Filíbi 1:27 - Fayam Midhab Yiesu Kiristoká He Hol Af Iđiny Kaanaká

²⁷ Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Filíbi 1:27 ပူးပေါင်းရင်းမြစ်များ

Matááyo 12:25

Yíésu ˈdaa giri gáál tawunyle onnoyká đo gáál geey, kieye, Les gálle hol af ká điidhe-, hol tuutuneka, lés kinaallá đo eiy hai ˈgiiˈgisate. Hát tikiˈdééllá é mé tikiˈd yíekaʼ, ˈbíl geer tikiˈd yíekaʼ, gálle dhúrle hol af ká điidhe-, hol tuutuneka, hé hol af ma chochony.

He Ekeny Gál Alb Fimiká 2:46

Gaal aadh lulle ˈBíl Waaˈgiet nyáláárle geerle hol ˈdú gáá yiimie. Gaal lúl hol af yíéđie, ˈjienle hát gielmitiká hol ˈgar gaa golmote, ger hí gaa memeedhe.

He Ekeny Gál Alb Fimiká 24:24

Aalé ram hol ki sieteká Felíki ubaa minlé ini Yuuˈdi-, gaalí Đúrsila yegie mare hol ká eedhdhe. Mu Báulo gáál ali ˈdú fie. Mu iiy yeen ke Yiesu Kirísto iiy yeget-, Báulo hí ˈdiiyimeká nee koy.

He Ekeny Gál Alb Fimiká 4:32

Gál Yíésu iiy yieká lulle ger ubaa kas hí tikiˈd yie. Hé máá níínní shókódíchle hol bal ki ˈdarameká mán, gaal shokodaamlé ˈgieká lulle hol ki liledhe.

Róóma 1:16

Fayam Midhab Kiristóóllá ˈdugaka kern hé ye ma ˈgiˈgin, ˈdaa giri fayamééllá Waag hí gál Kirísto iiy yegetká lulle ki ririannoká. Fayamééllá erkob gál Yuuˈdi hí maale, tá gál gál Yuuˈdi muuninyká yé ˈdú ˈdiiyye.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 1:9

Waag giri yú fargogintchú lulle hujich ki nannuo-, Inyle Fayamlé Midhaballá yú ˈdiyeenallá, hát aadh lulle yú hí kí vivisatká hé óg.

Róóma 10:8

Warˈgat Waaˈgiet kieye, Fayám hé tág ˈjób. Fayamééllá hé agerkícho ubaa gerkícho gaa iđo, he chie. Fayamééllá he iiy yeen ki Kirísto iiy yie-, káána ke gálaat ki ˈdiyeenallá.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 15:29

Yú hí kí ˈjeˈjeenká, Kirísto ˈdúˈjímle lulle hát muun gáál ká bubuoká yáá óg.

Korínto Erká 1:10

Nyaaramchú, Máá kúnnaa Guđo Yiesu Kirísto meenyle ˈdaalleka, gillo yú hí ki efe, hol af iiy yiegedhíe, haí hol eiy gaa ˈgiˈgísan. Tikiˈd yiedhíe, kás hí tikiˈd cheet, hé me hí igiroká úba hí tikiˈd yeet.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 9:13

ˈDúˈjím kíchiallá ˈdaalle ˈdugaka gaal Waag ˈdúúw hai shigia. Ger gaa midhant kíchia hí gaal íín ubaa gálaat lulle aargisichóóllá, hát itín hí Fayam Midhab Kiristóóllá hí iiy chie-, hí met gaa kekeennóóllá gáál úba hai aargisia.

Galátia 1:7

Fayam hí bala ˈdú nanniyya kinaallá hé fayam kátaká mán. Itín gálaato hí mé guuđanaya. Gál kinaallá Fayam Midhab Kiristóóllá he ˈdeđeneye, ˈdeemle af ˈdú fafaa.

Eféso 1:13

Itín úba af giri hí ˈdeeny ˈdúwa-, Fayamle Midhab-, hí rubach shíéllá hí maalleká, it Kirísto hol ˈdú faanne. Af giri hí mú iiy chieká Waag hé hí Hím Naasanlé gálle af iđicheká ki guyye. Itín aaléka hí mú gállé.

Eféso 1:15

Hé kinaallá ˈdugaka, ameeny giri yú itín hát hí Máá Guđo Yíésu iiy chie-, ubaa hát hí gál Kiristo lulle gielká maaleká,

Eféso 4:1

Aaléka, yáá ˈdaa Máá kúnnaa Guđokáka, hiigin gaa ijóóllá, gillo yú hí ki efe, yaalmit midhab-, Waag hí kí viiyyeká hát ˈdabaanká gaa yíéđía.

