Eféso 5:20 - Fayam Midhab Yiesu Kiristoká He Hol Af Iđiny Kaanaká

²⁰ He lúl ˈdugaka, Máá kúnnaa Guđo Yiesu Kirísto meenyle ˈdaalle ˈJaa kúnnaa Waag ki vivitíe, mú aadh lúl gielmít hol ˈdú naannáa.

Eféso 5:20 ပူးပေါင်းရင်းမြစ်များ

Yuána 15:16

Itín it ye ma ka éeny, yaa hí ká shuune, hí hujichaam met ki kuokoy, giri hí seseenne-, saano hí gáá higisso-, saano kinaal bííyyo ali ijo-, hé hí ˈdaa meenychú ˈJaachú ki hegesetoká muí ká shiguoká.

He Ekeny Gál Alb Fimiká 5:41

Aalé gál alb fimi kinaal ar álle gaa kieká, ger hí gaa meedhe, ˈdaa giri gáál gaalí ˈdaa meeny Yiesu ki manyjasieká.

Róóma 1:8

Hé erkob yú hogodhoká, lulkícho ˈdaa kíchoka yáá Waagchú gielmít hol ˈdú nannuo. Hééllá he ˈdaa giri hát itín hí Yiesu Kirísto iiy chieká ˈdeenyle biiy lulle bash ki yieká.

Korínto Erká 1:4

Yáá aadh lulle ˈdaakíchoka Waagchú gielmít hol ˈdu nannuo, ˈdaa giri Waag hí ˈdúˈjímle ˈdaa Yiesu Kiristo kí shiichééllá.

Korínto Erká 15:24

Hé kinaal el ˈdaal, Kirísto kansimano ubaa gugúch, tá fargoginsam lulle hai ká aađadhdha, mu guchlé he aargiro kinaallá ˈJaallé Waag gíl geer hai gaa kakaa.

Eféso 5:4

Héétí haí ˈdeem đeemoká hógon, ádúm kern mantiká ubaa ˈdéé hót kern manti-, gálle af ka húrt mánká haí ˈgíiny. Yaalmitééllá hé tagle muuniny, Waag gielmít hol ˈdú niiny tákáma ˈdúwa.

Filíbi 1:3

Bar lulle yú hí táb ˈdoˈdootká yáá Waagchú gielmít hol ˈdú nannuo.

Filíbi 4:6

Ha hé mákártaká gerle hí gaa ˈdeenêny, tá he lullé il hí aargiˈdoká héllé hí rogononnoká Waag ˈdú eegedhíe, Waag viivitíe, Waag gielmít hol ˈdú naannáa, hé hí Waag gaa feˈdoká heegetíe.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Dhesaloníke Erká 3:9

ˈDaakíchoka, Waag innumleka ger hé tág nyí gaa meedhe. Geer gaa meenkínyo nyí ˈdaakícho gaa argiyyééllá ˈdugaka, Waag kor gielmit hát ˈdáb aake nyí hol ˈdú nanniyya?

Dhesaloníke Erká 5:18

Yaalmisano lullé hí gaa iđaká ˈdaalleka, Waag gielmít hol ˈdú naannáa, ˈdaa giri hééllá ˈdaa Yiesu Kiristoka Waag hí ki feˈdoká.

Dhesaloníke ki Naamaká 1:3

Nyaaramkínyo, ˈdaakíchoka aadh lulle Waag gielmít nyí hol ˈdú nanniyyoká taglé. Waag nyí gielmít hol ˈdú nanniyyáállá, he ˈdaa giri iiy yeenkícho súm higirayyo-, gielmit hí hol ká ˈgayyaká úba súm guuđanatallá.

Dhesaloníke ki Naamaká 2:13

It nyaaram kínyaa Máá kúnnaa Guđoká hí gielallo, ˈdaakíchoka aadh lulle Waag gielmít nyí hol ˈdú nanniyyoká taglé. Hééllá he ˈdaa giri itín he gál Waag hí waarate-, hí er rubach shiicheká ˈbáálká. Rúbách hí argiyyééllá, he Waag Hím Naasanle hí itín gál Waag gielká hoyche-, héétí hí hé ˈdúwaká iiy chieká in hí rúbáchallá argiyye.

Héberew 13:15

Aaléka, Yíésu ˈdaalle ˈdugaka, meeny ke Waag memeyoká hí hé shiicho ke taalle Waag shiguoká yeet. Muuni ke kieye, Muun Yíésu ke el gaa igira, ke yegetallá, meeny ke Waag memeyo kinaallá hí hé agerkúnno yé gáá ˈdeˈdeenká yeet.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.