Filíbi 1:11 - Fayam Midhab Yiesu Kiristoká He Hol Af Iđiny Kaanaká

¹¹ Héétí Yiesu Kirísto hí kuol gaa chiirat-, hí hé midhabká ekemeycho-, Waag íín hí ˈdúúw ubaa meeny gaa aargiˈdoká.

Filíbi 1:11 ပူးပေါင်းရင်းမြစ်များ

Matááyo 5:16

Hát tikiˈdééllá édhúmkícho hí gálaat met gaa edhew, giri hé ˈdabaan kíchia hí ekemeychoká gálaat hí aargiro-, gaal ˈJaa kíchia úr ijoká memeyoká.

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

Yuána 15:2

Mu kolm ye ki ˈgie-, saano hí ma gaa higisinyká ali hai gaa muura, kolm saano hí gaa higissoká íín in hollo hol ki nannaa, giri saano hí hát ˈdabaanká gaa higissoká.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Róóma 15:28

Aalé hé shiichóóllá yú gáál hilsie-, hújíchle yú beeteka, af giri yú lés Sebaania seseenká ha yú hí gáá naadha.

Róóma 6:22

Aalé káána Waag hí ađaabano gim gáá eeyye-, hí Waag gedelle chíéllá, hééllá héllé ˈdúwa-, hí yé gáá ˈdeˈdeenká he giri gál hé Waag hí feˈdoká el gaa igiroká chegete-, el ˈdáˈdle hí luolmit biiyoká higiloká.

Korínto Erká 10:31

Yú hí geeye, har káána hí he kokonyo yíekaʼ, hí he igianna yíekaʼ, hí he ekemeyche yíekaʼ, hé hí ekemeycho kinaal lúl hí hé Waag hí ˈdúúw gaa egeetoká onnow.

Korínto ki Naamaká 9:10

Waag ííni gál les fafuoká aram shigicho-, gálaat hé geere shigichóóllá in úba hí he shigicha, hé kíchia kinaal hegersicha, tá hé ger gaa midhantkícho yé gáá ˈdeˈdeenallá in úba hegersicha.

Eféso 1:12

Aaléka, nyííni giri nyí gál Yuuˈdi-, nyí Kirísto erkob met egete-, nyí Kirísto iiy chieká, Waag nyííni kinaallá ˈduuwle nyí memeychoká he feˈde.

Eféso 1:14

Waag Hím Naasanlé muun gáál ki guyyééllá, hát beríka, Waag hé ˈdabaan-, gáál af iđicheká gáál ka shigichoká ki met gaa ógká. Hé ˈdabaan kinaallá, múúni giri ki Waag gálléká af giri Waag gáál rianká ha ke aargira. Héél ˈdugaka, kí Waag ˈduuwle meemeyo.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 5:9

Édhum saanolle he midhánti, saas mánti, tá ˈduwánti.

Filíbi 4:17

Tá yáá íín hí hé shiicho ma gaa ˈgeˈgen, hé yú fedoká he giri gil kíchia hí eiy lalaannóóllá ˈdugaka hé shiicho Waag hí itín úr gáá shigichoká hegeroká.

Kolosááya 1:10

Waag ke hí hatallá kí rogononallá he giri itín yaalmisano midhab-, hí ki iđáállá Máá kúnnaa Guđoká hí ˈdúúw gaa aargiroká. Héétí hí mú hát lulle geer gaa memesicho-, he lullé midhab hí nanniyyáállá taalle saano midhabká hí yiem gáá ˈdeˈdeen-, hí Waag hát ˈdabaanká oonootoká.

Kolosááya 1:6

Fayam ˈdúwa-, midhab-, hí argiyyééllá in les lulle bash ki chegete, saano midhabká ˈdaˈdalla. Hát tikiˈdééllá itín a meeny giri hí erkob Fayam Midhaballá maalle-, hí ˈdúˈjím Waaˈgiet ˈduuwle lulle eiy naasateká, Fayam Midhaballá hé úba hurtkícho bash ki chie, itín saano midhabká hí gáá higisso.

Dhesaloníke ki Naamaká 1:12

Waag ke hí kí vivisatallá, he giri Máá kúnnaa Guđo Yíésu meenyle yaalmit kíchia hí ki iđa kinaal gaalí gaa memeyo-, itín úba hí mú ˈdúúw gaa aargiˈdoká. Waag visan kínyaallá, Waagkúnno ubaa Máá kúnnaa Guđo Yiesu Kirísto ˈdúˈjímle ˈdaalleka tág hai yeedhe.

Títo 3:14

Gálkúnno hé midhab he ekemeyoká hí hol onisuo, hí húgúmle hosot, giri hát ˈguo-, gálaat héllé hí ki ˈgierˈgereká he gaa shiguoká.

Héberew 12:11

Atim giri gon hí gáál gaa boloonká hé gáál ger ma gaa memesiny. Tá atim kinaal héllé hí yé gáá ˈdeˈdeenká he naanná, giri gál atim kinaallá he gaa onodheká iđiny ˈdúwa-, Waaˈgietká gaa yíéđianká.

Bétiro Erká 2:12

Gál Waag muogká yaalmisam ˈdúwaká hursam ki yíéđía. Har úba gaalí hé ˈdeđewká af kakaw-, gaalí ˈdeđensetka, hé ˈdúwa-, hí ekemeychoká gaalí argo, gaal hé kúlích Waag hí gáá ˈjeennoká Waag gaa meeyo.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Bétiro Erká 2:9

Tá itín he gál Waag hí galayche-, Waag ííni kansidhééllá hí mé tikiˈd hoyche-, hí gállé suoryoká hosote-, hí hol taak ki kooteká. Hé ˈduwa, itín he gál Waag híllé-, muí bííy gaa ongʼoˈdeká gáá vie-, muí édhúmlé ˈdúwaká hurt gaa iđite-, giri hí mú ˈduuwle memeychoká.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.