Eféso 6:12 - Fayam Midhab Yiesu Kiristoká He Hol Af Iđiny Kaanaká

¹² Ooskúnno hé oos ke gálaat hol yegeská muuniny, he oos ke kansimano aryaan-, bííy urietká ubaa bííy lesallo-, gaa ongʼoˈde-, gálle édhúm Waaˈgiet ma árginyká mé ki ˈgiiyyo-, hátlé met hí hol ká eiyyeká ke hol kí ririatká.

Eféso 6:12 ပူးပေါင်းရင်းမြစ်များ

Matááyo 16:17

Aaléka, Yíésu Bétiro geey, kieye, Símon, iny Yonnas, kó Waag ko ˈdú ˈjiiyye. Hé hotééllá hé máádhát hí ko ma kí edhesîny, ˈJaa chia úr ijoká hí ko kí edhesie.

Márko 4:19

kor gáál tawuny lesalloká haí ká hille, gáál kamur lesalloká haí laate, gaal hé burnayká he fede. Hát ˈguor híí ˈguo-, hirís bolosíélláka, hééllá lulle gálaat ger hileka, in gaal ˈdéé nee ma kokony, hát Waag hí feˈdoká el ma gaa igiriny.

Lúka 13:24

Laađamíe, káráf gaa chálká nadhíe! Yú hí geeye, gál burnayká kár kinaallá ki higiloká hé fedo, kor hé ma higiliny.

Lúka 22:53

Muun aadh lulle ˈBíl Waaˈgieto ke hol af ije, kor itín it ye đig ma chéen. Hééllá aadh ˈgas kíchia Waag hí itín ubaa Sátan ˈdú shiiche-, hí he gaa ekemeseteká ali kí ˈdiiyye, muí gáál yie.

Yuána 12:31

Waag aleđuđugul lésallá ˈdéé ki iđimichoká kálle hé ká maˈde. Kánsích lesallo-, Sátan léká Waag les haí gaa aruanna.

Yuána 14:30

Yáá ál ˈjíig hí ki geeyoká mán, ˈdaa giri kánsích lesallo-, Sátan léká ká yiimetká. Máá kinaallá hé níínni ye gil kí mumuroká mán,

Yuána 16:11

Tá ˈdéé ki iđiny muí gálaat eiy ki nannúóllá, he ˈdaa giri Waag kis kánsích lesallo-, Sátan léká ˈdéé ki iđicheká.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 8:38

Tá yáá gon óg, kúfach ubaa luolmít yíekaʼ, gál ˈgasso-, urruká ubaa kansimano aryaanká yíekaʼ, hé baralloká, muuninyka, hé bar ˈdaatiká yíekaʼ, farguoginsam met lulle

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto ki Naamaká 11:14

Hééllá hé yaalmit gáál af ˈdaˈdabsichoká muuniny, ˈdaa giri Sátan íín úba hol máá ˈgasso-, Waaˈgietká ka hođichoká.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Galátia 1:16

in Waag ye Inyle kí edhesiche, giri yú mú fayamle gál gál Yuuˈdi muuninyká ki ˈdiyeenká. Waag ye Inyle kí edhesicheká, yáá máá níínní ˈdú sedhe-, heete-, ye he af gáá koyká mán.

Eféso 1:21

Kansim Kirísto hí ˈguo kinaallá he kansim kansimano, hemuumurít, fargoginsam, tá gugúch, lúl af mé iđoká. Mú kansimle kansimano baralloká ubaa kansimano bar ˈdaatiká hátlé met hí hol ká eiyyeká, lúl af mé he iđa.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Eféso 3:10

Waag kasleka, ˈdaalimle hátlé met hí hol ká eiyyeká kansimano lullé urietká hí kiimisatká he feˈde. Aalé káána, gál uriet-, kansimano ˈgúóllá, ˈdaa gál Kiristoka, Waag ˈdaalimlé kinaal hai kiimita.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Kolosááya 2:15

Kirísto hé kansimano lullé aryaanká hemuumurít gaa eey, gáál gálaat metle kern gaa ˈgidhie. Mu ˈdaa giri ˈgór đarám yaalká ˈdú kufekáka, mu hé kansimanóóllá a mé kí ˈjie.

Tímote ki Naamaká 2:5

Hát tikiˈdééllá máá đuuloká har đúla yaalmisanolle el ma gaa veerinyka, hé hé shiicho-, đuuloká ma aargiriny.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Héberew 12:4

Har káána gál ađaabano ubaa nyuogim hílléká hí maanyjasuoka, laatééllá it fás hí gaa okodicheká mán.

Bétiro Erká 3:22

Aalé Kirísto tikiˈde kinaallá in úr mé nie, káána Waag gíl ˈdaa naaniet ija, gál urru-, ˈgasso-, Waaˈgietká ubaa kansimano lullé met hí hol ká eiyyeká hí hemuumuritle gim gaa ija.