Eféso 4:25 - Fayam Midhab Yiesu Kiristoká He Hol Af Iđiny Kaanaká

²⁵ Aaléka, ˈdaa giri múún ki gon tikiˈdeká lulkícho ˈdeem hódhoká hayyíe, hol hé ˈdúwaká geeđía.

Eféso 4:25 ပူးပေါင်းရင်းမြစ်များ

Yuána 8:44

Itín ˈjaa kíchia hí léká he Sátan. Itín hát ˈjaakícho hí fedoká hí el gaa igiˈdoká hí feˈde. Máá kinaallá he máá aale-, gálaat yeges-, hé ˈdúwaká ma ki yaaliny-, hé ˈdúwaká hí gaa mánká. Mu af giri hódho higiloká in hélle tuuˈdle hogodho. Hééllá he ˈdaa giri mu hódho lé-, hódho ˈjaa léká.

Róóma 12:5

Kirísto gónle úba hát kinaallá. Múúni ke gál Kiristóóllá he ki gón Kiristo. Hé kinaallá kieye, múún lulkúnno hollo ke hol ki ˈgee.

Korínto Erká 10:17

Muun balashá tikiˈde ke kokoo. ˈDaa giri ke balasha tikiˈde kinaal kokúólláka, múúni ke burnayallá ke gon tikiˈde.

Korínto ki Naamaká 7:14

Hé midhab ˈdaakíchoka yú Títo geeyká, it ye af ki ˈduwasiche. Hát tikiˈde he lullé ke hí geeyká ˈdúwáállá, in úba hé midhab ˈdaakíchoka nyí Títo geeycheká ˈduway.

Eféso 4:15

Tá múún onnônyka, hát gielmitiká ki hé ˈdúwaká hogodho, ki hát lulle gaa higiraa, ˈjíig ki hát Kirísto gáál mééllá yeedhe.

Eféso 4:22

Yaalmit kisso-, hí ki iđeká, hát gon hí hađichaká it gaalí onisie. Kíssóótí balt kíchia gaa nyakaridheká hé hí nyimisate, hí bađisiche.

Eféso 4:31

Aaléka, hol ˈjiirt, ídho, idho hol gáá ˈgiliˈgany mánká, hol oosó, méé ˈdeeneny, ubaa he lullé gaa nyakarichká hol ka ridhdhíe.

Eféso 5:30

ˈdaa giri muun áwúlkúnno ki mú gónléká.

Kolosááya 3:8

Aaléka, yaalmisano hát káána ídho ˈgany ubaa idho hol gáá mony mánká ˈgany, điđám ˈgany, gálaat méé ˈdeeneny, ubaa af ka húrt mánt, lulle hol ka ridhdhíe.

Kolosááya 3:9

Haí hol hódho geđîny, ˈdaa giri húgúm kíchia kissoká, héllé ˈdeđew-, hí gaa seseenneká hí gíl sug ki hayche-,

Tímote Erká 1:10

Héétí hemuumurít he ˈdaa gál herginy gálle hol ma shúúnanká gaa seseenká, ubaa ˈdaa gál herginy gályaab hí hol hergisanká gaa seseenká, tá ˈdaa gál gálaat ugunan-, gáál mamarsatká, héétí ˈdaa gál hođomléká, tá gál gálaat hé hódhoká af kakawká, héétí he ˈdaa hé éíy taaka lulle-, he onisiny tagléká ma ki yaalinyká gaalí tág ki koy.

Tímote Erká 4:2

Gál hođomlé-, hol gál ˈduuˈdúwaká hođúóllá hé gál hé ˈdúwaká ubaa hódhoká hol ká muogká yie.

Títo 1:12

Gálallá máállé ˈdaallé mare úba hatallá he yie, kieye, Gál Kerete taalle he gál hođomlé-, đányar-, ma heyiminy-, he ma urinyká, he yie.

Títo 1:2

ˈDeeny ˈdúwáállá ˈdaalleka in Waag gálle hát luolmit biiyoká aargiroká og. Hééllá Waag hátlé les ma ka kúóninyká Waag hí murate, tá Waag hé af ka hódho mán.

Héberew 12:1

Aaléka, gál burnay-, Waag iiy yeen ká ˈgie-, hát nyáˈdowka gáál ki madééllá ˈdaalle ˈdugaka, he lullé giri iđiny Waag hí gáál ki feˈdoká gáál gáá momoyóóllá ubaa hé kúnnaa ˈdeđew-, ke ekemeyo-, gáál ki ˈdaˈdananallá kí hayo. Kí mé ki chirsat, kí đuul kúnnaa ke gaa igiro-, ke ma béésenallá beeset.

Yákob 1:21

Aaléka, yaalmisano gaa nyakaridheká ubaa ađaabano biiy lulle gaa iđóóllá hol ka ridhdhíe, ˈdeeny Waag hí ger fiiyyééllá hodhin midhabká ki eedhdhíe. ˈDeeny kinaallá in sidhamkícho riima.

Bétiro Erká 2:1

Aaléka, he lullé ˈdeđew-, hát káána điđám, nyiimisan, hódho, ubaa hinááf, tá kolkól hí gaa iđoká lulle hol ka ridhdhíe.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.