Eféso 6:13 - Fayam Midhab Yiesu Kiristoká He Hol Af Iđiny Kaanaká

¹³ Aaléka, he lullé Waag hí shiiche-, hí hol kí ririataká shuunníe, fadhdhíe, giri bár hé hí ki ˈdeđewká alb kí ˈdeeˈdemeka, hí taalle lađaanna-, hí el ma ki sorominyká.

Eféso 6:13 ပူးပေါင်းရင်းမြစ်များ

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Lúka 8:13

Ár giri ál waaroká ki okoˈdeká hélle he hát gál ˈdeeny Waaˈgiet maalo-, ˈdéé hát geer gaa meentiká iiy yeget-, kor hidh les ma ki arînyká. Gál kinaallá he gál ˈdéé iiy yie-, kor á níínni yíéđieka, Sátan hí ki ekeseteka, ˈdéé gíl sug ki haađuoká.

Róóma 13:12

Chúúre hé ká beeyye, biiy fuan hé ká ˈjobonte. Aaléka, hé ˈdeđew-, gaalí bííy gaa ongʼoˈdeká gaa ekemesetká kí hayo, kí édhum hélle hisat.

Korínto ki Naamaká 10:4

ˈGulo ooso-, nyí ˈgayyáállá hé ˈgulo ooso-, lesalloká muuniny. ˈGulo ooso-, nyí ˈgayyáállá he fargogint Waag yé gáá ˈdiiyye-, nyí Sátan điđamle ubaa kas lesallóóllá kí aađaatká.

Eféso 5:16

ˈDaa giri yietéél gálaat hé ˈdeđewká gaa seseenká, biiy hátlé ka bibiˈdoká aadh ˈgas lulle hé midhabká gaa eekemeyyíe.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Yákob 4:7

Aaléká, hol Waag gíl geer gaa káa, kídhích kúnnaa Sátan ká adhdhíe, mu met kar haí gaa ˈdarama.

Bétiro Erká 4:1

Aaléka, hát Kirísto gon hí boloyyééllá, kas tikiˈde muí ˈgúóllá far ki googóo, máá gon hí boloonká hé ˈdeđewká haađuoká.

Kí Edhesiny 3:10

Aalé ˈdaa giri ˈdeeny chia kieye, mé ki chirtíe, chieká hí chirateká, aaléka af giri manyjany les gáá ˈdeen-, gál les ˈdú ijoká lulle he il hí aargiˈdoká, hé kinaal ha yú hí ká riidha.

Kí Edhesiny 6:17

Kúlích gáál idholle ka chiimetoká hé ali kí ˈdiiyye! Mááya idhóóllá met ki ˈdeˈdeenká ura? gaalí yie.