Eféso 6:17 - Fayam Midhab Yiesu Kiristoká He Hol Af Iđiny Kaanaká

¹⁷ Rúbách Waag hí ˈdaa Kiristo kí shiichééllá úba chiˈdíe. Rúbách kíchia kinaallá hát shóte-, síbil-, máá yuoyo-, ririanká in úba hí ririma. Aaléka, ˈdeeny Waaˈgiet tág chiˈdíe. ˈDeeny kinaallá he faaˈd órof-, Hím Naasan Waaˈgiet hí shigichoká.

Eféso 6:17 ပူးပေါင်းရင်းမြစ်များ

Matááyo 4:4

Yíésu mú ˈdéé hol ˈdú nie, kieye, Warˈgat Waaˈgiet hé hoteká kieye, Máádhat hé ˈguom tákámle ma ki iđiny, ameeny ˈdéé hót Waag af geer yé gáá ˈdeˈdeenká he ki ija, he chie, Yíésu hí mú yie.

Matááyo 4:7

Yíésu Sátan ˈdéé hol ˈdú nie, kieye, Warˈgat Waaˈgiet hé hoteká úba kieye, Máá kua Guđo-, Waagkúká ha ki ekemésenno, he chie, yie.

Eféso 5:26

Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Héberew 4:12

Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.

Héberew 6:5

ˈdeeny Waaˈgiet midhantle ubaa bár ka chiimetatíá guchle fargogintle óg-,

Kí Edhesiny 1:16

Mú gíllé ˈdaa naanietká hidhino tiiya muí ká ˈgaa. Mú ageerle faaˈd órof-, af ˈdinnam hullaalle gáá alléká hí gáá fuoriche. Mú innumle hát aadh kír chieká.

Kí Edhesiny 12:11

Nyaaram kúnnaallá hé mú ka adhdhe. Mú gaalí ka adhdhééllá he ˈdaa giri Eliny gáál ˈdaalleka fásle okodieká. Héétí gaal hé kúfach ma đíin, hé Élíny ˈduuwle huogodhe.

Kí Edhesiny 19:15

Mú ageerle faaˈd órof-, alléká hí gáá fuoriche, giri kidh mú hol yegeská muí ki beđisatká. Mu gasar síbilká kidh af hai ki tataa. Hát káána gálaat saano vinna ˈdú ˈdiđian-, ˈdúú gaa ˈduˈdúóllá, mu Waag fargogínt lulle ˈgayyoká idhollé guđoká hai kí yiimedhe, gál mú hol ka kídhká ha muí ˈdú ˈdiđima.

Kí Edhesiny 2:16

Aaléka, he onisiny kinaallá hayyíe, Waag bala ˈdú náa. Har hát kinaal muuninyka, yú ál ˈjob haí gáá higila, faaˈd chia órof-, ye af gaa taalká ha kí ruuma, gál he onisinyééllá ki ˈgieká he yú ki ekemeye.