Eféso 5:6 - Fayam Midhab Yiesu Kiristoká He Hol Af Iđiny Kaanaká

⁶ ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Eféso 5:6 ပူးပေါင်းရင်းမြစ်များ

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Matááyo 24:4

Yíésu gáál ˈdéé hol ˈdú nie, kieye, Hol ˈdeeˈdemíe, ha máádhat hí nyimísan.

Márko 13:22

Gál hođomlé-, hol Kirísto ka hođuoká ubaa gál Waag hí ˈdeem ka shigichoká hol ka hođuoká biiy hai gáá ˈdeeme. Gaal hé farguogo-, kálta gálaat hí il ma ki árginy-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

Márko 13:5

Aalé Yíésu gáál geey, kieye, Hol ˈdeeˈdemíe, máádhat haí nyimísan.

Róóma 1:18

Waag hé gálaat geeyche, giri idholle úr gáá haađicho-, gál Waag kian ka mán-, héllé gaa nyakarich-, gaa seseen-, hé ˈdúwaká mé ki yuyuoká lulle ˈdú iđimichoká.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 2:4

Hééllá yú hí geđúóllá he giri máádhat hí af ma ˈdú nannasan-, ˈdeeny hí ki lalaatká hí ma ki nyiimisanká.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Kolosááya 3:6

Yaalmisanóóllá ˈdaalle ˈdugaka, Waag idholle hé geđ igiˈdo.

Dhesaloníke ki Naamaká 2:3

Ha máádhat hí ˈgierim mákártaká ki nyiimísan. Kúlích kinaallá hé ali ma kí ˈdeeminy, ˈdaab Waag af điiny er ali ma kí ˈdíiny-, máá hemuumurit Waaˈgiet điidhe-, Waag hí maanyjasichoká biiy yé ma gáá ˈdíinyká.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Héberew 3:19

Aaléka, ˈdaa giri gaal Waag iiy ma yéenká in gaal Waag állé him ki nimiká ma híliny.

Bétiro Erká 2:8

Héétí warˈgát hé úba kieye, Mu hé wár gálaat ˈgas met ki ˈdaraan-, gáál riigirsuoká ubaa nyátáábá gáál les ki ˈdaraanká yie, chie. Gaal riigiróóllá he ˈdaa giri gaal fayám el ma gaa igirinyká, in Waag hí gáál ˈdú hayche.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.