Eféso 5:5 - Fayam Midhab Yiesu Kiristoká He Hol Af Iđiny Kaanaká

⁵ Hééllá hát ˈduuwawká onnóo: Máá herginy gorramká ubaa babát gaa seseenká, tá máá gajált ˈguoká, hé Kirísto ubaa Waag guchle aˈjibáát ma gaa aargiriny. Máá hé ˈdeđewallá gaa seseenká he waaglé hote.

Eféso 5:5 ပူးပေါင်းရင်းမြစ်များ

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 8:21

Kúún kó ˈdeenyééllá hé níínní gaa léká mán, ˈdaa giri káskú he Waag gaa fágká.

Galátia 5:19

Balt goniet gaa nyakaridheká he ekenyle hé ki óg, hát káána herginy gálle hol ma shúúnanká, babát ˈgany, ubaa kern mánti,

Galátia 5:21

gajálti, bersh famíti, ubaa herginy kern mantiká, tá hé éíy taaka ˈdeđew-, hatalloká ekeny. Hát giri yú hí il gíl gaa helieká, yú hí geđi geeye, gál yaalmisanóóllá gaa seseenká hé Guch Waaˈgiet ma higiliny.

Eféso 5:3

Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Kolosááya 1:13

Mu hé kánsích ˈdeew-, bííyle gaa ongʼoˈdeká muun gáál gim yé gáá ˈdeey, gáál guch Inylé gielká gaa iđite.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Tímote Erká 6:10

Kamúr gielmít he met lullé ˈdeđewká máádhat yé ˈdú ˈdeđicha. Kamúr baltlééllá ˈdugaka in gáál ˈbáál iiy yeenlé Kirísto iiy yieká ˈboiy gaa ˈdie, hol geer ˈdeent burnayyeká ˈdú iđie.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.