Eféso 6:11 - Fayam Midhab Yiesu Kiristoká He Hol Af Iđiny Kaanaká

¹¹ He lullé Waag hí shiiche-, hí máá gáál ka kidhich-, Sátanléká hol kí ririataká shuunníe, fadhdhíe.

Eféso 6:11 ပူးပေါင်းရင်းမြစ်များ

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Róóma 13:12

Chúúre hé ká beeyye, biiy fuan hé ká ˈjobonte. Aaléka, hé ˈdeđew-, gaalí bííy gaa ongʼoˈdeká gaa ekemesetká kí hayo, kí édhum hélle hisat.

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Korínto Erká 10:13

He lullé hí ki ekemesetká, hé karanokícho tákámle ma ká nannaan, hé kinaallá hé úba gál burnayká il hí aargiˈdo. Tá Waag ˈdúwa-, gálle ki taalallá, hé hí ki egesen hí far ˈdú gogiyyoká hí ma ˈdú haađiny, ˈgíérích hí itín ki egesen kinaal mé ki chichirsatká haí shigicha.

Korínto ki Naamaká 10:4

ˈGulo ooso-, nyí ˈgayyáállá hé ˈgulo ooso-, lesalloká muuniny. ˈGulo ooso-, nyí ˈgayyáállá he fargogint Waag yé gáá ˈdiiyye-, nyí Sátan điđamle ubaa kas lesallóóllá kí aađaatká.

Korínto ki Naamaká 11:3

Hé yú kikiatká, he hát káána héle char hí Háwa điđám ki ˈdie-, mú nyimiteká in itín úba kas kíchia ˈdaa Kiristoka ˈdúwa-, taglééllá gál hođomlééllá hí baađisuoká yú ma fediny.

Korínto ki Naamaká 2:11

giri Sátan điđamlé muun gáál ká ˈgayyo-, ke ógallá ke kar ma shiginyká.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Korínto ki Naamaká 6:7

Fargogint Waaˈgiet nyí gaa iđóóllá ˈdaalleka in nyí Fayam ˈdúwáállá gálaat ki ˈdiyeenne, nyí ˈgulo ubaa radho ˈdúwa-, Waaˈgietká gil ká ˈgayya.

Eféso 4:14

Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Eféso 4:24

Waag hí gál kaanaká hoychééllá, hí húgúmle kaataká he feˈde. Aalé mú húgúmlé ˈdúwa-, saas mánnallá gaa yíéđía.

Eféso 6:13

Aaléka, he lullé Waag hí shiiche-, hí hol kí ririataká shuunníe, fadhdhíe, giri bár hé hí ki ˈdeđewká alb kí ˈdeeˈdemeka, hí taalle lađaanna-, hí el ma ki sorominyká.

Kolosááya 3:10

hí húgúm kaanaká kaateká. Húgúm kíchia kaana Waag hí ka kuonnééllá, Waag kas midhab kasle hol ki égká hí ká shigicha.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Héberew 7:25

ˈDaa kinaallá in mu fargogínt ˈgaa, giri gál mú ˈdaalleka Waag ˈdú gáá yiimetká muí ririanká. Mu íín taalle bííyyo hé ali ijo, giri gál hí gáá nannaatká ˈdaalle ˈdugaka gáál Waag ki ruogononká.

Yákob 4:7

Aaléká, hol Waag gíl geer gaa káa, kídhích kúnnaa Sátan ká adhdhíe, mu met kar haí gaa ˈdarama.

Bétiro Erká 5:8

Hol táa, tág ˈdée, kídhích kíchia Sátanléká hát luochka, hol gaa seseme, yayarma, hagata, máá kokuoká hol gaa ˈgeˈgedhe.

Yúúa 1:24

Waagkúnno he Waag fargogínt ˈgayyo-, hí ˈdeˈdeenno-, hí ma riigiriny-, hí metlé gúch ˈgayyo-, geyyiny hí guđoká hát ˈdeensen mantiká hí ˈdú egeetoká.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.

Kí Edhesiny 2:24

Tá it hí Dhayatíra gaa iđa-, hí he onisiny hodho-, gaalí Sátan héllé geer geđiká yegetallá el ma gaa véérinyatíá ha yú hí geey, yáá hí ilsh éíy taakaká ma ˈdú iđiminy.