Filíbi 1:20 - Fayam Midhab Yiesu Kiristoká He Hol Af Iđiny Kaanaká

²⁰ Hé yú súm fedo-, yú gófle ˈguoká, he giri hé yú ˈdú seseenká chiralle yú ˈguo-, kern ye ma ˈgiˈgin-, har káána yú kuf yíekaʼ, má kufiny yíekaʼ, yaalmit chia yú lésallá ki ijóóllá taalle Kirísto hí ˈdúúw gaa aargiroká.

Filíbi 1:20 ပူးပေါင်းရင်းမြစ်များ

Yuána 21:19

Yíésu hééllá hodhééllá kúfách Bétiro hí kufunan-, mu Waag ˈduuwayoká yaalmitlé he mú geey. Aalé Yíésu ˈdeenyéél hodheká mú geey, kieye, Ye el gáá véer, yie.

He Ekeny Gál Alb Fimiká 20:24

Tá yú yáá sídhchú ye geer ma gaa ˈdeeneny. Hé chia ye ki ˈdúwaká he hújích Máá Guđo Yíésu hí ye ká shieká, giri Fayam Midhab gielmiti Waaˈgietká đulalle yú kirmisat-, yú ˈdiyeen-, yú beđisatká.

He Ekeny Gál Alb Fimiká 21:13

Aalé Báulo nyí ˈdéé hol ˈdu gáá nie, kieye, Háteka hí bebeenne-, hí ye gúóf gaa gagalicháal? Yerúsalem yú sedheka, Máá Guđo Yíésu meenyle ˈdugaka hiigin úba kí hayo, kúfach yáá ki ég, muí nyí yie.

He Ekeny Gál Alb Fimiká 4:31

Aalé gáál Waag visan hí gaa đuyyeká ál gaalí hol ˈdú gáá yimie kinaal motiyye. Gáál lulle Hím Naasan Waaˈgiet hí koch chie, gaal ˈdeeny Waaˈgiet nyaalím ki huogodhe.

Róóma 12:1

Aaléka, nyaaramchú, gillo yú hí ki efe, ˈdaa giri Waag hí geer guurá argisichééllá, gónkícho hol suor luol-, hé Waag hí feˈdoká ekemeycho-, Waag geer gaa memeychoká Waag ki hoyyíe. ˈGíérích ˈdúwa-, hí Waag ki ˈduuwaychoká hééllá.

Róóma 5:5

ˈDaa giri Waag múún gáál Hím Naasanle ká shiiche-, gáál gielmitle koch ki hoychééllá, he af iđiny Waaˈgietallá met esiny ubaa onyle hé gáál af hódho ma hođiny.

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Róóma 8:19

He lullé Waag hí ka kuonnééllá bár ka chiimeto-, Waag umle ˈduuwasichoká ali kí ˈdeˈdeenká hé tág fedo, met egeso.

Róóma 9:33

hát káána Warˈgat Waaˈgiet hí hote-, kieye, Bá dhaayyíe, yú mááchú Síyon ha gaa iđimia. Máá kinaallá he hát wár gálaat ˈgas met ki ˈdaraan-, gálaat riigirsuoká, héétí hát nyátáábá gálaat les ki ˈdaraannoká. Máá máállá iiy yeetká, hé innum Waaˈgiet kern hí ma gaa ˈgiˈgin, chieká.

Korínto Erká 15:31

Nyaaramchú, yú aadh lullé kufach ye kí higila. Hééllá he ˈdaa geer gaa meen it Máá kúnnaa Guđo Yiesu Kirísto iiy chieká yú hí gaa argééllá ˈdaallé yú ki ˈdodhdhe.

Korínto Erká 6:20

ˈdaa giri Waag hí hím guđoká les gaa fiiyyeká. Aaléka, gónkícho Waag ki ˈduwayyíe.

