Filíbi 1:1 - Fayam Midhab Yiesu Kiristoká He Hol Af Iđiny Kaanaká

¹ Yáá Báulo lééllá ubaa Tímote giri nyí gede Yiesu Kiristoká warˈgatééllá it Waaˈgiet-, hí Yiesu Kirísto hol ˈdú faanne-, ubaa it gál Kiristo ˈdeˈdeen-, tá it gál Kiristo hujich ki nanniyya-, hí Filíbi gaa iđaká, ki hí ˈdú gáá lalama.

Filíbi 1:1 ပူးပေါင်းရင်းမြစ်များ

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 9:13

Aalé Ananías mú ˈdéé hol ˈdú nie, kieye, Máá Guđo, gál burnayká máá kinaallá hé ˈdeđew-, muí gál kua Yerúsalem gaa ijoká ki eekemeyká he ye fayamle shie.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Korínto Erká 16:10

Tímote har hí ˈdu gáá yimieka, hai el tól ki íđiny, mú mé guđáan yiedhíe. Hát yú hújích Máá kúnnaa Guđóóllá nannúóllá, mu íín úba Máá kúnnaa Guđóóllá hújíchlé he nannaa.

Korínto ki Naamaká 1:1

Yú he Báulo, máá Waag hát hí ki feˈdeká hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Tímote it Kirísto iiy chie-, hí ˈjien Korinto gaa iđáállá ubaa gál Kiristo lulle lés Akaya gaa ijoká lul kíchia ke hí ˈdu gáá veere.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Galátia 3:26

Iiy yeen kíchia hí Yiesu Kirísto iiy chieká ˈdaalleka it lulkícho um Waaˈgiet chie.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Eféso 1:1

Yú he Báulo, máá Waag hát hí ki feˈdeká, hí máá ali gaa kaany-, Yiesu Kiristoká hoycheká. Warˈgatééllá it Waaˈgiet, hí Eféso gaa iđa-, hí Kirísto iiy chie-, hí mú hát ˈdabaanká el gaa igiˈdaká, yú hí ˈdu gáá verene.

Eféso 1:15

Hé kinaallá ˈdugaka, ameeny giri yú itín hát hí Máá Guđo Yíésu iiy chie-, ubaa hát hí gál Kiristo lulle gielká maaleká,

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Filíbi 2:19

Har Máá Guđo Yíésu hí fedoka, yú ál ˈjóbo hí Tímote ali ˈdu gáá kakaa, giri fayamkícho yú mamalo-, yú úba geer ye gaa memeetká.

Filíbi 2:5

Kaskícho hí kas Yiesu Kiristo yeet.

Filíbi 3:12

Tá yáá hol ma memeny, kieye, Yáá tág hééllá lulle ki hiray, ameenychú ki ˈdie, ma yegen. Yú hé Yiesu Kirísto hí ye kí vie-, mu ye máálle hoteká laatlé lađama, giri hé kinaal mé đig yegetká.

Filíbi 3:3

Hermisan ˈdúwa-, Waag hí feˈdoká gálle he múúni ke Hím Naasan Waaˈgiet Waag ki vivisat-, geyyinykúnno Yiesu Kirísto yé gáá ˈdeˈdeen-, ki hé gálaat hí hol ki memeyo-, gáál Waag ma ˈdú egenyallá ˈduuwle ki ma ki memeenallá.

Filíbi 3:8

Iiy-hí, hééllá lulle yú Kirísto ˈdaalle ki dhaayka, hé ˈdúúw mánká yú ká dhaˈgama. Máá chia Guđo Kirísto onnonlé yú onodheká hé he lulle af mé ˈdú gíri. Mú ˈdaalle ˈdugaka hééllá yáá hay, hééllá hát ége yú ká dhaˈgama, giri Kirísto mááchú yeget-,

Dhesaloníke Erká 1:1

Yáá Báulo lééllá ubaa Silfáánas, tá Tímote warˈgatééllá it gál Kiristo-, ˈJaa kúnnaa Waag ubaa Máá Guđo Yiesu Kirísto hí lé-, hí Dhesaloníke gaa iđáállá ke hí ˈdu gáá verene. Waag hí ˈdú ˈjeeˈjeen, hí naanná shiigicho.

Dhesaloníke Erká 2:2

Af giri hátle ke hí ma ˈdú gáá yímen-, nyí Filíbi gaa iđe-, gaal nyí hát ˈdeđewká ki sedhe-, nyí manyjayyeká it óg. Har káána úba he il hí nyí argiyyeka, Waag nyí nyaalím shiiche, Fayam Midhab Waaˈgietallá ke hí ki ˈdiiyime.

