Eféso 6:9 - Fayam Midhab Yiesu Kiristoká He Hol Af Iđiny Kaanaká

⁹ It gédellé-, géde he gaa mumuˈdáállo, gedekícho hát midhabká úba ki sedhíe, haí gáál nenesîny. Hééllá mé ka ˈgáa, Máá géde ubaa itín híllé-, met hullaakícho hí he gaa mumuroká hé úr gaa ijo. Máá kinaallá hé gálaat hol eiy ma gaa nanniny.

Eféso 6:9 ပူးပေါင်းရင်းမြစ်များ

Matááyo 22:10

Aalé gál gédeká kie, ˈjien hurt mé nie, gaal mu mídhab yíekaʼ, mu ˈdéen yíekaʼ he argeká lúl af ká tadhdhe, gólol álle đo gaalí koch yie.

Matááyo 22:8

Aaléka mu gedellé he hol af ijeká geey, kieye, Golol hé tág ˈdie, kor gál yú kiereká hé ˈdúúw ˈdabe.

Matááyo 24:48

Tá gédéch muí gede éíy taaka met gaa koyká har he ˈdeenítaka, hát he taawuoká kieye, Máá chia guđoká hé ál ˈjob ma gáá ˈjeeminyo, he yeedhe,

Matááyo 24:51

Mú máállé guđo kinaallá mú hát ˈdeđewká he hai ki ekemeye, mú gál hol ˈdug gáá sasaloká hurt hai ki laama. Ál kinaallá he ál gálaat hí gaa bebeen-, hí kach hol amet gaa ˈginianká, Yíésu hí gáál yie.

Matááyo 7:12

Hát lullé midhab-, gálaat hí ki ekemeyo-, hí feˈdoká, itín úba hát tikiˈde kinaallá gálaat ki eekemeyyíe. Hééllá he hemuumurit Waag hí Móshe ka shiicheká ubaa ˈdeem gál Waag hí ˈdeem ka shigicheká héllé.

Lúka 6:31

Hát lullé midhab-, gálaat hí ki ekemeyo-, hí feˈdoká, itín úba hát tikiˈde kinaallá gálaat ki eekemeyyíe.

Yuána 13:13

Itín Máá gáál he oonisuoká ubaa Máá Guđo, hí ye chegedhééllá, hé kinaallá taglé. Yú he máá kinaallá.

He Ekeny Gál Alb Fimiká 10:34

Aalé Bétiro gáál ki ˈdiiyime, kieye, Aalé káána yáá hát ˈdabaanká he kimite, Waag hát he gáál mé tikiˈd tákámle ma ˈdú iifinyká.

Róóma 2:11

Waag hé gálaat ˈdug ma gáá dhaˈgaminy, gálaat héllé ger ka ˈguoká dhaˈgasanna, in gálaat hát ˈduwantiká ˈdéé ki iđimicha.

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 7:22

Gédéch Máá kúnnaa Guđo hí ká vieká, Máá kúnnaa Guđoká ˈdaalleka, he máá Waag hí mé fuˈdeká. Hát tikiˈdééllá máá af giri Máá Guđoká hí ká vevemeká gedech ma onnônyká, íín káánaka, he gédéch Kiristo.

Kolosááya 3:25

Máá hé ˈdeewká ekemeyoká, he il haí aargiˈda. Waag mu guđáan yíekaʼ, mu gedech yíekaʼ, hé ali gaa muog. Mu íín hát ˈduwantiká he gálaat ˈdéé ki iđimia.

Kolosááya 4:1

It géde ˈgayyáállo, ˈdaa giri Máá kíchia hí mé ki yaalká hát úr gaa ijoká hí ógká, gedekícho símísle hé ˈdúwa-, tagléká gaa shiigía.

Yákob 2:13

Máá geer guuralle gálaat ma aargisinyká, kúlích ˈdéé ki iđinyká hé Waag hí geer guurá ma aargisiny. Geer guurá hé ˈdéé ki iđiny far ˈdú gogiyyo.

Yákob 2:8

Har hemurit súm guđo-, Warˈgat Waaˈgiet geer gaa iđo-, giri kieye, Máá olkú hát kúún hol gielallá úba géélneb, chieká, hí el gaa igiˈdaka, af kinaalka hé ˈdúwaká hí ekemeyche.

Yákob 5:4

Bá dhaayyíe, it gál hí ˈguom kí mureká símísle hol ma ˈdú níiny, símís kinaallá hí ki bebime. Gál ˈguomkícho mureká buonyle hé Máá Guđo-, fargogínt lulle ˈguoká nétle hí maalle.