjasuoka, laatééllá it fás hí gaa okodicheká mán.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.