Dhesaloníke ki Naamaká 1:1

Yáá Báulo lééllá ubaa Silfáánas, tá Tímote warˈgatééllá it gál Kiristo ˈJaa kúnnaa Waag ubaa Máá Guđo Yiesu Kirísto hí lé-, hí Dhesaloníke gaa iđáállá ke hí ˈdu gáá verene.

Dhesaloníke ki Naamaká 1:10

Kúlích muí gáá ˈjeen kinaal mu gálle ˈdúúw hai gaa aargira, ameeny gál mú iiy yieká lulle mú hai meeye. Tá itín ˈdaa giri fayam Kiristo ke hí geeyká hí iiy chieká, itín úba it gál kinaal gaa iđa.

Tímote Erká 1:2

Warˈgatééllá kó Tímote lé-, ˈdaa iiy yeen ke Yiesu Kirísto ka ˈgúólláka, iny chia ˈdúwáállá yú ko ˈdu gáá verene. ˈJaa kúnnaa Waag ubaa Máá kúnnaa Guđo Yiesu Kirísto hí ko ˈdú ˈjeeˈjeen, hí ko geer guurá aargisuo, hí ko naanná shiiguo.

Tímote Erká 3:8

Gede ˈbíl geer Waaˈgiet úba hí hát tikiˈde kinaallá gál siríg ˈguoká onnow. Hai gál af hí nanama-, bersham súm igian-, hát tag ki ˈdimiká he ki aargiroká onnôny.

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Fílemon 1:1

Yú he Báulo, máá Fayam Midhab Yiesu Kiristóóllá ˈdiiyiminyle ˈdugaka, gaalí hiigidheká. Warˈgatééllá yú ubaa nyár kúnnaa Tímote lééllá, kó nyí ko giel-, ke hujich hol ˈgar nannuo-, Fílemon lééllá nyí ko ˈdu gáá veeˈde.

Héberew 13:23

Onnóo, nyár kúnnaa Tímote hé gaalí ká fure. Tá mu har ál ˈjob gáá ˈjieka, mú hollo nyí hol ká egeete, afo ke hí kí ˈdeeme.

Yákob 1:1

Yú he Yákob, Waag ubaa Máá Guđo Yiesu Kirísto gédéchlé. Warˈgatééllá it é meet tomon a naama-, biiyano hí ma lilenyká gaa iđáállá yú hí ˈdu gáá verene. Náa!

Bétiro Erká 2:25

Itín érléká hát hí wala eiy bađayká, kor káána it Máá sidhamkícho ˈdeˈdeen-, sidham in gaa yaalká hol ˈdu gáá naate.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.

Kí Edhesiny 1:1

Hééllá he kí edhesiny-, Waag hí Yiesu Kirísto shiiche-, giri yaalmisano ál ˈjob yé gáá ˈdeˈdeenká muí gedelle aargisuoká. Yíésu máállé ˈgasso-, urruká ali gáá kaay, mú máállé ˈgasso kinaal kí edhesinyéél mú gédéchlé Yuána ˈdú eedhdhe, mú argisie.

Kí Edhesiny 1:20

Hé geer geđi-, hidhinolle tiiya-, kuuní gíl chia ˈdaa naanietká gaa argiyyeká ubaa hé tiiya-, hórkí-, nyátáá tiiya hí ˈdú iđóóllá hélle hééllá: Hidhino tiiyáállá he gál Kiristo met hí tiiyaká gállé urru-, ˈgassoká, héétí hé tiiya-, hórkí-, nyátáá tiiya hí ˈdú iđoká he gál Kiristo met hí tiiya kinaallá.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.

Kí Edhesiny 2:12

Gál Kiristo ˈjien Bergamon gaa ijoká máállé urru-, ˈgassoká ˈdeenyééllá ˈdú véer. Máá faaˈd órof-, ˈdinnam hullaalle gáá alléká ˈguoká ˈdeenyle hééllá:

Kí Edhesiny 2:8

Gál Kiristo ˈjien Simirna gaa ijoká máállé urru-, ˈgassoká ˈdeenyééllá ˈdú véer. Máá Erkob ubaa Biiy El ˈDaˈd lé-, kufe-, kor geđi loolnodheká ˈdeenyle hééllá:

Kí Edhesiny 22:9

Kor mu ye geey, kieye, Ha hééllá ekêny! Hát káána kúún ubaa gál kua nyaaram-, Waag hí ˈdeem ka shigichééllá ubaa gál warˈgatééllá ˈdeenyle iiy yie-, el gaa igiróóllá hí Waag gede lééllá, yú úba he Waag gédéchlé. Waag tákámle méesh, yie.