Filíbi 1:26 - Fayam Midhab Yiesu Kiristoká He Hol Af Iđiny Kaanaká

²⁶ Aalé geđi ki hol af ká yíéđieka, itín ˈdaa chúka hé hí Yiesu Kirísto ki memeychoká súmmo hegere, ˈdú okoˈdmoˈdo.

Filíbi 1:26 ပူးပေါင်းရင်းမြစ်များ

Yuána 16:22

Aalé káánaka, itín it ger hí gaa ˈdeenedhe. Tá yú geđi hollo ke hol aargira, af kinaallá ger haí gaa meedhe, geyyiny kíchia kinaallá hé máá níínní hí gaa egeetká mán.

Yuána 16:24

It hátle hé hí ˈdaa meenychú ki ruogonneká mán. Roogonóo, he haí aargiˈda, ger súm haí gaa meedhe.

Korínto ki Naamaká 5:12

Nyiin nyáá nyí geđi ˈduuwkínyo ke hí ma geđiny. Nyiin hé ke hí ki fedoká he giri ˈgatkínyo hí ˈgayya-, gál gálaat ˈdug gáá dhaˈgasan-, gálaat memeyo-, húgúm gálaat ger gaa ijoká hol ma hegesenallá ˈdéé hót hí hol ˈdú nanniyyaká hí ˈgayyaká nyí feˈde.

Korínto ki Naamaká 7:14

Hé midhab ˈdaakíchoka yú Títo geeyká, it ye af ki ˈduwasiche. Hát tikiˈde he lullé ke hí geeyká ˈdúwáállá, in úba hé midhab ˈdaakíchoka nyí Títo geeycheká ˈduway.

Korínto ki Naamaká 7:4

Yú hí hatallá geđúóllá, ˈdúuw yú hí ki og. Meeny yú itín memeyoká hé tág guđo. Har káána úba nyiin nyí hát lulle maanyjayyeka, fayamkícho hé tág ye guofsiche, ye geer gaa meeyche.

Korínto ki Naamaká 7:6

Tá Waag ííni gál ger hí gaa ˈdeđenetká gogofsichóóllá nyí Títo ali ˈdu gáá kaayye, nyí guofsiche.

Galátia 6:4

Máádhat hí hújíchle hát ˈdabaanká naannuo. Hát kinaallá in mu geerle ki geyyime, mu yaalmitle yaalmit máá eiy ma ki ekemeny,

Filíbi 3:1

Nyaaramchú, hé eiy taaka-, úba yú hí ka geđuoká hééllá: ˈDaa giri hí Máá Guđoká hol ˈdú faanneká ger hí gaa meet! ˈDeeny giri tikiˈde yú hí ˈdu gáá veereká geđi yú hí ˈdu gáá verenoká hé ye ma ˈgormony. ˈDeenyééllá he ˈdeeny hí in ki ˈdeˈdeen-, hí ˈboy ma ˈdeeminyká.

Filíbi 3:3

Hermisan ˈdúwa-, Waag hí feˈdoká gálle he múúni ke Hím Naasan Waaˈgiet Waag ki vivisat-, geyyinykúnno Yiesu Kirísto yé gáá ˈdeˈdeen-, ki hé gálaat hí hol ki memeyo-, gáál Waag ma ˈdú egenyallá ˈduuwle ki ma ki memeenallá.

Filíbi 4:10

ˈDaa giri waaséél geer chia hí gaa ˈdeeneyká geer guanle geđi hí ye argisicheká, ˈdaa Máá Guđokáka yáá súm geer ye gaa meedhe. Hé ˈduwa, geerchú hé hí gaa ˈdeeney, kor it érléká hé hí ye ká shigicheká ˈdu gáá laanle hátle ˈdabiyye.

Filíbi 4:4

Aadh lulle Máá kúnnaa Guđoká ˈdaalleka geeyimíe. Geđi ha yú hí geey, geeyimíe!