Eféso 6:21 - Fayam Midhab Yiesu Kiristoká He Hol Af Iđiny Kaanaká

²¹ Nyár kúnnaa Túkiko, ki giel-, ˈdúwa-, gédéch Máá kúnnaa Guđóóllá, yaalmit yú ki ijoká ubaa hé yú ekemeyoká fayamle lulle haí shigia.

Eféso 6:21 ပူးပေါင်းရင်းမြစ်များ

He Ekeny Gál Alb Fimiká 20:4

Gál mú hol eedhdheká he Sobátiros giri iny Burros-, giri ˈjaallé kinaal máá Beryaká, mú Aristákos tá Sekúónoˈdos giri gál Dhesalonikeká, Gáyyos giri máá ˈDerbeká, ubaa Tímote, héétí mú Túkiko tá Torofímos giri Asiaká.

Korínto Erká 4:17

Hééllá ˈdaalle ˈdugaka in yú hí iny chia yú giel-, ˈdaa Máá kúnnaa Guđokáka ˈduuwle yú kimite-, Tímote lééllá yú hí ali ˈdu gáá kaay. Mu ˈgíérích Kiristo yú ki ijo-, yáállé hí alb lulle gál Kiristo me hí hol gaa aargiroká gaa oonisuoká táb haí kí gaadha.

Filíbi 1:12

Nyaaramchú, hééllá onnóo, hé il hí ye argiyyeká hé Fayam Midhaballá bash hoy.

Kolosááya 1:7

It Waag ˈdúˈjímle Fayam Midhab Kiristóóllá Ebáfaros gaa onnote. Máállá tág nyáá nyí giel, mu íín he máá kúnnaa ke hol ˈgar gede Waaˈgiet-, ˈdúwa-, ke hol hújích Kiristóóllá yiir ki chichiratká.

Tímote Erká 4:6

Kúún har atimééllá gál nyaaram-, Kiristoká af ki tatiyyoka, in kuun gédéch ˈdúwa-, Yiesu Kiristoká cheedhe. Fayam ke iiy yíéllá ˈdeenyle ubaa he onisiny midhab-, kuuní el gaa veeˈdééllá iiy yeenkú hai higirasicha.

Tímote ki Naamaká 4:12

Yáá Túkiko Eféso ali ˈdú kaay.

Títo 3:12

Yú Artéma, muuninyka, Túkiko, ali ha ko ˈdu gáá kakaa. Gálallá máádhat ko af kí ˈdieka, đo ká keʼ, kí Nikóbolis hol gaa argo. Ál kinaallá he ál giri af ˈdeenyietká yú gaa yíéđianká.

Fílemon 1:16

Máállá érléká he gédéchkú, kor káána mu hé máá gedech ˈdú ˈdúwaká yie, mu he nyár kúnnaa ki gielká. Yáá tág mú geelnedhe, tá kuun hát mú dhúrle súm geelneto-, mú nyár kua Kiristoká úba ka geelnetoká yáá óg.

Bétiro Erká 5:12

Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.

Bétiro ki Naamaká 3:15

Hééllá mé ka ˈgáa, Máá kúnnaa Guđoká geer guurallé ˈguoká in hol ki momoyo, gál burnayká hí rubach ki aargira. Nyár kúnnaa ki giel-, Báulo lééllá, ˈdaalim Waag hí shiicheká ˈdugaka in hí ˈdéé hót tikiˈdééllá úba ˈdu gáá veere.