Eféso 5:26 - Fayam Midhab Yiesu Kiristoká He Hol Af Iđiny Kaanaká

²⁶ Kirísto sídhle gáál ˈdú sillíéllá he giri mu gálle ˈjiˈjio-, gáál ˈdeeny Waaˈgiet ki dhiiro-, gáál saas gaa egewká.

Eféso 5:26 ပူးပေါင်းရင်းမြစ်များ

Yuána 13:10

Yíésu mú ˈdéé hol ˈdú nie, kieye, Máádhat ˈjidhdheka, waaséél ˈgas tákáma hol ˈdú naadha, ˈjiˈjia, ˈdaa giri gónnatí lulle saaloká. Kuun kó saalnate, kor it lulkícho ma saalnany, Yíésu hí Bétiro yie.

Yuána 15:3

Itín ˈdeeny chia yú hí geeyká ˈdaalleka, it káána kolm ye ki ˈgie-, ˈJaachú hí in hol ki nannuoká chie.

Yuána 15:8

Itin saano burnayká hí gáá higisso-, hí lalichú ká iđaka, hé kinaallá in ˈJaachú ˈdúúw shigia.

Yuána 17:7

Aalé káána, gaal he lullé ye ka shiicheká hát ko yé gáá ˈdieká hé kimite.

Yuána 3:5

Yíésu mú ˈdéé hol ˈdú nie, kieye, Yú ko hé ˈdúwaká geeye, máádhat ˈdaab bie ubaa Hím Naasan Waaˈgiet ma kí ˈdaláanká hé hát níínní Guch Waaˈgiet higiloká mán.

He Ekeny Gál Alb Fimiká 22:16

Aalé káána meete egete? Les gaa keʼ, mú ki búoy, gaalí ko bie gim nuo, ađááb hí ko yé gaa ˈdiiyyo, muí ye yie, Báulo hí gáál yie.

He Ekeny Gál Alb Fimiká 26:18

giri gáál in eiy ˈdeđicho-, bííy gaa ongʼoˈdeká gaalí hol gáá nannaat-, gaal bííy gaa édhká bala ˈdú gáá nannuoká. Héétí ubaa gaal fargogint Satan gim yé gáá ˈdeˈdeen-, Waag bala ˈdu gáá nannuo-, giri Waag hí ađaabano ubaa nyuogimle gaa egeyyo-, tá alb gál ye iiy yie-, yú saas gaa eeyallá hí gaa ijóóllá gaa yíéđianká, muí ye yie, Báulo hí mú yie.

Róóma 10:8

Warˈgat Waaˈgiet kieye, Fayám hé tág ˈjób. Fayamééllá hé agerkícho ubaa gerkícho gaa iđo, he chie. Fayamééllá he iiy yeen ki Kirísto iiy yie-, káána ke gálaat ki ˈdiyeenallá.

Korínto Erká 6:11

Itín ˈbaal it hé kinaallá gaa iđe. Tá káána it Máá kúnnaa Guđo Yiesu Kirísto ubaa Hím Naasan Waaˈgiet hí ađaabano kinaal gaa dhiire, hí gál saas mán-, Waag innumleka ˈdúwaká hoy.

Korínto ki Naamaká 11:2

Yú hinaaf Waag hí ˈdaakícho ka ˈgayyoká úba ˈgaa. Itín hát ini ˈdúwa-, yú máádhat đarm kí sidheká. Máá yú hí đarm kí sidhe kinaallá he Kirísto.

Eféso 6:17

Rúbách Waag hí ˈdaa Kiristo kí shiichééllá úba chiˈdíe. Rúbách kíchia kinaallá hát shóte-, síbil-, máá yuoyo-, ririanká in úba hí ririma. Aaléka, ˈdeeny Waaˈgiet tág chiˈdíe. ˈDeeny kinaallá he faaˈd órof-, Hím Naasan Waaˈgiet hí shigichoká.

