Eféso 5:3 - Fayam Midhab Yiesu Kiristoká He Hol Af Iđiny Kaanaká

³ Herginy gorramká ubaa babát, tá gajált haí ˈgíiny, hemitle hé níínni úba haí yé gáá ˈdíiny, ˈdaa giri hé hatallóóllá gál Waag hí waarateká yaalmitle muuninyká.

Eféso 5:3 ပူးပေါင်းရင်းမြစ်များ

Matááyo 15:19

Hé máádhat a geer yé gáá ˈdeˈdeenká he tawuny ˈdeewká, máádhat oosó, hol ˈdú herginy, hol buraa, héétí buraa ubaa hódho, tá máádhat méé ˈdeeneny.

Lúka 12:15

Aalé Yíésu gáál geey, kieye, Hol ˈdeeˈdemíe, hol gajált ka ridhdhíe. Máádhat sídhle hé aanylé burnay muí ˈguoká ma gaa iđiny, Yíésu hí gáál yie.

Lúka 16:14

Aalé gál Farisaay giri birm gielká ˈdeenyéél lulle maaleká Yíésu eeshey.

He Ekeny Gál Alb Fimiká 15:20

Ínalleka kí gáál warˈgát ˈdú veero, gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská hí gaa faganat, gaal úba hai fasam igíminy, héétí ubaa gaal hí herginy gálle hol ma shúúnanká hol ká riat.

He Ekeny Gál Alb Fimiká 20:33

Yú yáá máá níínní bírelle ubaa đafaraamle ílle ˈgieká mán.

Róóma 1:29

Gáál saas ˈgany, ađááb, he hol ki fedíti, hé gaa nyakarichká, gajálti, nyuogich, hol oosó, ubaa hódho, tá điđám hí koch. Gaal gálaato heengʼeedhe,

Róóma 16:2

Aaléka, ˈdaa giri minnééllá úba he Máá kúnnaa Guđoká máálléká, hát ˈduwantiká mé guđáan yiedhíe, hé hí ki ˈgierˈgereká ˈdú chiichiˈdíe. Minnééllá yú ubaa gál burnayká hé tág nyí yiir gaa chirate.

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Korínto Erká 10:8

Héétí, ha ke herginy ađááb ˈgayyoká gaal íín ˈbaal hí ekey-, gálle shíí tomon naama a seđ Waag hí kulich tikiˈd gaa chieská úba ekêny.

Korínto Erká 5:1

Aaléka, fayam yú maamaleká kieye, hurtkícho hé gál herginy súm ˈdeew-, gál Waag muogká úba hí ma ekemenyká ekemeyoká hé hí gaa ijo. Yú maaleká, mú tikiˈd min ˈjaalle ˈgaa.

Korínto Erká 6:13

ˈGuom he hé geere, tá geer hélle he ˈguom. Hé ˈdúwa, tá geer ubaa ˈguom hullaalle Waag mé haí ˈgiidhicha. Tá gónkúnno íín, hélle hé herginy ađááb ˈgayyoká muuniny. Gónkúnno Máá kúnnaa Guđoká hí le. Máá kúnnaa Guđoká ííni gónkúnno ki yaalla.

Korínto Erká 6:18

Herginy ađááb ˈgayyoká met kar gaa ˈdaaramíe. Ađaabano éíy taaka máádhat hí ekemeyoká hé mú gónle ađááb mé ma ki kokony, tá máá herginy ađááb ˈgayyoká hiloká, máá kinaallá gónlé he ađááb mé ki koy.

Korínto ki Naamaká 12:21

Geer chia ye gaa ˈdeewká he giri geđi yú ká yimieka, kálmaréél ˈdaakíchoka Waag kern ha ye ˈgiidhicha, geer súm đo hai ye gaa ˈdeenedhe, ˈdaa giri it burnayyeká hí ađaabano kíchia kissoká hí ma hâny-, hí Waag makan ma fáminyká. It hé kíchia gaa nyakarichká, ubaa herginy hol buraaká, tá hé kern mantiká hátle ma hâny.

Eféso 5:12

Gál Waag af đuˈduseká, héllé shuoliti-, ekemesetká, ki hol geđuoka, kern hai gáál ˈgiˈgidha.

Eféso 5:5

Hééllá hát ˈduuwawká onnóo: Máá herginy gorramká ubaa babát gaa seseenká, tá máá gajált ˈguoká, hé Kirísto ubaa Waag guchle aˈjibáát ma gaa aargiriny. Máá hé ˈdeđewallá gaa seseenká he waaglé hote.

