Eféso 4:5 - Fayam Midhab Yiesu Kiristoká He Hol Af Iđiny Kaanaká

⁵ Muun Máá kúnnaa Guđoká tikiˈde, iiy yeen kúnnaa ke Kirísto ká ˈguoká lulle tikiˈde. Héétí meeny tikiˈde-, Kiristoká ki bie gim ki nadhe.

Eféso 4:5 ပူးပေါင်းရင်းမြစ်များ

Matááyo 28:19

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká.

He Ekeny Gál Alb Fimiká 10:36

ˈDeeny Waag hí gállé Yisirayelká ali ˈdu gáá kaayyeká it óg. ˈDeeny kinaal he Fayam Midhab naanna-, ˈdaa Yiesu Kiristo ka naateká. Yiesu Kirísto kinaallá he gálaat lulle Máállé Guđoká.

He Ekeny Gál Alb Fimiká 2:36

Aalé Bétiro geđi kieye, Aalé it Yisirayelallá, lulkícho hééllá hát ˈdabaanká onnóo, Yíésu giri hí ˈgór đarám yaalká ˈdú chies kinaallá hé Waag hí Máá Guđoká ubaa Messíya hoyche, muí yie.

Róóma 3:30

Waag íín tikiˈde biiy gaa iđoká. Gál Yuuˈdi yíekaʼ, gál gál Yuuˈdi muuninyká yíekaʼ, máálle Kirísto iiy yieka, in Waag hí máálle hođisata.

Korínto Erká 1:13

Kirísto in eiyyo hol mumure? Yáá Báulo lééllá yáá ˈdaakíchoka ˈgór đarám yaalká ma ˈdú kúfinyká muuniny? Ebá meeny chia Báulo lééllo gaalí itín bie gim ki nie?

Korínto Erká 1:2

it gál Kiristo-, ˈjien Korinto gaa iđa-, Waag hí ká viiyye-, Yiesu Kirísto hí saas gaa dhiire-, hí Waag gálle hoyyallá, tá gál biiy lúl gaa ijo-, Máállé tikiˈde úba Máákúnno Guđo Yiesu Kirísto lééllá vivisatallá ke hí ˈdu gáá veere.

Korínto Erká 12:13

Múúni ke gál Yuuˈdi yíekaʼ, ke gál gál Yuuˈdi muuninyká yíekaʼ, héétí ke gál gédeká yíekaʼ, ke gál géde muuninyká yíekaʼ, lul kúnnaallá ke Hím Naasan Waaˈgiet tikiˈdééllá gim nadhe, ke gál gon tikiˈdeká yie, Waag Hím Naasanlé tikiˈdééllá hé muun gáál gaa iđiche.

Korínto Erká 12:5

Gálaat hujichaam met hí hol ká burnayká Máá kúnnaa Guđoká ki nannaa, tá hujichaamééllá Máá kúnnaa Guđo tikiˈdééllá hí gáál shigia.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Korínto ki Naamaká 11:4

Hééllá he ˈdaa giri máádhat hí ˈdu gáá yimieka, hé mákárta-, muí ki ˈdiyeenká hí hállééllá iiy chegetoká. Har káána úba Yíésu mákárta-, Yíésu nyí ˈdiyeenallá gaa taakaká gaalí ki ˈdiiyime yíekaʼ, hím naasan Hím Naasan Waaˈgiet hí argiyyééllá gaa taakaká gaalí ki ˈdiiyime yíekaʼ, héétí fayam Fayam Midhab hí iiy chíéllá gaa taakaká úba gaalí ki ˈdiiyime yíekaʼ, hééllá lulle hállééllá hí nee kokoyyo, it ˈduuwle ˈgas ma egeny.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Eféso 4:13

Yaalmitééllá in lulkúnno iiy yeenkúnno ubaa kas kúnnaa ki Iny Waaˈgiet ki ógká tikiˈd cheedhe, muun ke higiraa, ke hát Kirísto yeedhe.

