Eféso 6:8 - Fayam Midhab Yiesu Kiristoká He Hol Af Iđiny Kaanaká

⁸ ˈdaa giri gedech yíekaʼ, máá aađaká yíekaʼ, héllé midhab-, ekemeyoká Máá kúnnaa Guđoká hí he gaa shiguoká, hí ógká.

Eféso 6:8 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Matááyo 20:7

Gaal mú ˈdéé hol ˈdú nie, kieye, Hujicho máá hí nyí ki veereká man, gaalí mú yie. Mu gál kinaal geey, kieye, Itín úba sedhíe, lés chia saanoká hujich gaa náa, gáál yie.

Matááyo 5:12

Yaalmit kinaallá in gál héle Waag hí ˈdeem ka shigiche-, gálaat ki ˈdiyimeká úba gaalí ki maanyjasie. Aaléka, ger hí gaa meet, kosolóo, hé shiicho Waag hí úr ali kí iđicheká hé tág guđo.

Matááyo 6:1

Yíésu geđi gáál geey, kieye, Af giri hí hé midhabká ekemeychoká hol ˈdeeˈdemíe! Haí tawuny gálle gálaat hí aargiro-, hí memeyoká ˈgíiny. Har hí hát kinaal ekemesetoka, it hé shiicho-, ˈJaa kíchia úr ijoká onnônyka hí shigieká ma aargiriny.

Matááyo 6:4

giri hé kua shiichóóllá kúólle af hí ko ki ˈgiidhoká. ˈJaa kua úr ijoká hé kaany gaa ijoká argóóllá hé kua midhab-, ekeycheká shíícholle hai ko shigia.

Lúka 14:14

Hát kinaallá in Waag ko ˈdú ˈgunuanna, ˈdaa giri gálallá hé níínní ˈguo-, ko êw kí hidho-, mánká. Af giri Waag gállé hí iiy yie-, ˈdúwaká uushim yiem gáá ˈdeđichoká hé midhab ekeyche kinaallá ewle hai ko kí higita, Yíésu hí mú yie.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Galátia 3:28

Itín it hol eiy ma nanniny, hí kieye, Máállá máá Yuuˈdi, máállá máá Hellen, máállá he gedech, máállá he máá ˈdúwaká, máállá he máá yáb, máállá he máá ˈdedhit, ma chegen. Itín lulkícho ˈdaa Yiesu Kiristoka hí tikiˈde.

Kolosááya 3:11

Aalé káána it ál níínní hol ki fooˈdo-, hí kieye, Máállá máá Hellen, máállá máá Yuuˈdi, máállá hé hermite, máállá hé ma hermísan, máállá máá kídh éíy, máállá máákúnno muuniny, máállá he gedech, máállá he máá ˈdúwaká hí hol ki chegetoká mán. Kirísto ííni gúúđo, gál hí iiy yieká lulle gaa ija.

Kolosááya 3:24

Hújích hí hát ˈdabaanká nanniyyáállá, héllé shiichoká hát hí Máá kúnnaa Guđo Kirísto gaa aargiˈdaká mé ka ˈgáa, ˈdaa giri mu íín hí hujich ki nanniyyaká. Hé shiicho kinaallá he hé Waag hí gálle af iđicheká.

Kolosááya 3:25

Máá hé ˈdeewká ekemeyoká, he il haí aargiˈda. Waag mu guđáan yíekaʼ, mu gedech yíekaʼ, hé ali gaa muog. Mu íín hát ˈduwantiká he gálaat ˈdéé ki iđimia.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 11:26

Móshe hé shiicho Waag hí shigichoká hé mé ká ˈgie, in aalé eesheny gaalí mú egesheyká ma đíiny. Mu eesheny il hí argiyye-, hát káána eesheny gaalí Kirísto eeshey kinaallá, hé súm kamur lés Misirayim ˈgany ˈdú ˈdúwaká muí ká dhaay.