Korínto Erká 7:34

in mú he hí mé eiy ki sedhe. Héétí min béél mánká ubaa máá harte tawunyle Máá kúnnaa Guđoká gaa iđimuoká hé uro, giri gaal íín rúbáchle Waag ˈdú haađuoká. Tá min béél ˈgayyoká tawunyle hé lesalloká he gaa iđimicha, yaalmit bélle geer gaa memesichoká he mé ki sisita.

Korínto ki Naamaká 10:8

Mé ki yaaliny kíchia Máá kúnnaa Guđóóllá hí nyí mé ki koyallá, har káána úba yú súm ki ˈgađáminyka, kern hé ye ma ˈgiˈgin. Mé ki yaalinyééllá he hé ke hí eiy ki fufumuoká muuniny, he hé ke hí ki ˈdiˈdisoká.

Korínto ki Naamaká 3:12

Aaléka, ˈdaa giri múún ke he hol af iđiny kaanáállá ˈduuwle ógká, in ke he ma kakany, ke biiy met ki seseme.

Korínto ki Naamaká 4:10

Kúfách Yiesu aadh lulle nyí ˈdu gáá kekeenallá ˈjaarsamle gón kínyaa nyí ki sisita, giri luolmit Yiesu hát nyí gaa iđoká gálaat úba hí kiimisatká.

Korínto ki Naamaká 5:15

Kirísto gálaat lulle ˈdú kufééllá, he giri gál les ˈdug ˈdú ijóóllá mú iiy yeget-, hát hol ki fedoká ma yíéđiminy-, Máá hí ˈdú kufe-, geđi loolnodhééllá hol ˈdú silmuoká.

Korínto ki Naamaká 7:14

Hé midhab ˈdaakíchoka yú Títo geeyká, it ye af ki ˈduwasiche. Hát tikiˈde he lullé ke hí geeyká ˈdúwáállá, in úba hé midhab ˈdaakíchoka nyí Títo geeycheká ˈduway.

Korínto ki Naamaká 7:4

Yú hí hatallá geđúóllá, ˈdúuw yú hí ki og. Meeny yú itín memeyoká hé tág guđo. Har káána úba nyiin nyí hát lulle maanyjayyeka, fayamkícho hé tág ye guofsiche, ye geer gaa meeyche.

Filíbi 1:14

Hiigin chia yú gaa ijóóllá hé nyaaram kúnnaa Kiristoká gál gúúđo guofsiche, gaal hé nyaa ká liledhe, sierm ˈdabe, ˈdeeny Waaˈgiet súm ká ˈdiiyime.

Filíbi 2:17

Hújích yú nie-, yú hí Fayam Midhaballá ˈdú gáá sidhe-, fayám hí iiy chíéllá, hé kinaallá he hé shiicho muun ki Waag shieká. Har káána úba gaal ye yies-, fáschú úba hé shiicho kinaallá hollo hol ˈdú faama, yú ubaa itín ger ˈgarro gáál hol ˈgar meedhe.

Kolosááya 1:24

Aalé káánaka, manyjany chia ˈdaa kíchoka, il hí ye aargiˈdóóllá geerle hé ye gaa meedhe. Manyjany chia ˈdaa Kiristoka gónchú hí aargiˈdo-, kor ˈbaal hátle ye met gaa iđo-, il hí ye aargiˈdoká ˈdaa gón Kiristo he ki taalla. Gón Kiristóóllá he gál Kirísto iiy yieká.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Bétiro Erká 4:16

Tá máádhat har Kirísto ˈdaalle ki manyjay-, he il hí argiyyeka, hai kern hí ˈgîn, ˈdaa giri mú Kirísto hílléká muí Waag meeyo.

Yuána Erká 2:28

Aaléka, umééllo, mú gaa yíéđía, giri mu hol ká nadhe-, ke mú il ki argeka, ke sierm mán-, mú metle kern hí gáál ma gaa ˈgiˈginká.