Eféso 6:18 - Fayam Midhab Yiesu Kiristoká He Hol Af Iđiny Kaanaká

¹⁸ Hé kinaal hí ekemeychoká aadh lúl Waag gil ki eegefée, viivitíe. Hím Naasan Waaˈgiet hí fargogint hí Waag ki vivisataká shiigicho. Biiy ˈdeeˈdemíe, haí ˈgoróminy, gál Kiristo lulle Waag ki viivitíe.

Eféso 6:18 ပူးပေါင်းရင်းမြစ်များ

Matááyo 17:21

Tá fargogint máádhat hí aryaan hatallóóllá yé ki ˈdeđuoká íín Waag visan ubaa af hisan tákáma he gaa iđa, yie.

Matááyo 26:41

In eiy ˈdeeyyíe, Waag vitíe, giri hí hé ˈdeewká ekenyle hol ma kí haađinyká. Hodhin hí he feˈde, kor gon hí he má uˈduáte, muí gáál yie.

Márko 13:33

Biiy ˈdeeˈdemíe, haí mé les ki gân! Hééllá lulle kúlích ali kí ˈdeˈdeenká ití muog.

Márko 14:38

In eiy ˈdeeyyíe, Waag vitíe, giri hí hé ˈdeewká ekenyle hol ma kí haađinyká. Hodhin hí he feˈde, kor gon hí he má uˈduáte, muí gáál yie.

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Lúka 22:46

Aalé mu gáál kiisie, kieye, Háteka hí rayyéel? Le gaa kée, Waag vitíe, giri hí hé ˈdeewká ekenyle hol ma kí haađinyká, muí gáál yie.

Lúka 3:26

Nagây he iny Maat. Máat he iny Matatias. Matatías he iny Shemey. Shémey he iny Yoseg. Yóseg he iny Yoˈda.

Lúka 3:37

Lámek he iny Metushela. Metúshela he iny Enok. Énok he iny Yared. Yáred he iny Maalalel. Máálalel he iny Kenan.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.

He Ekeny Gál Alb Fimiká 10:2

Mu ubaa umle he gál ˈdúwa Waag kikiatká. Mu gál Yuuˈdi-, he maamanká he shigie, bar lulle Waago he vivite.

He Ekeny Gál Alb Fimiká 12:5

Aalé gaal Bétiro ˈbíl hiiginká gaa kaay, tá gál giri Yíésu iiy yieká íín tágo he mú Waag ki vivite.

He Ekeny Gál Alb Fimiká 6:4

Nyíín dhúrkínyo aalé bar lulle Waag visan ubaa ˈdeeny Waaˈgiet ˈdiiyiminyle nyí mé verenne, gaalí yie.

Róóma 12:12

Waag hé hí af iđiche-, hí met egetoká, hát geer gaa meentiká ki esée, manyjany hát lulle il hí aargiˈdoká mé ki chiichirtíe, Waag viivitíe.

Róóma 8:15

Itín hím naasan hí argiyyééllá hé hím naasan hí gede sierm ˈgayyoká hođichoká muuniny. Itín Hím Naasan Waaˈgiet hí um Waaˈgiet hođichoká hí argiyye. Hím Naasan Waaˈgietallá ˈdaalleka in muun ke Waag, Ába, Baabá, yegedhe.

Galátia 4:6

ˈDaa giri itín hí um Waaˈgiet chieká in Waag Hím Naasan Inyle hí ali ˈdu gáá kaayye. Hím Naasan gáál ger gaa iđo kinaallá, Ába, Baabá, Waag chegedhe.

Eféso 1:16

ˈdaakíchoka, yáá aadh lulle Waag gielmít hol ˈdú nannuo, úba hí Waag visanchú táb gaa ˈdoˈdoot.

Eféso 2:22

Waag it gál Yuuˈdi muuniny-, hí Kirísto iiy chíéllá ubaa gálle hollo hí hol fafiyya, giri itín hí ˈbíl mu hí Hím Naasanle ki ijoká chegetoká.

Eféso 3:18

ubaa gál Kiristo lulle hí fargogínt aargiˈda-, hí gielmit Kiristo af mé mánnallá kiimisatoká.

Eféso 3:8

Har káána gál Waaˈgiet biiy elloká lulle máállé hí el ˈdaˈdká yú kátaka, Waag hé ye ˈdú ˈjiiyye, giri gál gál Yuuˈdi muuninyká yú ˈdú ˈgúúnnúmíny ˈdú ˈguunnuminy lulle af mé ˈdú gíriká gál Kirísto hol liiletká hí aargiroká yú ki ˈdiyeenká.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Filíbi 1:4

Waag visan chia lulle yú hí lulkícho kí vivisatká aadh lúl geer gaa meenno gaa iđa.

Filíbi 4:6

Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Kolosááya 1:3

Nyiin aadh lulle ke hí Waag kí vivisatká, nyáá nyí Máá kúnnaa Guđo-, Yiesu Kirísto ˈJaallé Waag gielmít hol ˈdú nanniyya.

Kolosááya 1:4

Hééllá he ˈdaa giri iiy yeen kíchia hí Yiesu Kirísto iiy chieká ubaa gielmit kíchia hí gál Kiristo lulle ka ˈgayyaká nyí maalleká.

Kolosááya 4:2

Waag viivitíe, hí Waag vivisataká kaskícho hí in banno, Waag gielmít hol ˈdú naannáa.

Dhesaloníke Erká 5:17

Waag viivitíe.

Tímote Erká 2:1

Aaléka, hé erkobká, gillo yú ko ki efe, giri gálaat lulle ˈdaalleka, kuun Waag gil ki egefiyyo-, gáál Waag ki vivisato-, hé gáál ki ˈgierˈgereká Waag rogonon-, tá Waag gielmít hol ˈdú nanniyyoká.

Tímote ki Naamaká 1:3

Yú Waag eshim eshimchú hí hujich ki nanníéllá in hát yú óg-, midhabká yú hujich ki nannaa. Yú chúúre ubaa kulich Waag vivisatká yáá ko Waag visanchú táb gaa ˈdoˈdoot, Waag gielmít hol ˈdú nannuo.

Fílemon 1:5

Hééllá he ˈdaa giri iiy yeen kua kuuní Máá kúnnaa Guđo-, Yíésu ká ˈgayyoká ubaa gielmit kuuní gál Kiristo lulle gielká yú mamaloká.

Héberew 5:7

Bár giri Yíésu les ˈdug ˈdú ijeká mu hé Máá fargogint gálaat kúfach gáá bibisichoká ˈguoká gil ki egefe, hé mú af gaa guđoká ki vivite, imiro ˈjiibie. Tá ˈdaa giri mu Waag kian ka ˈguoká mú hé Waag hí af maalle.

Bétiro Erká 4:7

He lulle el mé ˈginle hé ká ˈjobondhe. Aaléka, tagano ˈdée, kas hí Waag ki vivisatoká ˈgáa.

Yúúa 1:20

Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.