Eféso 5:2 - Fayam Midhab Yiesu Kiristoká He Hol Af Iđiny Kaanaká

² Hát Kirísto múún gáál giel-, gáál sídhle ˈdú sillie-, hol suor hoy-, suor kinaal hé shiicho ussaká Waag ki hoyká, itín úba gielmit hatallóóllá ˈgáa.

Eféso 5:2 ပူးပေါင်းရင်းမြစ်များ

Matááyo 20:28

Hééllá he ˈdaa giri yáá Iny Máádhátallá hújích gálaat hí ye ki nannuoká ma ˈdu gáá yímen, gálaat hujich ki nannuoká ˈdu gáá yimie. Yú ka yimíéllá gálaato sídhchú ˈdú silmia, giri gálaat ririanká, Yíésu hí gáál yie.

Yuána 13:34

Yáá hí hemurit kaanaká kí mure, hol geelnedhíe. Hát káána yú hí gielallá, itín úba hol geelnedhíe.

Yuána 6:51

Yú he ˈguom luolmiti-, úr gáá chimieká. Máá ˈguomééllá kuoká taalle bííyyo ali he ija. ˈGuomééllá he gón chia yú suor hođuo-, les gálle hí luolmít ki aargiroká, Yíésu hí gáál yie.

Róóma 15:16

ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.

Róóma 4:25

Waag Yíésu ká silliche-, gálaat gíl geer gaa kaayye-, gálaat mú yiesallá, he giri mu ađaabanokúnno gáál gáá bibisuoká. Héétí Waag geđi mú loonoyche-, mú uushich yé gáá ˈdeeychééllá, he giri mu múún gáál innum Waaˈgiet gaa ˈduuwasuoká.

Róóma 8:3

Hemuumurit Waag hí gál Yuuˈdi ka shiicheká hé fargogint níínní ˈgayye-, múún gáál ađaabano gim yé gáá ˈdeđicheká mán, ˈdaa giri balt gónkúnno hemuumurít a mé kí ˈjiiyyeká. Tá Waag íín dhúrle hé gáál ađaabano gim yé gáá ˈdeeyche! Mu Inyle múúni ke ađaabano ˈgúóllá gáál ali ˈdú gáá kaay. Iny gón gálaato kí yimie. Waag hé Inylééllá suor hoyche, ađaabano gálaat ˈdeentle ˈdú iđiche.

Róóma 8:37

He lullé il hí nyí aargiˈdóóllá nyáá nyí ma gaa giinany, ˈdaa Kirísto muun gáál gielallá ˈdaalleka lúl a mé ha nyí kí faanna.

Korínto Erká 16:14

He met lullé hí ekemeychoká hát gielmitiká eekemeyyíe.

Korínto Erká 5:7

Maat kisso kinaallá hurtkícho yíé gaa ˈdeeyyíe. Hát kinaallá in hí hol dhiiˈda, hí hát ˈdúlo kaana-, maat mánká chegedhe, ˈdaa giri itín hí gál kaanaká. Hát élíny gaalí ˈjila máá ˈgasso-, urru-, Waaˈgietká hí gáál ˈdug gaa nadheká suorle hođúóllá, Kirísto he Élíny kúnnaa muun gáál ˈdú kufe-, gáál ađaabanokúnno gaa eeyká.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Korínto ki Naamaká 2:15

Kirísto ˈdaalleka nyiin hát nyí eru érle Waag mé nannuoká. Érallá gál rubach aargiroká ubaa gál baađawká hullaallé he kí ˈdoˈdodhdho.

Korínto ki Naamaká 8:9

It Máá kúnnaa Guđo Yiesu Kirísto gielmitlé hí ka ˈguoká ˈduuwle óg. Mu har úba kamurnayka, ˈdaakícho ˈdugaka mu hé kamurle gíl sug ki hay, máá he mánká yie, giri itín hí kamur Waaˈgiet aargiˈdoká.

Galátia 1:4

ˈJaa kúnnaa Waag hát he fedeká in Kirísto nyuogim ubaa ađaabanokúnno ˈdaalle hol ˈdú sillie, giri mu gáál yaalmit gaa nyakaridhe-, barallóóllá gaa ririanká.

Galátia 2:20

Aaléka, hát Kirísto ˈgór đarám yaalká ˈdú kufééllá in yíéđiny chia kis yú ki ijeká úba kuyye. Luolmit káána yú ˈgúóllá hé luolmitchú muuniny, he Kirísto luolmitlé ye gaa iđa. Luolmit yú ˈgúóllá iiy yeen chia-, yáálle Iny Waaˈgiet ye giel-, ye hol ˈdu gáá sillie-, yú iiy yieká ˈdaallé ki taalla.

Eféso 1:4

Waag hátlé les ma ka kúóninyká in muun gáál waarate, gáál Kirísto ˈdú fiiyye, giri Waag innumleka, ke saas mán-, Waag gáál ma ˈdeđensenká.

