Filíbi 1:15 - Fayam Midhab Yiesu Kiristoká He Hol Af Iđiny Kaanaká

¹⁵ Kor gáál ˈdáá tikiˈd Kirísto hát hinaafietká ubaa hát hol af ˈdú eenyká he ˈdiyime, tá gáál ˈbáál tikiˈd hé Kirísto hát ˈduwantiká ˈdiyeen.

Filíbi 1:15 ပူးပေါင်းရင်းမြစ်များ

Matááyo 23:5

Gaal íín héllé lulle ˈdabaan he ekemesetká gálaat hol aargisuoká he fede. Gaal saaw ˈdéé hót Waaˈgiet ˈgayyo-, he met bala ki higisatká ebá guguđáan! Héétí halum gáál đafaraamle ki ˈgiiyyoká ebá ˈdeˈdíer!

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 11:20

Aalé gál Yerúsalem kar gaa ˈdane-, Ántiok mé nieká ˈdáá tikiˈd hí gál lés Kuburos, ˈbaal hí gál ˈjien Kurene. Gál kinaallá ˈjien Antiok kí fameká gál kídh Hellen Máá Guđo Yíésu Fayamlé Midhabká úba shie.

He Ekeny Gál Alb Fimiká 5:42

Ram hátlé hol el gaa igiˈdeká, gaal đír ˈBíl Waaˈgiet geerle tá ubaa ˈjien Yerusalem Fayam Midhab Waaˈgiet-, Yíésulle hát he Messíyaká taalle gáál gaa shiigie.

He Ekeny Gál Alb Fimiká 8:35

Aalé Fílib ˈdeeny muí totoy kinaal hélle mú af gaa koy, mú Fayam Midhab Yiesuká geey.

He Ekeny Gál Alb Fimiká 8:5

Fílib ˈjien lés Samaria mare mé nie, ˈjien kinaal mu gálaat Yíésu hát he Kirísto-, máálle Waag hí salab mé ki liiyye-, Waag hí kansím koyyeká gáál geey.

He Ekeny Gál Alb Fimiká 9:20

Mu af kinaal đo ény ˈdiiyiminyká gerle Yíésu hát he Iny Waaˈgietká gaa ˈdiiyime.

Róóma 2:8

Tá gál giri tákámle he hol ki fedo-, hé ˈdúwaká điđidhan-, hé ˈdeđewká el gaa igiroká, Waag idholle ubaa Waag he il ká argisinyle hai aargira.

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Korínto Erká 13:3

Héétí har hé chia lulle yú ˈguoká yú gálaat shigîny-, sídhchú úba sillîny-, giri yú hol memeyoká, kor yú gielmít manítaka, yáá hééllá ˈduuw níínní gaa aargiroká mán.

Korínto ki Naamaká 1:19

Iny Waaˈgiet-, Yiesu Kirísto-, yú ubaa Silfáánas, tá Tímote ke hí hurtkícho gaa ˈdiyimééllá mu hé iiy-hí ma yegen, kor wáásaka, héllé kinaal el mé ma ˈgiisan, híʼi, ma yegen. Mu héllé hogodhoká hé ˈdúwaká tákáma.

Korínto ki Naamaká 11:13

Gál hatallóóllá he gál alb fimi-, hođomlé-, hujichaam điđám ki nannuo-, hol gál alb fimi-, Kiristoká ka hođuoká.

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Galátia 2:4

Tá gál mu hermisatká fedeká he gál điđám ka ˈdie-, muun gáál hurt ká hile-, gáál ka ˈdeey-, mé furit kúnnaa Yiesu Kiristo ki gaa ijóóllá ˈgas egew-, muun gáál nyatalaam Yuuˈdiká mé ki tatuoká.

Filíbi 2:3

He lullé hí ekemeychoká, haí tákámkícho he hol ki fédiny, ubaa hí hol gaa memêny. Tá hol ˈdúúw ría, gál eiy hát hí ˈdú ˈdúwaká ka dhaayyíe.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.