Filíbi 1:5

Hééllá he ˈdaa giri kúlích kíchia erkob hí Kirísto iiy chie-, tá ˈjíig káána đigallá, hátle hí ye Fayam Midhaballá yiir kí chichiratáállá.

Filíbi 2:12

Aaléka, sheel chia yú gielallo, af giri ki hol af ijeká it Fayam Midhaballá met gaa kekeenne, tá káána ke hol af gaa láálláka, Fayam Midhaballá súm met gaa keekemíe. Rúbách káána hí ˈgayyáállá, laatle laađamíe, yé ˈdú ˈdée, Waag kian ka ˈgáa.

Filíbi 2:24

Tá har Máá Guđoká hí fedoka, yú dhúrchú hát ál ˈjob hí af kí ˈdeenká gon yáá óg.

Filíbi 3:18

Tá gál burnayká yaalmitlé ki ijoká hé kídh fayam Kiristo máálle ˈgór đarám yaalká ˈdú kufeká ká yíéđie. Gál burnayká yaalmitlé ki ijoká he hát gál kúfách Kirísto hí ˈgór đarám yaalká ˈdú kufeká eesheyoká. Hééllá af burnayká yú hí ká geey, in káána yú hí geđi ka geđuoká imiro ye gáá ˈjibime hállá!

Filíbi 3:20

Tá múún égetkúnno he úratíá. Múún hé ke súm Máá Rubachiet ur kinaal gáá yiimetká met egeso. Máá kinaallá he Máá kúnnaa Guđo Yiesu Kirísto.

Filíbi 4:1

Aaléka sheelchú, hé kinaallá he hát hí Máá Guđoká hol chiiratká. Nyaaram chia yú giel-, yú fiiríéllo, itín he geer gaa meenchú ubaa hújích yú nieká héllé yú gaa argeká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:4

Hééllá he ˈdaa giri iiy yeen kíchia hí Yiesu Kirísto iiy chieká ubaa gielmit kíchia hí gál Kiristo lulle ka ˈgayyaká nyí maalleká.

Dhesaloníke Erká 3:6

Kor káánaka, Tímote bííykícho gáá ˈjieká, hé nyí fayam midhab-, ˈdaa iiy yeenkícho ubaa gielmitkícho ki taalká hé nyí shie. Mu hát hí tawuny midhabká ˈdaakínyo ka ˈgayya-, itle hí nyí fiiriche-, hát káána itín ke hí aargiroká nyí feˈdééllá itín úba hát hí nyí aargiˈdoká hí feˈdoká fayamle hé úba muí nyí shie.

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Tímote Erká 1:11

He onisiny taglééllá Fayam Midhab-, ˈdúwa-, Waag ke memeyóóllá hí ye gíl geer gáá kayyééllá ˈdaallé he ki taalla.

Tímote Erká 1:19

Iiy yeen Kirísto ka ˈgayyóóllá tág chíro, hé kuuní óg-, ˈduuˈdúwaká eekémesh. ˈDaa giri gáál ˈbáál héél gil sug ki hayká, in iiy yeenle eiy fufue.

Tímote ki Naamaká 4:7

Yáá laat ˈdúwaká laađame, đuulchú beete, iiy yeen chia Kirísto ka ˈgúóllá ki yaal.

Títo 2:10

Héétí gaal hai konf ˈgíiny, gaal hí hújíchle hát ˈduwantiká naannuo, giri Waag Rúbách kúnnaallá he onisinyle gálaat hí geelnetká.

Fílemon 1:5

Hééllá he ˈdaa giri iiy yeen kua kuuní Máá kúnnaa Guđo-, Yíésu ká ˈgayyoká ubaa gielmit kuuní gál Kiristo lulle gielká yú mamaloká.

Yákob 3:18

Gál gálaat naanná hurt ki ijo-, ubaa gálaat naanná hurt gaa sisidhoká, héllé ˈdabaan ekemeyoká hé ˈdúwaká yiem haí gáá ˈdeeme.

Bétiro ki Naamaká 3:11

Aaléka, ˈdaa giri Waag hí he lulle hatal ki beđisatkáka, itín kor it gál hát máre ˈgie? Itín onnônyka hát saas manti-, yaalmitle Waag geer gaa memesichoká hí ká yíéđianna,

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.