Eféso 4:2 - Fayam Midhab Yiesu Kiristoká He Hol Af Iđiny Kaanaká

² He met lulle hol ˈdúúw gaa ría, sáa yiedhíe, hol táa, he ˈdú faafadhdhíe, hát gielmitiká hol ˈdú ˈjeeˈjemíe.

Eféso 4:2 ပူးပေါင်းရင်းမြစ်များ

Matááyo 11:29

Ye ká hiláa, ye he gaa onodhíe. Yú he máá gielmít ubaa geer guurá ˈguoká. Itín héf haí ye gaa ˈgiisata,

Márko 9:19

Aalé Yíésu kieye, It hí iiy yeen mánnallo! Yú in ˈdáb aake ke hol af yíéđima, tá yú hol gaa tataa? Ebá véel állá kí ée, yie.

He Ekeny Gál Alb Fimiká 20:19

Har úba gál Yuuˈdi ye mé il gaa ˈgie-, hé burnayká il hí ye aargiˈdeka, yáá hol máá ˈdúwaká ma ka dháany, yú hújích Máá Guđoká imiro ki nannie.

Róóma 15:1

Múúni giri ke Fayam Midhab Kiristóóllá ki hirayallá, kí gál Kiristo hátle ma hirânyallá tawunylé đalimmóóllá ˈdaalle ˈdugaka kí yiir gaa chiichirat, ha ke tákámkúnno hol ger gaa memesîny.

Korínto Erká 13:7

Gielmít he lúl hai ˈdú fafaata, he lulle ˈdaalleka iiy yeenno Waag gaa iđimicha, Waag hé ˈdúwaká hát he ekemeychoká hé óg, héétí he lullé mé ki chichirsata.

Galátia 6:2

Hol ílsh ˈdú chiichiˈdíe, hí hatallá ˈdiiyyeka, in hí hemurit Kiristo đuusicha.

Eféso 1:4

Waag hátlé les ma ka kúóninyká in muun gáál waarate, gáál Kirísto ˈdú fiiyye, giri Waag innumleka, ke saas mán-, Waag gáál ma ˈdeđensenká.

Kolosááya 1:11

It úba ke hí Waag kí vivisat, giri Waag guchlé he ˈgayyoká hí fargogintle hí far ki googoyyo-, hí mé ki chirsan ˈgayya-, taalle hí he ˈdú fafaataká. Aaléka ger hí gaa meemeet,

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Yákob 1:21

Aaléka, yaalmisano gaa nyakaridheká ubaa ađaabano biiy lulle gaa iđóóllá hol ka ridhdhíe, ˈdeeny Waag hí ger fiiyyééllá hodhin midhabká ki eedhdhíe. ˈDeeny kinaallá in sidhamkícho riima.

Bétiro Erká 3:15

Tá ger kíchoka, Kirísto Máá Guđoká hotíe. Aadh lulle tagano ˈgée, giri gálaat hí iiy yeenkícho héllé hí met egeteká hí heeteka, hé hí gáál hol ˈdú nanniyyaká hí ˈgayyaká.

Bétiro Erká 3:8

Aaléka, lulkícho kas tikiˈde-, naannaká ki yíéđía. Ger kurshám ubaa gielmit gál hol nyaaramká hí hol ka ˈguoká ˈgáa. Héétí ger guurá ˈgany ubaa hol ˈdúúw rím ˈgáa.