Filíbi 1:22 - Fayam Midhab Yiesu Kiristoká He Hol Af Iđiny Kaanaká

²² Har yú ˈjíig les ˈdug ˈdú ijoka, yú taalle Kirísto hujich ha ki nannaa, tá hújíchchú saano midhabká hí yé gáá ˈdeˈdeme. Tá les ˈdug ˈdú iđiny ubaa kúfach, hé máre yú toom gaa egedhdhe? Hoba! Yáá muog.

Filíbi 1:22 ပူးပေါင်းရင်းမြစ်များ

He Ekeny Gál Alb Fimiká 3:17

Nyaaramchú, yáá óg, hé gál kíchia kaansúoká ubaa itín hí ekeycheká hé kinaallá meto hí moonnoyye.

Róóma 1:13

Nyaaramchú, hééllá mé ka gáa, hát yú af burnayká hí ˈdu gáá yiimetká fedo-, kor hát ˈdabe-, ˈjíig káána đigallá. Hé yú fedoká he giri hát tikiˈde yú gáál kidhóótí Fayam Midhab Kiristóóllá ki ˈdiiyime-, gaal Kirísto enníéllá, in úba it Roomáállá yú hí ki ˈdiyeenká yú fede.

Róóma 11:2

Waag hé gállé-, héle waaratééllá ma đíin. Itín ˈdaa Eliyaka hé Warˈgat Waaˈgiet hí hoteká it ógká muunîny, giri Elíyalle Waag ki buoy-, gál Yisirayel ˈdeente-,

Korínto ki Naamaká 10:3

Har úba káána nyí les gaa iđoka, oos kínyia nyí hol chegesallá hé oos lesalloká muuniny.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Filíbi 1:23

Hé naamáállá hé ye mé eiy ki sedhe. Tá yú íín lésallá haađuo-, Kirísto nyí hol af yíéđiannoká fede. Hé kinaallá in ye súm ki kalat.

Filíbi 1:24

Tá itín íín hé hí súm ki midhabká, he yú taalle luolká.

Kolosááya 2:1

Aaléka, itín ubaa gál nyaaram ˈjien Lauˈdikew gaa ijoká, tá gál nyaaram kálta innumchú ma árginyká, laat chia yáálle ˈdaakíchoka hí hát ˈdabaanká ˈdú lađaanallá hí kiimisatoká yú fede.

Bétiro Erká 4:2

Máá gon hí hatallá boloyyeká iđinylé lésallá ˈdú ijoká hé hát gálaat hí fedoká ma enniminy, mu hát Waag hí feˈdoká he yíéđima.