Eféso 4:32 - Fayam Midhab Yiesu Kiristoká He Hol Af Iđiny Kaanaká

³² Midhánt ubaa geer guurá hol ka ˈgáa, hát Waag ˈdaa Kiristoka, hí ˈdú ˈjiiyyééllá hol ˈdú ˈjeeˈjemíe.

Eféso 4:32 ပူးပေါင်းရင်းမြစ်များ

Matááyo 6:12

Hé nyí ˈdeeđeneycheká ˈdaalleka nyí ˈdú ˈjé, hát tikiˈde nyiin gál nyí he ki ˈdeeđeneyká nyí ˈdú ˈjiiyyééllá.

Márko 11:25

Aalé hí ali ki ˈdiiyye-, hí Waag vivisatoká gál hí he ki ˈdeeneyká ˈdú ˈjée, héllé hí ki ˈdeeney kinaal hayyíe. Hát kinaallá in ˈJaa kíchia úr ijoká hé hí ˈdeeneycheká haađia, hí ˈdú ˈjeeme.

Lúka 1:78

Rúbách kinaallá Waagkúnno geer kurshamlé yé gáá ˈdeeme, édhum hai gáál shigia, hát giri aadh bur yé ká ˈdeˈdeenno-, gálaat gáá verenoká.

Lúka 11:4

Hé nyí ˈdeeđeneycheká ˈdaalleka nyí ˈdú ˈjé, hát giri nyiin gál nyí he ki ˈdeeđeneyká lulle nyí ˈdú ˈjeˈjeennééllá. Hé ˈdeđew-, maralle nyí ˈgayyaká nyí af gaa táátaʼ.

Lúka 17:4

Har mu ko kúlích tikiˈdeká a tiiya he ki ˈdeeney-, kor a tííyá tikiˈde kinaal ko hol ˈdu gáá naanadhe-, kieye, Yáá ko he ki ˈdeeney, makanno ko ká ˈjie, yieka, mú ˈdú ˈjé, Yíésu hí yie.

Lúka 6:35

Aalé kídhkícho geelnée, hé midhabká ki eekemeyyíe. Gálaat he shía. Hé hí gálaat shiichoká héllé gaalí el ká ˈgiˈgidhuoká haí táb ˈdoˈdóon. Hééllá hí ekemeychoka, itín hé súm midhabká haí aargiˈda, um Waag Úr Iđoká haí cheedhe, ˈdaa giri Waag gál he fiichiloká ubaa gál ađaabano ˈguoká geer hí sháw ˈdú yegetká.

Lúka 6:37

Aalé Yíésu geđi kieye, Haí gálaat ˈdeđénsen. Itín hí gálaat ma ˈdeđensenka, it úba Waag hí ma ˈdeđensen. Gál hé ˈdeđewká hí ki ekemeyoká idholle hayyíe, haí ger ka ˈgíiny. Hát kinaallá hí ˈdiiyyeka, Waag úba hé kíchia ˈdeđew-, hí eekemeycheká hai haađicha.

He Ekeny Gál Alb Fimiká 28:2

Koro kinaal gálle nyí ˈbule. Gaal ˈdaa giri les ir hí gaa tutune-, ali ˈdéeny ˈgayyeká, gaal ˈjiet iđie, nyí ká vie, nyí ˈjiet ˈbuusate.

Róóma 12:10

Gielmit gálle hol ki ˈdalidheká hol ka ˈgáa, hol súm kiikiadhíe.

Korínto Erká 13:4

Gielmít he geer gaa gúchi, gielmít hé geer ka guurá ˈgayyo, hé hinááf mán. Gielmít hé hol meeny mán, hé ma muurshany.

Korínto ki Naamaká 2:10

Máá hééllá ˈdeeneyallá hí ˈdú ˈjiiyyeka, yáá úba ˈdú ˈjie. Hé muí ekeyallá ˈdaalleka yú mú ˈdú ˈjieka, hé kinaallá innum Kiristoka ˈdaa kíchia yú ki ekey,

Korínto ki Naamaká 2:7

Hééllá káána he af giri hí mú ˈdú ˈjeˈjeenne-, hí mú gogofsichaká, giri mú geer ˈdéént hí ma ˈdú iilshananká.

Korínto ki Naamaká 6:6

Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

Eféso 5:1

Aaléka, it um Waaˈgiet-, Waag hí gielallá, Waag húgúmle ennée.

Yákob 5:11

Bá dhaayyíe, gál af ˈginnime-, mé ki chichirte-, ma giníminyká gál Waag hí ˈdú ˈguunnuanneká ke yegie. Yôb hát af ˈginnimeká ití maalle, tá Máá Guđoká waaséél hát mú naannasieká it óg. Máá Guđoká hé geer ka shâw ubaa geer ka guurá ˈguo.

Bétiro ki Naamaká 1:7

húgúm Waag hí feˈdoká geer gaa midhánt ˈdú chiˈdíe, geer gaa midhánt gielmít ˈdú chiˈdíe.

Yuána Erká 1:9

Tá ke Waag makan fame-, hát ke he ˈdeeneyká ke Waag geeyka, Waag he Máá ˈdúwa-, taglé-, nyuogimkúnno ubaa ađaabanokúnno ˈdaalleka, gáál ˈdú ˈjeˈjeen-, gáál nyuogim ubaa ađaabano lulle gaa dhidhiroká.

Yuána Erká 2:12

It umóóllo, hééllá yú hí ˈdu gáá verenóóllá he ˈdaa giri Kirísto ˈdugaka, Waag hí ˈdú ˈjiiyye-, hí nyuogimkícho ubaa ađaabanokícho gaa eeyyeká.