Eféso 6:23 - Fayam Midhab Yiesu Kiristoká He Hol Af Iđiny Kaanaká

²³ ˈJaa kúnnaa Waag ubaa Máá kúnnaa Guđo Yiesu Kirísto hí it nyaaramká naanná ubaa iiy yeen gielmít ˈgayyoká shuo.

Eféso 6:23 ပူးပေါင်းရင်းမြစ်များ

Yuána 14:27

Yáá hí naanná af kí hay, naanná chia yú hí shie. Naanna yú hí shíéllá, hé hát naanna gál lesalloká hí hol shiguoká muuniny. Ha ger hí gaa ˈdéénen, hí seerêny.

Róóma 1:7

Warˈgatééllá it Waag hí giel-, Waag hí ká viiyye-, hí gálle hosote-, hí Róóma gaa iđoká yú hí ˈdu gáá veere. ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Róóma 15:33

Aaléka, Waag kúnnaa naanná ˈgayyóóllá hí lulkícho gaa yíéđiyyo. Iiy-hí, hé hí hát kinaallá yeet.

Korínto Erká 1:3

ˈJaa kúnnaa Waag ubaa Máá kúnnaa Guđo Yiesu Kirísto hí ˈdú ˈjeeˈjeen, hí naanná shiiguo.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Galátia 6:16

Aalé gál he onisinyééllá el gaa igiroká ubaa gál Yisirayel Waaˈgietká Waag hí naanná shiigicho, hí geer guurá aargisicho.

Eféso 6:24

Ameeny gál Máá kúnnaa Guđo Yiesu Kirísto gielmit af mé mánká ki gielká Waag hí ˈdú ˈjeeˈjeen.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Dhesaloníke ki Naamaká 3:16

Máá kúnnaa Guđo naanná hí yé gáá ˈdeˈdeennoká dhúrle hí itín yaalmisano lulle naanná gaa shiiguo, mu lulkícho hí gaa yíéđuo.

Tímote Erká 1:14

Tá Máá kúnnaa Guđo Waag hé ye ˈdúˈjímle hát ˈdabaanká ˈdú ookoˈdmie, ˈdaa Yiesu Kiristoka ye iiy yeen ubaa gielmít ká shie.

Tímote Erká 1:3

Af giri yú Makeˈdónia sesemeká yáá ko gil ki efe, giri Eféso gaa yíéđianno-, gál he onisiny tagle muuninyallá gálaat oonisúóllá af tatiyyo-, gaal gáál he onisiny kinaal ma oonisiny-,

Tímote Erká 5:8

Tá máá gálle ma wawany-, héétí súm ˈbíl geerle ma wawanyká iiy yeenlé Kirísto iiy yieká he điidhe. Máá hatallóóllá hé máá Kirísto iiy ma yéenká ˈdú ˈdeew.

Bétiro Erká 5:14

Aaléka, gielmit Kiristo hol naa ki yiegedhíe. It lulkícho Kirísto híllééllá naanná gaa yíéđía.

Yuána ki Seđeká 1:14

Yú onnônyka ál ˈjob gáá yiimet-, ke hol af ká yíéđian-, ke hol geđuoká fede.

Kí Edhesiny 1:4

Yú he Yuána. Warˈgatééllá it gál Kiristo-, met hí tiiya-, hí lés Asia gaa iđoká yú hí ˈdu gáá veere. Máá ali ijo-, kísóótí ali ije-, tá bár ka chimetóótíá úba ali ijoká, héétí hím naasan tiiya-, mú karallé guchiká met gaa ˈgiiyyoká, tá Yiesu Kirísto hí ˈdú ˈjeeˈjeen, hí naanná shiiguo. Yiesu Kirísto íín he Máá he lúl ˈduuwle hogodhoká. Mu he Máá gál uushim yiem gáá ˈdeˈdeenká Máállé méteká. Héétí mu he Máá kansimano lesalloká Máállé hí mé ki yaalká. Mu ííni gáál giel-, gáál fásle ki dhiire-, ađaabanokúnno ubaa nyuogimkúnno gáál yé gáá ˈdeeyallá kí ˈdúúw shuo.