Filíbi 1:27

Hé ˈdúwaká hééllá: Húgúm fayam Kiristo méé miidhanayyoká ˈgáa. Har hí hát kinaal ˈdiiyyeka, yú hí af kí ˈdeʼ yíekaʼ, fayamkícho yú maal yíekaʼ, yú hát hí kas tikiˈdeká ˈgayya-, hí tág ˈgiiyya-, hí Fayam Midhaballá he onisinyle hol ˈgar lađaanna-,

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Dhesaloníke Erká 4:3

Hé Waag hí feˈdoká he giri itín gál ˈdúwa-, Waaˈgietká hí chegeto-, hí herginy gálle hol ma shúúnanká hol ká ririato-,

Dhesaloníke Erká 4:7

Waag íín hé gáál yaalmit gaa nyakaridheká ma kí víiny, iđiny ˈdúwa-, he feˈdoká he gáál kí viiyye.

Tímote Erká 2:10

Gaal hí húgúm he ekeny midhabká ˈgayyoká hol ki ootolo, hát onnônyka gál ˈdíét-, gálle hol gál Waaˈgiet yegetká hí ijoká.

Tímote Erká 3:3

Mu hai máá bersh súm igianká onnôny, hai máá aˈgereká onnôny, hí máá abunaʼ-, af ka shalal mán-, birm ma geelnenyká onnow.

Tímote Erká 6:10

Kamúr gielmít he met lullé ˈdeđewká máádhat yé ˈdú ˈdeđicha. Kamúr baltlééllá ˈdugaka in gáál ˈbáál iiy yeenlé Kirísto iiy yieká ˈboiy gaa ˈdie, hol geer ˈdeent burnayyeká ˈdú iđie.

Tímote ki Naamaká 3:2

Af kinaal gálaat íín tákámle he hollo hol ki fede, kamúr hai geelnedhe, hollo hol memeye, gál ˈdúwaká hollo hol ká dhaˈgama, chaarimo he af ká ˈgaa, hé gál hí ˈdaloká met ma gaa kekeminy, hé gielmit gálaat hol ˈdú nannuoká mán, Waago he egesheye,

Títo 1:11

Gál hatallóóllá mé il ki súoy, gaal hai kar árginy. Gálallá he gál he onisiny tagle muuninyká é ger gálaat ki baađisuo-, birm hol gaa ˈgeˈgedhoká.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Títo 2:3

Hát tikiˈdééllá karu ˈdietká úba af táátaʼ, giri gaal húgúmlé ki ijoká húgúm gál Waag kikiatká yeget-, gálaat ma heengʼeen-, hol bersham ma ˈdú haađiny-, ˈgíérích midhabká gállé ˈdietká oonisuoká.

Héberew 12:16

Máádhat hai hol buraa gaa seséminy. Héétí hai máá hát Ésawka Waag el ma gaa igirinyká onnôny. Ésáwallá he máá guchlé inyi erká haam kóony hí tikiˈdeká hidhdheká.

Bétiro Erká 5:2

wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.

Bétiro ki Naamaká 2:10

He il ka argisinyééllá súm ˈdaa gál balt gónlé-, kern mantiká el gaa igiro-, gál hí met ki ˈgieká egesheyoká he ki taalla. Gál hođomlééllá hé Waag ubaa gálaat kianka mán, gaal gálaato egesheye. Gaal hé úba aryaan farguogoká eeshenylé he egesheyoká hí ma biirgisiny.

Bétiro ki Naamaká 2:14

Gaal aadh lulle ˈgál ˈdíét af ˈgoˈgorot-, hergisanká hol gaa ˈgeˈgedhe, gaal hé hé ˈdeđewká ekenyle ma haađiny. Gaal gál Kiristo ma hirânyká he baađisia, nyuogim ubaa ađaabano met ki kokoo. Gáál gerle he hol ki fedít gaalí onodheká hí koch. Gálallá idho Waaˈgieto he gim gaa ija.

Bétiro ki Naamaká 2:3

Gaal ˈdaa he hol ki feditleka in ˈdeem hol af tagano ki kokoo, hí nyiimita, hí he ki nannata. Tá Máá gáál ˈdéé ki iđimuo-, gáál af ki beđisatká íín kisso gáál met tág ˈdie, hé in bano.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.

Kí Edhesiny 2:21

Yáá min kár héllé gaa nyakarich kinaal haađicho-, ye makan ka ˈjeˈjeennoká shie, kor min hé hé kinaal điite.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.

Kí Edhesiny 9:21

Gaal hé úba gálaat oosle ubaa gilka he nímle, tá herginy gálle hol ma shúúnanká, héétí buraa má hâny, Waag bala ma ˈdú níiny.