Eféso 3:17

Yáá úba hí Waag kí rogonon, giri Kirísto ˈdaa iiy yeenkíchoka, gerkícho gaa yíéđianká. Héétí gielmit hí Waag ubaa gálaat ka ˈgayyaká hí hidh ki aruanna-,

Eféso 3:19

Yáá úba Waag vivisat, giri gielmit kás lulle af mé iđóóllá gónkícho hí oonoot-, Waag hí Hím Naasanle koch ki hođichoká.

Eféso 4:15

Tá múún onnônyka, hát gielmitiká ki hé ˈdúwaká hogodho, ki hát lulle gaa higiraa, ˈjíig ki hát Kirísto gáál mééllá yeedhe.

Eféso 4:2

He met lulle hol ˈdúúw gaa ría, sáa yiedhíe, hol táa, he ˈdú faafadhdhíe, hát gielmitiká hol ˈdú ˈjeeˈjemíe.

Eféso 5:15

Tá aaléka, nog sedhíe, haí gál đéeská chéen, ˈdaalím ˈgáa.

Eféso 5:25

Gál yaab, hát káána Kirísto gálle giel-, sídhle gáál ˈdú sillíéllá, itín úba hát tikiˈdééllá ˈdeg kícho geelnedhíe.

Filíbi 4:18

Káána hé shiichokícho Ebafuroˈdíto hí ye ˈdu gáá sidheká, yáá hé ye ki ˈgeeˈgerneyká lulle arge, tá ití ye hé éíy burnayká úba af ˈdú fiiyye. Hé shiichokícho he suor usiyyo-, Waag hí iiy cheget-, Waag geer gaa memesichoká.

Kolosááya 3:14

Tá hé súm ˈdúwaká gielmít ˈgáa. Gielmít ííni muun gáál hol mé ˈdú gáá egeyye, gáál tikiˈd hođicha.

Dhesaloníke Erká 4:9

Aaléka, gielmit gál Kiristo hí hol ká ˈguoká ˈdaalleka, hé níínní hí muog-, yú hí ˈdú gáá verenoká mán, ˈdaa giri itín dhúrkícho yaalmit hí hol ki gegelneteká Waag hí onisicheká.

Tímote Erká 2:6

gálaat lulle ˈdaalleka, hol gusse-, gáál ríéllá. Hééllá he ˈdeeny ˈdúwa-, a leđugul Waag hí ki muˈdeká ali kí ˈdieká.

Tímote Erká 4:12

Rúórmích kuallá ˈdaalleka, gálaat hai ko eeshêny, tá ˈdéé hótkú, he ekenykú, ubaa gielmitkú, tá iiy yeenkú, héétí iđinykú lúl hí húgúm saas manti-, gál Kiristo hí ka ennianká onnoyyo.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 8:3

Ameeny gál méte suoryo-, Waag hí hujich mé ki koyyééllá, he giri gaal hé shiicho ubaa suoryam Waag shiguoká. ˈDaa kinaallá ˈdugaka in Máá kúnnaa méte suoryóóllá úba héllé shiichoká Waag shie.

Héberew 9:14

Ebá fás Kiristo hát hééllá lulle súm ˈdú ˈdúwaká dhaayyíe! Máá Kirísto lééllá ˈdaa Hím Naasan bííyyo ali iđokáka in hol sillie, hol suor hoy, suorlé saas mánnallá Waag shie. Mú fásle hé muun gáál dhiire, tawunykúnno hol gáá lay, giri ke henaasan fargogínt mánnallá haađuo-, ke Waag bííyyo ali iđóóllá vivisat-, ke hújíchle nannuoká.

Héberew 9:23

ˈDaa kinaallá ˈdugaka, ˈBíl ˈbaaro Waaˈgiet les ˈdú ije-, ubaa héllé hí gaa ije-, hé uratiká ka yaalallá suoryam fásle hí dhidhireká he hegete. Tá ˈBíl ˈdúwa-, Waaˈgiet uratiká suor suoryam aanyiet far ˈdú gogiyyoká he hegete.

Héberew 9:26

Kirísto hát gál méte suoryóótíá onnônyka, af kinaalka biiy mé gáá koonle tá ˈjíig káána đigallá af burnayká he ki maanyjay, ki kufume. Aalé káána-, biiy el ˈdaalka mu ká yimie, hol a tikiˈd suor ki hoy, giri gálaat ađaabano ubaa nyuogim gaa egewká.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Yuána Erká 3:16

Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.

Yuána Erká 3:23

Aalé Waag hemuritle hééllá, giri ki mú Inylé Yiesu Kirísto iiy yegetká, héétí hát giri muí gáál kí mure-, hol geelnedhíe, muí yieká ki hol geelnetká.

Kí Edhesiny 5:9

Aaléka hé luogol kinaal ubaa káru ár kaanaká ˈdoy, aar kieye, Kuun kó ˈdúúw ˈgayyo, giri warˈgát egeet-, warˈgát kát gaa babiyyoká. Kuun gálaat hé ko yies. Kó fáskú okodiche. Hát kinaallá in gálaat ká yiate. Gál kuuní Waag kí yiatééllá he gál kidh lulle ubaa afano lulle tá émeet lulle, héétí gálaat lulle yé gáá ˈdeˈdeenká.