Eféso 4:14 - Fayam Midhab Yiesu Kiristoká He Hol Af Iđiny Kaanaká

¹⁴ Hát kinaallá in múún geđ ke hát um niginiká, muuninyka, hát kádích baran hí hol gaa sisitoká ma yegen. Héétí ke hát gál gál đíđaská hí raraat-, hí ˈdeemlé hódhoká ki nyiimisatká ma yegen.

Eféso 4:14 ပူးပေါင်းရင်းမြစ်များ

Matááyo 11:7

Aalé lali Yuana he ˈgas badhdheká, Yíésu Yuána ˈduuwle nyesebich geey, gáál yiete, kieye, Lés ˈbakatéétí hí sieteká meete hí aargiˈde hí feˈde? Hóch waanich hí muotisuoká hí aargiˈde?

Matááyo 24:11

Gál burnay hođomlé-, hol gál Waag hí ˈdeem ka shigichoká hođuo-, gálaat baađisuoká yiem hai ká ˈdeeme.

Matááyo 24:24

Biiy gál hođomlé-, hol Kirísto ká hođuo-, ubaa gál hođomlé-, gál Waag hí ˈdeem ka shigichoká hol ká hođuoká yiem haí gáá ˈdeeme. Gálallá hé farguogo-, gálaat il hí aargiˈdo-, gálaat hí af ˈdaˈdaboká hai ekemeye. Hé gaalí ekemeyóóllá har hé gaalí hát gaa ˈguoká onnônyka hé gál Waag hí waarateká úba bađisie.

He Ekeny Gál Alb Fimiká 23:21

Gaal hai ko af far ˈdú gogónson, mú gáál shíiny. Mu gál tomon afur af ˈguoká met haí higila. Gaal hé hol ˈdéé mé ki hodhe, ˈdaab he mú ma yíésinyká hé bie ma igiminy ubaa hé hé geere ma kokony. Gaal lulle hé ˈdeenyle tág kodhdhe, ˈdeeny kua tákáma egese, máá ruorich kinaal hí mú yie.

Korínto Erká 12:2

Af giri hátle hí Waag moonnoyyeká, it waagam hódho-, ˈdeem ma hogonká vivisate, waagam kinaal úba hí baađisie. Hé kinaallá it óg.

Korínto Erká 14:20

Nyaaramchú, kaskícho hai kas um niginiká onnôny. Hát um nigini-, hé ˈdeđewká muogká yeedhíe, tá kaskícho hí kas gál hirayká cheet.

Korínto Erká 3:19

ˈDaalim lesalloká innum Waaˈgietka hé đeeymo. Hé kinaallá he hát Warˈgat Waaˈgiet hí hote-, kieye, Waag hé gál ˈdaalle léká điđamle ˈdú ˈgiiliˈgayyo, chieká.

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Galátia 3:1

It Galatia đéesal! Mááya hí nyimite? Yiesu Kirísto gaalí ˈgór đarám yaalká ˈdú yieská fayamle hé gaalí metkícho ma gaa ˈdiiyíminy?

Eféso 6:11

He lullé Waag hí shiiche-, hí máá gáál ka kidhich-, Sátanléká hol kí ririataká shuunníe, fadhdhíe.

Tímote Erká 3:6

Mu hai máá Kirísto ˈjobintééllá iiy gaa yieká onnôny. Máá hatallóóllá gaalí gál Kiristo met gaa koyka, kálmaréél máá ˈdúwaká hollo hol ká dhaˈgama, ˈdéé ki iđiny Waag hí Sátan ki iđimichóóllá úba Waag haí ki iđimicha.

Tímote ki Naamaká 1:15

Kuun gál Asia lulle hát ye el af gaa tameká kó óg. Gál kinaallá ˈbaal hí mú Fugélo ubaa Hermogénes.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Tímote ki Naamaká 4:3

Bár gál burnayká he onisiny ˈdúwáállá nee ma kokonyká ali hai kí ˈdeenne. Gaal he feditle ˈdaalleka, gál gálaat he oonisuo-, ˈdeenyle hí nee gaa méká hollo hol gaa ˈgeˈgedhe, gáál af nee hai kokoo.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Yákob 1:6

Máá Waag rogononká íín hai Waag ki nannáan, mu hí iiy yeen ˈguo. Máá Waag ki nannaatká hát bárán waanich hí hol gaa sisidho-, mé lođuđugul he ki ˈdaraanká mánká.

Yákob 3:4

Héétí kadís kí yeet, kadiská ˈbaal hé guguđo, wááních fargogoká hí tataa, kor íín yaaw niginiká hí af tataa, ál gál kadís kukuoká hí fedoká met nanniyya.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.

Yuána Erká 2:19

Gál muun gáál yé gaa ˈdíéllá hé gálkúnno muuniny. Gaal he gálkúnno onnônyka, hé hátle onnônyka ke hol ˈguo. Yaalmit gaal muun gáál hayallá, in gaal lulle hát gálkúnno muuninyká gáál ká argisie.

Yuána Erká 2:26

Hé yú hí ˈdu gáá veerééllá he ˈdeeny gál hí baađisuoká.

Yuána Erká 4:1

Sheel chia yú gielallo, af giri gálaat hí ˈdéé hót geđuoká haí đo kieye, gaal Hím Naasan Waaˈgieto he ˈdéé ki hogodho, hí chégen. Ebá gáál ˈdéé hótle he af kí dhaayyíe, har gáál ˈdéé hótle ˈdéé hót Hím Naasan Waaˈgiet yé gáá ˈdiiyyeká kátaka. Hééllá he ˈdaa giri gál burnay-, hođomlé-, hol gál Waag hí ˈdeem ká shigicheká hoyká biiy gaa ijoká.

Yúúa 1:12

Af giri gólol álle me hí hol gaa aargiroká, in gálallá hí ká higila, hí ˈdeđeneye. Gaal íín dhúrlé hol golmia, kern hí ma ˈgiˈgin. Gaal he hát nyáˈdow ír mán-, waanich hí hol gaa sisidhoká, ubaa hát ˈguor saano hí ma gáá higisiny-, hidh hí les gaa mánká. Gálallá he gál kúfach met naam il hí aargiˈdoká.

Kí Edhesiny 19:20

Aalé bíních kach ˈguo kinaal ubaa bíních giri hol máá Waag hí ˈdeem ká shigicheká hol ka hoyká Máá farich ˈdú ijo kinaal hí ˈgiliˈgay. Bíních hol máá Waag hí ˈdeem ká shigicheká hol ka hoyyallá he máá giri hé gáál af ˈdaˈdabsuo-, bíních kach ˈgúóllá gaa aargireká eekemey-, gál binich gúíyle iiy yie-, gaalí ki gue-, tá binich yaalmitlé giri gaalí tág nieká memeyká ki nyiimiteká. Aalé binich ubaa máállééllá hátlé luogolká Máá hí ˈgiliˈgayallá hí bás ˈjiete-, waar ˈjiet hí gaa boloonká hí gaa ijoká ki laalame.