Filíbi 2:11

Tá erb gálaat lulle Yiesu Kirísto Máá Guđo he met lulle ˈdú guđoká hai yeedhe. Tá hé kinaallá ˈdugaka, ˈJaa kúnnaa Waag íín ˈdúúw hai egedhdhe.

Filíbi 3:8

Iiy-hí, hééllá lulle yú Kirísto ˈdaalle ki dhaayka, hé ˈdúúw mánká yú ká dhaˈgama. Máá chia Guđo Kirísto onnonlé yú onodheká hé he lulle af mé ˈdú gíri. Mú ˈdaalle ˈdugaka hééllá yáá hay, hééllá hát ége yú ká dhaˈgama, giri Kirísto mááchú yeget-,

Títo 1:1

Yú he Báulo, gédéch Waaˈgiet. Yú Waago ye máá ali gaa kaany-, Yiesu Kiristoká hoyche, giri gál Waag hí waarateká ki ˈdiyeen-, gaal Kirísto iiy yeget-, ˈdeeny ˈdúwa Waaˈgietallá lulle gaalí hát ˈdabaanká chiirat-, gaal hát Waag hí feˈdoká yíéđianká.

Títo 1:4

Títo, warˈgatééllá kúúni yú ko ˈdu gáá verene. Kuun veel chia yú ko ká dhaˈgama, ˈdaa giri yú ubaa kúún ke Yiesu Kirísto iiy yieká. ˈJaa kúnnaa Waag ubaa Máá kúnnaa Rubachiet Yiesu Kirísto hí ko ˈdú ˈjeeˈjeen, hí ko naanná shiiguo.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.

Héberew 6:6

tá Waag af gaa tameká, hé hát níínní gaalí hol ká nuo-, Waag makan faanká mán. Gaal íín dhúrle geđi Kirísto he ˈgór đarám yaalká ˈdú ˈdoy, mú gálaat met gaa eeshey.

Yákob 2:18

Tá kálmareka, mú tikiˈd hatallá hai yeedhe, Kúún kó iiy yeen ˈgayyo, yú yáá he ekeny ˈguo, hai yeedhe. Ebá iiy yeen kua hé gaa ekemeycho-, mánnallá ye ka argísish, tá yú íín hé chia ekemeyoká iiy yeenchú hai ko aargisicha.

Bétiro Erká 3:21

Yaalmit kinaallá héllé ke hol ki ekemeyoká he bie gim naan ubaa hát Waag hí rubach shiicheká. Bie gim naanééllá hé bíé hí hol símis ki dhidhiˈdaká muuniny. Bíéllá he yaalmit máádhat hí kasle hát Waag hí feˈdoká gaa iđimuoká. Máádhat af giri Yíésu iiy yie-, mú uushich yé gáá ˈdímle úba iiy yieká in Waag hí rubach shiiche.

Bétiro ki Naamaká 1:1

Yú he Símon Bétiro, Yiesu Kirísto máállé gedech-, ali gaa kaanyká. Warˈgatééllá it halúg hí iiy yeen tikiˈde-, ˈdúwa-, nyiin nyí ˈdaa Waag kúnnaa Rubachiet-, Yiesu Kirísto ˈduuwle ki argiyyééllá itín úba hí ki argiyyééllá yú hí ˈdú gáá verene.

Yúúa 1:20

Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.

Yúúa 1:3

Sheel chia yú gielallo, yú érléká rúbách kúnnaa áwúlle ke hol ki ˈgúóllá hélle hí ˈdú gáá vereneká súm fede. Kor káánaka, yáá kas yáálle hí warˈgát ˈdu gáá vereno-, hí gil ki egefoká ye ká hille, giri Fayam Midhab ˈdúwa-, Waag hí gálle af tikiˈd kí shiiche-, tá bííyyo hol ma gaa sorominy-, muí gáál ki ógallá taalle laatle kín hí lađaanna-, gál hođomléká hí ma laanká.