Eféso 4:24 - Fayam Midhab Yiesu Kiristoká He Hol Af Iđiny Kaanaká

²⁴ Waag hí gál kaanaká hoychééllá, hí húgúmle kaataká he feˈde. Aalé mú húgúmlé ˈdúwa-, saas mánnallá gaa yíéđía.

Eféso 4:24 ပူးပေါင်းရင်းမြစ်များ

Lúka 1:75

Tá múún rám kúnnaa ki lésal ˈdú ijoká Waag innum leka ki gál ˈdúwa-, he fedit Waaˈgiet gaa ijoká ki gaa yegetká.

Yuána 17:17

Gáál hol taak ki kúo, gáál ˈduuwkú ki dhíir. ˈDuuw kinaallá he ˈdeenykú.

Róóma 12:2

Haí húgúm lesalloká enîny, hol Waag ˈdú hayyíe, Waag hí hol gaa layyo, hí tawuny ˈdúwaká shiicho. Hí hatal ˈdiiyyeka, in Waag he gaa feditlé midhab-, taglé-, mú geer gaa memeychoká hí ekemeyche.

Róóma 13:12

Chúúre hé ká beeyye, biiy fuan hé ká ˈjobonte. Aaléka, hé ˈdeđew-, gaalí bííy gaa ongʼoˈdeká gaa ekemesetká kí hayo, kí édhum hélle hisat.

Róóma 13:14

Héél afleka, kí Máá Guđo Yiesu Kirísto húgúmle ˈguo, ha ke balt gaa nyakaridhe-, gonnietká tawunyle ˈgíiny.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Róóma 7:6

Aalé ˈdaa giri ke hemuumurit gáál hiigitééllá gim yé gáá ˈdie-, hemuumurít geđi muun gáál he ma ki mumurinyallá, muun káána ke gede Waaˈgiet-, iđiny kaanaká ki ijo-, Hím Naasan Waaˈgiet hí gaa iđo-, hí af tatiyyoká. Iđiny kúnnaa kaanáállá hé hát iđiny héle ke ki ije-, múúnalle ke hemuumurit gaalí veerééllá gim gaa ijeká muuniny.

Róóma 8:29

Waag hé gállé hátlé ma ka ˈdaláanká óg, hé úba gáál taak koyye, giri gaal hát mú Inyle yeget-, Iny gál burnay-, hol nyaaramallá angʼalle yegetká.

Korínto Erká 15:53

Hát Waag hí muˈdeká, gón kúnnaa kufunanno-, mooˈdoyyóóllá, in hol gaa soroonno, gón ma kufuminy-, ma mooˈdonyká chegedhe. Múúni ke kufunanallá in ke hol gaa soromo, ke gál ma kufuminyká yegedhe.

Korínto ki Naamaká 3:18

Múúni lulkúnno ke Kirísto iiy yie-, kaskúnno đafar hí gaa ˈjiiyyééllá, Máá kúnnaa Guđóóllá guchlé ka edhdheyyééllá hé ke il ki aargiro, in aaléka muun gáál taalle hol gaa lalaanna, giri húgúmkúnno mú húgúmle hođichoká. Hol gaa lany kúnnaallá Máá kúnnaa Guđoká Hím Naasanlé he yé gáá ˈdeˈdeenne.

Korínto ki Naamaká 4:16

Aaléka, har káána úba gón kínyaallá ˈdeđenetka, nyáá nyí ma giinany. Hééllá ˈdaa giri gúóf bar lulle Waag hí nyí shigichoká.

Korínto ki Naamaká 5:17

Aaléka, máá Kirísto hol ˈdú fameká hé Waag hí káána hoyche, mu hé yaalmitlé kissoká gaa láʼ. Ebá mú dhaayyíe, mu hé káána kí yie!

Galátia 3:27

It lulkícho gaalí bie gim nie-, hí gál Kiristo chíéllá, it Kirísto buate.

Galátia 6:15

Máádhat hermíte yíekaʼ, má hermisan yíekaʼ, hé naamáállá hé máádhat innum Waaˈgiet máá ˈdúwaká ma gaa hođiny. Hé ˈdúwaká he máádhat geđi Waag hí káána kí hođichoká.

Eféso 2:10

Múún ke hé lilammo-, Waag hí tág koyyeká. Waag múún gáál gál Kiristo hoycheká, in muun hújích midhab-, Waag hí kíssóótí gáál met tág koyyeká ki nannaa.

Eféso 2:15

Mu hé hemuumurít ubaa nyatalaam gál Yuuˈdi-, gáál hol nebesicheká kúfáchle úba ali ki koy. Mu hééllá ekeyallá, he giri gál met hí naama-, hol ka kídh onnoyká mú ˈdaalleka, hol ˈdú fafaan-, gaal tikiˈd yegetká. Mu hatallá in gáál hol shimít ki mure.

Eféso 6:11

He lullé Waag hí shiiche-, hí máá gáál ka kidhich-, Sátanléká hol kí ririataká shuunníe, fadhdhíe.

Títo 2:14

Mu íín dhúrlé gáál hol ˈdu gáá sillie, giri mu múúni ke mú iiy yíéllá he met lullé gaa nyakarichká gáál gáá bibisuo-, gáál dhidhiro-, gáál gálle hođisat-, gál hé midhabká ekemeyoká gófle ˈguoká gáál hođuoká.

Héberew 1:8

Tá Waag Íny ˈdaalleka kieye, Kó Waagallo, kara kua kansimoká taalle bííyyo hé ali yaal, tá gasar kuuní guchkú he ki mumuˈdoká he gasar ˈduwantiká.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Bétiro Erká 2:2

Hát káána um nigini-, ˈbáˈdká ot eelle eenamle maralle ˈgúóllá, itín úba ˈdeeny Waaˈgiet maralle ˈgáa, giri ˈdeeny kinaal ˈdaalleka, hí rúbáchkícho ki higirayyoká.

Bétiro ki Naamaká 1:4

Mú ˈduuwle ubaa midhantlé kinaal ˈdaalleka, mu hé he af iđinylé ˈdúwa-, kamuryoká hélle muun gáál ká shie. Hé muí gáál ka shíéllá ˈdaalleka, it hí he fedit lesallo-, gáál ˈdeđeneychóóllá yíé gáá ˈdiiyye, Waag hé gerkícho gaa iđo.