Kolosááya 3:16

ˈDeeny Kiristo hát ˈdabaanká ger gaa iđitíe. ˈDaalim Waag hí shigichoká lulle hol ki oonisía, hol af ki taatáa. Arram Warˈgat Waaˈgiet gaa ijoká ubaa arram gálaat hí Waag ki ˈdoyká, héétí arram itín hí Waag ki memeycho-, gerkícho yé gáá ˈdeˈdeenká ˈdaaramíe, hol ki guogofsía, Waag gielmít hol ˈdú naannáa.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 10:10

Aaléka, hát Waag hí feˈdeká in Kirísto hol sillie, mu gónle suor hoy, suor kinaal hát a tikiˈdeká muun gáál saas ˈdabsiche, gáál Waag gálle hoyche.

Héberew 10:14

Aalé Kirísto suorlé tikiˈde kinaallá ˈdaalleka in mu gál Waag hí léká bííyyo saas ˈdabsie, gaal aalé bííyyo saas hai ˈdaaba.

Héberew 10:22

ha ke geerka ˈjakarany ˈgíiny, kí iiy yeen ˈduwantiká ˈguo, kí Waag met siet. Kirísto hé gáál fásle ki ˈdoy, saas ke óg-, ke ˈgíéllá hé gáál gaa dhiire, héétí mu hé gónkúnno bíé midhabká ki ˈjie.

Héberew 10:29

Aaléka háte hí dhaayche? Máá Iny Waaˈgiet eesheyo-, he hol af iđiny fáslé hí dhiireká hé aađa-, ˈdúúw mánká ká dhaˈgasan-, Hím Naasan Waaˈgiet ˈdúˈjím ˈgayyoká méé ˈdeđeneyoká, máá hat kinaallóóllá hé il hí aargiˈdoká kor hát ˈdáb aake?

Héberew 13:12

Hát tikiˈde kinaallá in Yíésu úba é sug he il hí gaa argiyye, kufe, giri fásle ˈdaalleka gálaat ađaabano ubaa nyuogim gaa dhidhiroká.

Héberew 4:12

Aalé ˈdeeny Waaˈgiet he ˈdeeny luolmiti-, fargogínt ˈguo-, faaˈd ˈdinnam hullaalle gáá alléká ˈdú alléká. Hát faaˈd laf hol af eiy gaa okodmicho-, ubaa hát faaˈd lafit muˈdeka ˈdiiny ˈdú ˈjeˈjeennokáka, ˈdeeny Waaˈgiet máádháto geer higila, mú tawunyle ubaa mu héllé geer ka ˈguoká og. Héétí mu héllé he geer ka ˈguo-, fedoká har hé Hím Naasan Waaˈgiet hí fedoká kátaka he eiy nannaa.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Yákob 1:18

Waag hát muun gáál ki feˈdeká in ˈdeeny ˈdúwáállá gáál ˈdalmaat kaanaká gáá shiiche, giri múún he lullé muí les ká koyká ki saanollé erká yegetká.

Bétiro Erká 1:2

ˈJaa kúnnaa Waag kíssóótí hé hí kasle ká ˈgie, in hí waaˈde. Mu hí Hím Naasanle taak ki kodhdhe, giri itín hí Yiesu Kirísto met gaa kekeenno-, hí fás Kiristo gim nannaatoká. Waag hí taalle ˈdú ˈjeeˈjeen, hí naanna guđoká shiigicho.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Bétiro ki Naamaká 1:9

Máádhat he yaalmisanóóllá manítaka, he hát máá in gaa dhát-, hol ˈgas mé ma arginyká. Máá hat kinaallóóllá héllé ˈdeđew-, he kis eekemeyká ađaabanolle hát Waag hí gaa eeyyeká hé úba hí in ká bađay.

Yuána Erká 5:6

Yiesu Kirístóóllá he Máá bie ubaa fás kí yimieká. Mu hé bie tákámle ma kí yímen, mu bie ubaa fásso he kí yimie. Hééllá hát ˈdúwaká Hím Naasan Waaˈgiet aadh lulle hé ˈdúwaká hogotóóllá hé hí gáál ká geđicho.

Yúúa 1:1

Yú he Yúúˈda, gédéch Yiesu Kiristo, nyár Yakob. Warˈgatééllá it Waag hí ká viiyye-, ˈJaa kúnnaa Waag hí giel-, Waag hí ˈdaa Yiesu Kiristo in ki ˈdiiyyeká yú hí ˈdu gáá verene.